JOSHUA 2:9 - Navajo Bible

⁹ Áádóó diné ábijiní, Díí shił bééhózin: Bóhólníihii éí kéyah nihaididoo'ááł áádóó nihik'eda'íyée'go bik'ee nisiniikai, áádóó kéyah bikáa'gi diné kéédahat'ínígíí t'áá át'é nihik'ee bitah doo dahwiina' da.

JOSHUA 2:9 ပူးပေါင်းရင်းမြစ်များ

GENESIS 35:5

Áko índa dah náádazhdii'ná, áko éí dahanaagóó kin hadaas'áhígíí Diyin God bik'ee hoł daayéé', áko Jéíkab biye'ké t'áadoo yich'į' dadeezbaa' da.

II SAMUEL 17:10

Áko diné doo nánílyéesii, éí náshdóítsoh bitsiijį' ditł'oii bii' honít'i'ígi át'éego hayi' honít'i'ígíí doo chohoo'į́į́góó nízhdooldzííł. Jó, Ízrel dine'é t'áá ałtso díí bił béédahózin; éí nizhé'é ayóó át'éego ana'al'į́ át'é nízinii nilį́ áádóó bił naakaígíí doo nídanilyéesii danilį́.

II KINGS 5:15

Áádóó bił nijikaígíí bił nát'ą́ą́' níjíkaigo Diyin God yá naal'a'í baazhníyáago bidááhdę́ę́' dziizį'go ájíní, Jó, Ízrel dine'é bikéyahgi Diyin God hólónígi át'éego nihokáá'góó t'áá át'éé nít'éé' doo ła' hólǫ́ǫ dago shił bééhoozin; éí bąą k'ad, ná naal'a'í neidooléłígíí nídiilé, baa nánooshkąąh.

II KINGS 7:6

Háálá Bóhólníihii éí Síriya dine'é dah deínéhígíí éí tsindaabąąs bijáád naakiígíí áádóó łį́į́' t'áá éí ayóó át'éego oonééł yiits'a'ígi át'éego dazdiizts'ą́ą'go áhoolaa, áádóó áda'ahidoo'niid, Jó, Ízrel dine'é aláahgo binanit'a'í éí Het dine'é aláahgo bindanit'a'í áádóó Ííjip dine'é aláahgo bindanit'a'í nihik'iidoojah biniyé yich'į' ni'iizla' lá.

NEHEMIAH 6:16

Ákódzaadóó bik'ijį' nihi'ana'í t'áá ałtso díí yaa dahodiizts'ą́ą'go áádóó ał'ąą dine'é nihinaagóó kéédahat'ínígíí díí dayiiłtsą́ągo bąąh nidahazkaadgo yik'ee nitsidaaskai, háálá nihiDiyin God éí ła'yiyiilaago yaa ákódaniizį́į́'.

ESTHER 8:17

Áko t'áá haa'ída bił nahaz'ą́ą́góó índa t'áá kin hadaas'áhígi aláahgo naat'áanii yee hahaasdzíi'ii éí bibee haz'áanii haa dahwiizle'go, Jew dine'é bił dahózhǫ́ áádóó yaa bił dahózhǫ́ǫgo ída'azįįd yaa naaskaigo nizhónígo bee ida'az'ą́. Áko t'óó ahayóí dadine'é kéyahgi kéédahat'ínígíí éí Jew dine'é daazlį́į́', háálá Jew dine'é danilíinii yik'ee bił daayéé'.

JOB Naaltsoos Biyi' Job Baa Hane'ii 19:25

Jó, shił bééhózingo nááshiisnii'ii hiná, áádóó niidoołkáałjį' ayííłką́ągo bí t'éí nihokáa'gi ahidíízį́į doo.

PSALMS 112:10

Diné doo yá'áshóonii éí yiyiiłtséehgo báháchįįh; biwoo' ahíidiłk'ashgo doo bééhodoozįįł da. Diné doo yá'áshóonii laanaa nízinii t'áadoo nádleehí da.

PSALMS 115:16

Yá'ąąsh bił hiníláii éí Bóhólníihii bí, nidi nahasdzáán éí dadine'é bada'áłchíní yeidiní'ą́.

EXODUS 18:11

K'ad díí shił bééhoozin: Bóhólníihii éí diyin dabidi'níinii t'áá ałtso yiláahgo át'éé lá; jó, ha'át'íhída bee ádaa dahoji'niihii yiláahgo át'é.

EXODUS 23:27

Nihidáahdi kéédahat'ínígíí shik'ee bił dayée'go ádeeshłííł, áádóó diné t'áá baa dahohnéhígíí t'áá ałtso ádeeshdįįł, áádóó nihida'ana'í t'áá ałtso nihits'ą́ąjį' yóó'adahinichéeh doo.

ECCLESIASTES 8:12

Azhą́ diné ádił ni'iilzíihii t'ááłáhídi neeznádiindi ádił ná'ásiih áádóó as'ahgóó bíyoołkáałgo ályaa nidi, t'áá aaníí shił bééhózingo Diyin God deidósinii, t'áá éí binááł dahodísingo bá yá'át'éeh dooleeł.

ISAIAH 19:1

Ííjip dine'é át'ée dooleełii ch'ét'ą́. Bóhólníihii éí tsxį́įłgo k'os bił yilzhoł go Ííjip kéyahjį' doogááł, jó'akon. Bóhólníihii binááł Ííjipgi eda'alyaii éí daditsxiz doo, índa Ííjip dine'é t'óó bił ádahodoodįįł.

ISAIAH 23:5

Táir kin haal'á atílyaago éí Ííjip kéyahdi nídayoo'nii'go yéego yínííł yiih dínóodah.

JEREMIAH 27:5

Shibee adziil ayóó át'éii bee áádóó k'ídíshnii'go nahasdzáán áádóó bíla' ashdla'ii índa naaldlooshii nihokáá'góó naaldeehii áshłaa, áko t'áá shí nisinígíí baa hidish'aah.

NAHUM 2:10

Kin haal'áagi hólóonii ałtso nídahasdláá' áádóó doo yiila'í da, índa kin haal'áhígi doo siláhí da. Áko bijéí bąąh náádahaka'. Bitah dahoditłidgo bigod ahídadínídah. T'áá ałtso biníí' gónaa daneezgai. T'áá ádzíłtso dajiichxii' daznoos'níí'.

NUMBERS 20:14

Áko Mózes éí Kéídeshdóó hane' nidei'áhí danilíinii éí Íídam hoolyéédóó aláahgo naat'áanii bich'į' ajiis'a'go ájíní, Ízrel dine'é nik'éí kódaaní, Díí nił bééhózin: ach'į' nahwii'ná t'áá át'é bik'ee ka nisiikai;

NUMBERS 20:24

Éran éí hadine'é yę́ę bich'į' nízhdoodleeł; jó, Ízrel dine'é kéyah baa dinish'aahígíí doo biishdoogáał da, háálá tó háána'go Méribah hoosye'ígi t'áá ánóhłah shizaad bich'į' disoołtee'.

MATTHEW 20:15

Da' shinaalye'éésh doo t'áá shí nisinígi ádeeshłíiłgo bee shá haz'ą́ą da? Da' shił hadlee'ígíísh biniinaa iiníłch'į́į́d?

DEUTERONOMY 11:25

Diné doo ła' nihich'į' woozįįh át'ée da doo, háálá Bóhólníihii nihiDiyin God éí kéyah bikáá' t'áá ałtsogóó deínóhkáahgi nihik'ee hóyée'go índa nihik'e'íyée'go ánihidoolííł; jó, ákót'éego Bóhólníihii nihich'į' yee haadzíi' ni'.

DEUTERONOMY 2:25

Díí jį́ nihits'á dahazyée'go áádóó yádiłhił biyaagi ał'ąą dine'é nihik'ee bił daayée'go ádeeshłííł, áádóó nihaa dahodiits'a'go nihik'ee bitah dahoditłid doo, índa nihiniinaa yínííł yik'ee ti'dahooníih doo.

DEUTERONOMY 28:10

Áádóó nihokáá' dine'é t'áá ałtso éí Bóhólníihii bízhi' binahjį' danihi'dójíigo yaa ákodaniizį́į'go nihik'ee bił daayée' doo.

DEUTERONOMY 32:8

Aláahgo Ayóó'át'éii éí ał'ąą dine'é kéyah bíí' dadooleełii yá ałts'áyiizoh yę́ędą́ą́' áádóó Ádam bits'ą́ą́dóó deíchíihii ałts'áyiiznil yę́ędą́ą́' Ízrel dine'é ánéelt'e'ígíí bik'ehgo kéyah bá haadzoh.

HEBREWS 11:31

Réíhab, ałjiłnii nilíinii, bi'oodlą' bik'ehgo doo ak'eh dahół'íinii t'áadoo yitah daaztsą́ą da, háálá k'é nídzingo naalchi'í yah ayíí'eezh.

JOSHUA 2:11

Áádóó t'óó baa dahodisiits'ą́ą́' yę́ędą́ą́' t'óó nihił ádahasdįįd; t'áadoo yee diné hada'óolní'ígóó nihiniinaa ákódeiidzaa, háálá Bóhólníihii éí nihí aají nihiDiyin God éí Diyin God nilį́įgo wódahdi yá'ąąshdi índa wóyahdi nihokáa'gi hólǫ́.

JOSHUA 2:24

Áádóó Jáshowa ábizhdííniid, T'áá aaníí Bóhólníihii éí kéyah t'áá át'é nihaidiní'ą́ą́ lá; jó, kéyahgi t'áá át'é kéédahojit'ínígíí nidi t'áá ádzíłtso nihik'ee hatah doo dahwiina' da.

JOSHUA 2:8

Áko diné nídees'į́'ígíí t'ah doo niteeshgóó, asdzání éí kin bighą́ą́'góó diné yich'į' hanáánásdzá.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JOSHUA 6:2

Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.

JOSHUA 9:10

Áádóó Ámor dine'é aláahgo binanit'a'í nidilt'éego Jórdan tooh biláahdi Héshban kin haal'áádóó aláahgo naat'áanii Sáíhan wolyéii índa Béíshan kéyahdóó aláahgo naat'áanii Ag wolyéii, éí Áshtarath kin haal'áagi bighanígíí áyííł'įįdii t'áá át'é baa dahosidiits'ą́ą́'.

JOSHUA 9:24

Nít'éé' Jáshowa áńdeidoo'niid, Ninaal'a'í daniidlíinii t'áá aaníígóó nihił dahóone'; Bóhólníihii niDiyin God nilíinii binaal'a'í Mózes éí kéyah t'áá át'é nihaididoo'áałgo éí kéyahgi kéédahat'íinii t'áá ałtso t'áá nihilą́ąjį' íidoołdįįłgo yich'į' yee haadzíí'. Éí bąą ádanihidoołdįįłgi bik'ee t'áá íiyisí nihił daayée'go nihiniinaa ákódeiit'įįd.

JOSHUA 9:9

Áko ádahodííniid, Kéyah doo deeghánídę́ę́' ninaal'a'í yíkai, háálá Bóhólníihii niDiyin God bízhi' bee ch'íbidit'ááh, áádóó Ííjip kéyahdi áát'įįdígíí t'áá át'é baa dahosidiits'ą́ą́'.

JUDGES 7:14

Áko bik'is ábidííniid, Díí Ízrel dine'é Jó'ash biye' Gídiyan bidiltłish át'éé lá, háálá Diyin God éí Mídiyan dine'é áádóó yił dah deínéehii t'áá ałtso hálák'eidíí'ą́.