JOSHUA 20:5 - Navajo Bible

⁵ Áádóó diné jiisxíinii bik'éí hak'íhá'áhígíí hakéé' yílwodgo éí doo yaa dahodidoo'áał da, háálá éí hoł kééhat'íinii t'áadoo baa ákozníziní jiisxį́, índa éí doo jijoołáa da nít'éé'.

JOSHUA 20:5 ပူးပေါင်းရင်းမြစ်များ

LEVITICUS 4:2

Ízrel dine'é bich'į' handziihgo kóbidiní, Ła' t'áadoo baa ákozníziní ádił adzisiihgo, éí Bóhólníihii bibik'eh ó'oo'níiłii doo ádoolníił da, nínígíí ájiilaago, éí t'ááłáhígo haz'ą́ dziz'įįdígíí bee ádihozhdiilt'i'go,

NUMBERS 35:12

Áko dił biniinaa diné k'ééhodidoodlíiłii bits'ąą kin hadaas'áii bii' yisdá'niichéehjį' azhdínóochééł, áko diné jiisxíinii doo dazdootsaałígíí biniyé átsé hazhó'ó haa hwiidínóot'įįł.

NUMBERS 35:25

Áádóó dah oonéłígíí éí diné bik'éí bidił biniinaa k'éédidoo'níłígíí bits'ą́ąjį' diné iisxíinii yisdádeidoołtééł, áko kin haal'áii bii' yisdá'niichéehjį' anííchą́ą́' yę́ęjį' yił nídadookah, áádóó aláahgo náá'iiłniihii ak'ah bik'i yaadziidgo bi'doolzį́'ígíí daaztsą́ąjį' ákwii kééhojit'į́į doo.