JOSHUA 2:3 - Navajo Bible

³ Áádóó Jérikodóó aláahgo naat'áanii éí Réíhab yich'į' i'ííł'a'go ání, Diné naa ní'ázhígíí shaa ní'éésh; jó, nighan góne' yah íí'áázh, háálá éí kéyah t'áá át'é haidoosił yiniyé ní'áázh.

JOSHUA 2:3 ပူးပေါင်းရင်းမြစ်များ

GENESIS 38:24

Ákódzaadóó bik'ijį' táá' nídeezidgo, Téímar nizháá'áád ałjiłnii yéé'iidlaa, áádóó jó'akon, ajił bee izh'niiltsąąd, ha'níigo Júdah bił hóóne'. Áádóó Júdah ádííniid, Aadę́ę́' bił ch'ínóhkááh, áko bíni'dii azhdidook'ą́ą́ł.

GENESIS 42:31

Áko ádabidii'niid, T'áá aaníígóó halne'ii daniidlį́; doo naalchi'í daniidlį́į da.

II SAMUEL 10:3

Nít'éé' Áman dine'é bindanit'a'í danilíinii éí yídahółníihii Héínan ádeidííniid, Da' baa nitsíníkeesgo David éí nizhé'é yę́ę bił nilį́įgoósh bá nidaal'a'í hadashidi'yoołnihgo shaa yiis'a' nínízin? Da' doósh David bá nidaal'a'í nich'į' ayiis'a'ígíí kin haal'áii deidínóoł'įįł áádóó hadeidoosiłgo deidoołnééł yiniyé ádaat'į́į da?

II SAMUEL 17:20

Ábsalam bá nidaal'a'í éí asdzání yich' į' daaskaigo bighangi ádeidííniid, Háadishą' Ahímeiyaz áádóó Jánathan? Nít'éé' asdzání ábíłní, Níléí tooh ha'naa yi'ash ni'. Áádóó dah diikaigo ákǫ́ǫ́ ch'ééh hadazneeztą́ą́' índa t'óó Jerúsalem kin haal'áágóó t'ą́ą́' níjíkai.

I CHRONICLES 19:3

Nidi Áman dine'é binanit'a'í danilíinii Héínan ádeiłní, Da' David nizhé'é yę́ę bił nilį́įgo biniinaa hadashi'diyoolnih biniyé shich'į' i'iis'a'ásh nínízin? Bá nidaal'a'í t'óó hada'doosił áádóó haash yit'éego nik'eh hodidoodleeł índa kéyah hadeidoosił yiniyé naalchi'í danilį́įgo yíkai lá!

JOB Naaltsoos Biyi' Job Baa Hane'ii 21:30

Éí diné doo yá'ádaashóonii atí'oolnííł bá áá bi'dilzįįh. T'óó báhádzidgo bee atí'él'íinii beidoołkáałjį' ats'ádabidi'doo'nił.

LEVITICUS 24:14

Éí diné éédzíi'ii níbaal haal'á bits'áhwiiní'ą́ądi nidanohłóosgo t'áá ałtso dahodiizts'ą́ą'ii éí hatsii'káa'gi dah dadidoolnihgo t'áá dah oonééł nít'éé' hoł nidazdoołniił.

JOHN 19:4

Áádóó Páílat ch'ínáánádzáago ánéidoo'niid, Jó'akon, nihich'į' ch'ínááhonisdlóós, bee ádąąh dah hodzist'áanii doo ła' há shił bééhoozin daígíí nihił béédahodoozįįł.

ACTS 12:4

Peter bi'diiltsoodgo awáalyaa góne' yah aalt'e', áko atis'adeesdzá bee bééhániihii baa na'asdee'dóó bik'ijį' diné binááł ch'íhodi'doodlóós nízingo siláo dį́lt'éego dį́į́' níjaa'ígíí haa ádahalyą́ą dooleeł biniyé yaa honíłtį́.

ACTS 12:6

Yiską́ągo Hérad bizaad k'ehgo ch'íhodi'doodlóosgo, t'áá éí bitł'éé' Peter, siláo naaki bita'gi béésh da'ahólzha'í naaki bee daho'diistł'ǫ́ǫgo ajiłhosh, índa siláo ła' awáalyaa bidáádílkał yaa ádahalyą́.

JOSHUA 10:23

Áko ákódaadzaago tsé'áándę́ę́' aláahgo naat'áanii ashdlalt'éhígíí deiizh'eezh: éí Jerúsalemdóó aláahgo naat'áanii áádóó Hííbrandóó aláahgo naat'áanii áádóó Jármathdóó aláahgo naat'áanii áádóó Léíkishdóó aláahgo naat'áanii índa Églandóó aláahgo naat'áanii danilį́į́ nít'éé'.

JOSHUA 2:2

Áádóó Jérikodóó aláahgo naat'áanii yił dahoolne'go ádaaní, Shoo, tł'éédą́ą́' diné ła' Ízrel dine'é nilį́įgo kéyah haidoohsił yiniyé kwe'é ní'áázh lá.

JOSHUA 2:4

Áádóó asdzání éí diné t'áá áłah dah yidii'eezh áádóó néidees'į́į'go ání, T'áá lá aaníí diné shaa ní'áazh ni, nidi naa'aashdę́'ígíí éí doo shił bééhózin da.

JUDGES 4:20

Áko ánáábizhdoo'niid, Níbaal bich'é'étiingi sínízį́įgo t'áá háiida naa níyáago nanídíłkidgo, Ła'daásh kwe'é naaghá, nidííniidgo, Nidaga', bididííniił.