JOSHUA 20:7 - Navajo Bible

⁷ Áko díí kin hadaas'áii nideidiyiiz'ą́: éí Kíídesh kin haal'áii Gálilii kéyah biyi', t'áá éí Náftalai dine'é bikéyah át'éego dah daask'idígi, áádóó Shííkem kin haal'áii Íífreiyim dine'é bikéyah dah daask'idígi, índa Kírjath-árba kin haal'áii, t'áá éí Hííbran ałdó' hoolyé; éí Júdah dine'é bikéyah dah daask'idígi,

JOSHUA 20:7 ပူးပေါင်းရင်းမြစ်များ

GENESIS 23:2

Ákohgo Kírjath-árbagi t'áá ákwe'é Hííbran hoolyé; Kéínan kéyah biyi'gi Sárah daaztsą́, áko Éíbraham atínízhdindleehgo áá jiníyáago Sárah baa jííchah.

I KINGS 12:1

Riihobówam éí Shííkemgóó ííyá, háálá Ízrel dine'é t'áá ałtso aláahgo naat'áanii adahodoolííł biniyé Shííkemgi neheeskai.

I CHRONICLES 6:76

Náftalai dine'é bikéyahgi Gálilii nahós'a'gi Kíídesh kin haal'áhígíí áádóó Hámman áádóó Kíriyathéíyim kin hadaas'áhígíí índa binaagóó dahootsoígi baa dahodeest'ą́.

II CHRONICLES 10:1

Riihobówam éí Shííkem kin haal'áágóó ííyá, háálá Shííkemgi Ízrel dine'é éí aláahgo naat'áanii ádahodoolííł biniyé t'áá át'é neheeskai.

NUMBERS 35:6

Áádóó kin hadaas'áii Líívai dine'é baa dahodidooh'áłígíí éí hastą́ągo kin haal'áii bii'jį' yisdá'niichéeh dooleeł biniyé baa dahodidooh'ááł; éí diné yiyiisxíinii áajį' yisdádahinichéeh doo; éí bighą́ąhjį' dízdiindóó ba'aan naakigo kin haal'áii bá bídeidoohnił.

LUKE 1:39

Áko íídą́ą́' Mary dashdiiyáago tsxį́įłgo kéyahgi dził naaznilígóó, Júdah kéyahdi kin haal'áadi jiníyá,

DEUTERONOMY 19:9

áádóó díí bik'eh ó'oo'níiłii t'áá át'é díí jį́ nihich'į' bee haasdziihígíí bik'eh ádanoht'éego áádóó Bóhólníihii nihiDiyin God ayóó'ádeínóh'níigo índa t'áá áłahjį' bibik'eh honít'i'ii bik'ehgo deínóhkáahgo kódanoht'éego t'éiyá táa'go kin haal'áhígíí táa'go ádá ła' bínáádeidoohnił.

DEUTERONOMY 4:41

Áko Mózes éí Jórdan tooh nílínídóó háá'át'áahjigo kin hadaas'áhígíí táa'go bits'ąą hasti'go neidiní'ą́.

JOSHUA 12:22

Kíídesh dine'é aláahgo binanit'a'í t'ááłá'í, Dził Kármelgi Jákniyam dine'é aláahgo binanit'a'í t'ááłá'í,

JOSHUA 14:15

Éí bítséédą́ą́' Hííbran hoolyéhígi Kírjath-árba hoolyéé nít'éé'. Éínak dine'é bitahgi díí diné Árba wolyéii ayóó át'éii nilį́į́ nít'éé'. Ákohgo éí kéyahgi anaa' doo hólǫ́ǫ́góó hasht'ehodít'éé nít'éé'.

JOSHUA 15:13

Jiifáneh biye' Kéíleb éí Júdah dine'é bitahgi Jáshowa wolyéii kéyah ła' haidiní'ą́; Bóhólníihii éí Jáshowa yich'į' t'áá ákót'éego yee haadzíí'; éí Éínak dine'é Árba wolyéii bizhé'é bikin haal'áii Hííbran hoolyéii yeidiní'ą́.

JOSHUA 19:35

Kin hadaas'á ditą́ągo binaa ahééda'astł'inígíí éí kódahoolyé: Zídim, Zer, Hámath, Rákath, Kíniireth,

JOSHUA 19:36

Ádamah, Réímah, Héízor,

JOSHUA 19:37

Kíídesh, Édriyai, En-héízor,

JOSHUA 20:8

áádóó Jórdan tooh wónaanídi Jériko kin haal'áii ha'a'aahjígo honoojíígóó dziłgo haz'ánígi Bíízer hoolyéego Rúben dine'é bikin haal'áii, áádóó Gíliyad kéyah biyi' Réímath hoolyéego Géed dine'é bikin haal'áii índa Béíshan kéyah biyi' Gólan hoolyéego Manáseh dine'é bikin haal'áii nideidiyiiz'ą́.

JOSHUA 21:11

Éínak dine'é yizhé'é nilíinii Árba wolyéii bikin haal'áii Hííbran hoolyéhígíí baa dazdeez'ą́; éí Júdah dine'é bikéyah dah daask'idígi dahootsooígíí t'áá bił baa dazdeez'ą́.

JOSHUA 21:13

Ákohgo náá'iiłniihii Éran dine'é éí Hííbran kin haal'áii binaagóó dahootsooígíí t'áá bił yaa deideez'ą́; éí kin haal'áii bii'jį' yisdá'niichéehii iisxíinii bá át'é, áádóó Líbnah kin haal'áii binaagóó dahootsooígíí t'áá bił yaa deideez'ą́.

JOSHUA 21:21

Éí baa dahideest'ánígíí Shííkem hoolyéii dahootsooígíí t'áá bił Íífreiyim dine'é bidziłgo nahaz'ánígi kin haal'áii bii'jį' yisdá'niichéehii iisxíinii bá át'é, áádóó Gíízer kin haal'áii binaagóó dahootsooígíí t'áá bił yaa deideez'ą́,

JOSHUA 21:32

Áádóó Náftalai dine'é bikéyah biyi' kin hadaas'áhígíí éí Gálilii kéyahgi Kíídesh kin haal'áii binaagóó dahootsooígíí t'áá bił hóó' daazlį́į́'; éí kin haal'áii bii'jį' yisdá'niichéehii iisxíinii bá át'é, áádóó Hámath-dóor kin haal'áii binaagóó dahootsooígíí t'áá bił índa Kártan kin haal'áii binaagóó dahootsooígíí t'áá bił; éí táa'go kin hadaas'áii hóó' daazlį́į́'.

JOSHUA 24:1

Áko Jáshowa éí Ízrel dine'é t'áá át'é Shííkem kin haal'áagi áłah áyiilaago Ízrel dine'é hastóí danilíinii áádóó aląąjį' naazíinii áádóó ándahodii'aahii índa á dah naazdáii hágo yidííniidgo Diyin God hólǫ́ǫjį' niikai.

JUDGES 9:1

Áko Jerabéíyal biye' Abímelek éí Shííkem kin haal'áágóó jiníyáago hamá bik'éí áádóó t'áá ałtso hamá bizhé'é bik'éí danilíinii ábizhdííniid,