JOSHUA 2:6 - Navajo Bible

⁶ Nidi asdzání éí kin bighą́ą́'góó diné hajizh'eezhgo nidik'ą' dits'idígíí éí biyaagi nízdees'į́į́'.

JOSHUA 2:6 ပူးပေါင်းရင်းမြစ်များ

II SAMUEL 11:2

Áádóó ákódzaago hííłch'į'go David bitsásk'ehdóó nídii'na'go aláahgo naat'áanii bikin bighą́ą'di haayáago áadi tádíghááh nít'éé'; áádę́ę́' asdzání ła' naabéego yiyiiłtsą́. Éí asdzání ayóó ánóolningo níl'į́.

II SAMUEL 17:19

Áádóó asdzání éí tó hahadleeh hahasdzánígíí yik'é'ésti'go naadą́ą́' haaltseedgo yik'i neisas, áko doo bééhózin da.

I KINGS 18:13

Da' doósh ásdzaaígíí shinanit'a'í bee bił hóóne' da, shą́ą́', Jézebel éí Bóhólníihii yá dahalne'ii neistseed yę́ędą́ą́' Bóhólníihii yá dahalne'ii neeznádiingo t'áá ał'ąą ashdladiingo tsé'áán góne' nídééł'į́į'go bááh áádóó tó bił baná'ástso' nít'éé'?

I KINGS 18:4

jó, éí kódzaa, Jézebel éí Bóhólníihii yá dahalne'ii neistseedgo Obadáíyah éí Bóhólníihii yá dahalne'ii neeznádiingo néidiinil, áádóó t'áá ał'ąą ashdladiingo tsé'áán góne' néidees'į́į'go bááh áádóó tó biłgo yaná'áltso' nít'éé'.)

II KINGS 11:2

Nidi aláahgo naat'áanii Jóram yę́ę bitsi' Jiihósheba wolyéii Eihazáíyah bideezhí éí Eihazáíyah biye' Jó'ash aláahgo naat'áanii yę́ę biye'ké nidadootsiłii bitahdóó yił dah dii'áazhgo bí áádóó asdzání baa áhályánígíí nida'iilkáhí góne' Athaláíyah yits'ąą náhodees'į́į́', áko t'áadoo ho'diisyį́į da.

EXODUS 2:2

Éí asdzání i'niiltsąądgo ashkii yishchį́, áko awéé' t'áá íiyisí bíiyisgo jiiłtsą́ągo bąą táá' nídeezidjį' nízdees'į́į́'.

JEREMIAH 36:26

Áádóó aláahgo naat'áanii éí t'áá bí biye' Jíírahmíyel áádóó Ázriyel biye' Seráíyah índa Ábdiyel biye' Shelemáíyah yich'į' haadzíi'go naaltsoos ííł'íní Bérak áádóó Diyin God yá halne'ii Jeremáíyah, Nídooh'éésh, yidííniid, nidi éí Bóhólníihii nábidees'į́į́'.

MATTHEW 24:17

ła'da bikin bighą́ą'di naagháago, wóne'dę́ę́' t'áadoo le' é ch'íidoojih biniyé doo yah anídoolwoł da,

DEUTERONOMY 22:8

Kin ániidíii ádá áníléehgo bikáá'dę́ę́' bibąąhgóó tsé ahéédíítł' į́į́ł, áko áádę́ę́' t'áá háiida doo adah adootłish da, índa dił doo bee ádihodidíílt'ih da.

COLOSSIANS 3:3

Háálá nihokáá' bił nidahazt'i'ii bits'ąą dasinoonáago k'ad Christ bił Diyin God bii' nídanihidi'dees'į́į́'.

HEBREWS 11:23

Mózes yizhchį́ yę́ędą́ą́' bishchíinii bi'oodlą' bee táá' nídeezidjį' be'awéé' néidees'į́į́'. Háálá awéé' t'áá íiyisí nizhónígo yiyiiłtsą́, áádóó aláahgo naat'áanii yee has'áanii doo bik'ee bił yée' da.

JAMES 2:25

T'áá ákót'éego ałdó' Réíhab, ałjiłnii nilíinii, éí hane' neii'áhí yah ayíí'eezh yę́ędą́ą́', áádóó nák'ee'ąągo ch'ínéiníł'a' yę́ędą́ą́'; ádziidzaaígíí bee Diyin God bił ts'ídá t'áá ákogi ájít'é dzizlį́į́'.

JOSHUA 2:5

Áádóó tł'ée'go ch'é'étiingi dá'deelkaalgo éí diné ch'íní'áázh lá. Háajigo ahi'noolchą́'ígíí doo shił bééhózin da. Tsxį́įłgo, bikéé' dohjeehgo bik'ídanohtááh.

JOSHUA 2:7

Áko diné akéé' ííjé'ígíí Jórdan tooh áłt'ą́'ą́jį' tsé'naa nideetiiníjį' akéé' niníjéé', áádóó éí diné t'óó ch'íníjé'égo t'áá áko dání'deetą́.

JOSHUA 2:8

Áko diné nídees'į́'ígíí t'ah doo niteeshgóó, asdzání éí kin bighą́ą́'góó diné yich'į' hanáánásdzá.

JOSHUA 6:25

Nidi Jáshowa éí Réíhab ałjiłnii nilíinii áádóó bizhé'é bighandóóígíí índa bik'éí t'áá ałtso dahináa doo biniyé yisdájíínil, áko díí jį́įjį' Ízrel dine'é bitahgi kéédahat'į́, háálá Jáshowa éí naalchi'í nidilt'éego Jériko kin haal'áii haidoosił biniyé nidzis'a'ígíí néidees'į́į́'.