JOSHUA 2:4 - Navajo Bible

⁴ Áádóó asdzání éí diné t'áá áłah dah yidii'eezh áádóó néidees'į́į'go ání, T'áá lá aaníí diné shaa ní'áazh ni, nidi naa'aashdę́'ígíí éí doo shił bééhózin da.

JOSHUA 2:4 ပူးပေါင်းရင်းမြစ်များ

II KINGS 6:19

Áádóó Iiláísha áháłní, Kojigo dooda, doo nidi kwe'é kin haal'áhígíí át'ée da; wóshdę́ę́' shikéé' wohkahgo diné hadanohtáhígíí baa nihideesh'ish. Nidi Samériya kin haal'áágóoda bił jíkai.

EXODUS 1:19

Asdzání ha'niyóodii Féro áyidííniid, Díí Hííbrew asdzání doo Ííjip asdzánígi ádaat'ée da, háálá éí dabiinéigo ha'niyóodii éí t'áadoo yílyeedí t'ahaa'go nida'iiłchííh.

JAMES 2:25

T'áá ákót'éego ałdó' Réíhab, ałjiłnii nilíinii, éí hane' neii'áhí yah ayíí'eezh yę́ędą́ą́', áádóó nák'ee'ąągo ch'ínéiníł'a' yę́ędą́ą́'; ádziidzaaígíí bee Diyin God bił ts'ídá t'áá ákogi ájít'é dzizlį́į́'.

JOSHUA 2:3

Áádóó Jérikodóó aláahgo naat'áanii éí Réíhab yich'į' i'ííł'a'go ání, Diné naa ní'ázhígíí shaa ní'éésh; jó, nighan góne' yah íí'áázh, háálá éí kéyah t'áá át'é haidoosił yiniyé ní'áázh.

JOSHUA 2:5

Áádóó tł'ée'go ch'é'étiingi dá'deelkaalgo éí diné ch'íní'áázh lá. Háajigo ahi'noolchą́'ígíí doo shił bééhózin da. Tsxį́įłgo, bikéé' dohjeehgo bik'ídanohtááh.

JOSHUA 6:17

Díí kin haal'áhígi kéédahat'íinii índa t'áá ałtso bii' dahólónígíí t'áá bił Bóhólníihii bich'į' nideet'ą́; t'áá hazhó'ó Réíhab ałjiłnii nilíinii índa bighan góne' yił naháaztánígíí t'éiyá t'áá ałtso dahináa dooleeł, háálá díí asdzání éí naalchi'í adasiil'a'ígíí néidees'į́į́'.

JOSHUA 6:25

Nidi Jáshowa éí Réíhab ałjiłnii nilíinii áádóó bizhé'é bighandóóígíí índa bik'éí t'áá ałtso dahináa doo biniyé yisdájíínil, áko díí jį́įjį' Ízrel dine'é bitahgi kéédahat'į́, háálá Jáshowa éí naalchi'í nidilt'éego Jériko kin haal'áii haidoosił biniyé nidzis'a'ígíí néidees'į́į́'.