JOSHUA 2:5 - Navajo Bible

⁵ Áádóó tł'ée'go ch'é'étiingi dá'deelkaalgo éí diné ch'íní'áázh lá. Háajigo ahi'noolchą́'ígíí doo shił bééhózin da. Tsxį́įłgo, bikéé' dohjeehgo bik'ídanohtááh.

JOSHUA 2:5 ပူးပေါင်းရင်းမြစ်များ

NEHEMIAH 13:19

Ákódzaago k'adę́ę háá'áyį́į́h jį́ aleehgo, Jerúsalem bidáń'daditį́į́hgóó yíłhéelgo dáda'dinołkaał, dííniid áádóó t'áadoo ąą ádaalnéhí háá'áyį́į́h jį́ ałtsogo índa ąą ádadoolníiłgo bee haasdzíí' índa háá'áyį́į́h jį́į́ góne' hééł ła' doo yah adoogéeł da biniyé diné shá nidaal'a'ígíí ła' dáń'daditį́į́hgóó nidasínil.

ISAIAH 60:11

Éí bąą nił yah ada'iiztiinígíí t'áá áłahjį' ąą ádaat'ée doo; jį́įgo áádóó tł'ée'go doo dáń'dadilkał da doo, áko ał'ąą dine'é yee da'at'íinii naa dayiiyeeh doo áádóó aláahgo binanit'a'í danilíinii naa deidiyoo'ish.

JEREMIAH 50:20

Éí yoołkáałdi índa éí hoolzhishdi Ízrel dine'é yee ádił asiihii há'déest'į́į' doo, nidi ádin doo, áádóó Júdah dine'é yee ádił asiihii ch'ééh hádazhdídóo'įįł, háálá áádasísįįdii ádił nida'iisí'ígíí bá k'ééda'deeshchxǫǫł, ní Bóhólníihii.

EZEKIEL 47:12

Tooh nílínígíí ałts'ą́ą́hjígo bibąąhgóó tsin ał'ąą ádaat'éii ch'iyáán biniyé nidanise' doo; bit'ąą' éí doo dadínóołnah da, bineest'ą' ałdó' t'áá dahólóní dahólǫ́ǫ doo; t'ááłá'í nínádízi' bik'eh nínádanit'į́įh doo, háálá hodiyingo haz'ánídóó bito' háálį́; bineest'ą' éí yidą́ą doo, áádóó bit'ąą' éí ná'áłdziih doo.

JOSHUA 2:4

Áádóó asdzání éí diné t'áá áłah dah yidii'eezh áádóó néidees'į́į'go ání, T'áá lá aaníí diné shaa ní'áazh ni, nidi naa'aashdę́'ígíí éí doo shił bééhózin da.

JOSHUA 2:6

Nidi asdzání éí kin bighą́ą́'góó diné hajizh'eezhgo nidik'ą' dits'idígíí éí biyaagi nízdees'į́į́'.

JOSHUA 2:7

Áko diné akéé' ííjé'ígíí Jórdan tooh áłt'ą́'ą́jį' tsé'naa nideetiiníjį' akéé' niníjéé', áádóó éí diné t'óó ch'íníjé'égo t'áá áko dání'deetą́.

REVELATION 21:25

Áadi aańdaditį́į́hgóó ts'ídá doo dádadi'doolkał da, háálá áadi tł'éé' ádin doo.

I SAMUEL 19:14

Áko Saul bá nidaal'a'í éí David háká dabi'deel'a' nít'éé' asdzání ádííniid, Dajitsaah.