JOSHUA 2:24 - Navajo Bible

²⁴ Áádóó Jáshowa ábizhdííniid, T'áá aaníí Bóhólníihii éí kéyah t'áá át'é nihaidiní'ą́ą́ lá; jó, kéyahgi t'áá át'é kéédahojit'ínígíí nidi t'áá ádzíłtso nihik'ee hatah doo dahwiina' da.

JOSHUA 2:24 ပူးပေါင်းရင်းမြစ်များ

EXODUS 15:15

Íídam dine'é binanit'a'í t'óó bił yéé' dahodooleeł; Mó'ab kéyahdóó diné ayóó ádaat'éii atah hoditłid yiih dínóodah; Kéínan kéyahdi kéédahat'íinii nisidookah.

EXODUS 23:31

Tónteel Łichíi'ii siyínídóó Filístiya dine'é bitónteel siyíníjį', índa honoojíídóó tooh nílíníjį' nihá hodeeso; jó, kéyah yii' kéédahat'íinii nihílák'ee dideesh'áałgo ch'ídadínóołkał.

PROVERBS 25:13

Da'agizhgo yas taah yijaa'go dayoodlą́ą'go yee hwiih daazlį́į́'; t'áá éigi át'éego ba'ahódlíigo hane' nei'áii binanit'a'í danilíinii bííł'aadii yik'éé dahwiiłtaad.

JOSHUA 1:8

Díí naaltsoos biyi' bee haz'áanii bee ak'e'ashchínígíí ts'ídá bee yáníłti' doo, nidi hazhó'ó nabik'ítsíníłkeesgo i'ii'aahdóó niyiiłkaah dooleeł; kót'éego hazhó'ó ádaa nilzįįhgo bee ak'e'ashchínígíí bik'ehgo t'áá át'é bik'eh ánít'ée doo, áko yá'át'éehgo ná áhooníiłgo hinínáago ádi'díílnííł, índa baa nanináii t'áá ałtso yá'át'éehgo ła' danile' doo.

JOSHUA 2:23

Áko diné nihinát'áázh; dziłghą́ą́'dę́ę́' hadanáát'áazhgo tsé'naa ninát'áázh áádóó Nan biye' Jáshowa baa nijít'áazhgo hach'į' áhoodzaaígíí t'áá át'é bee bił náhojoolne'.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JOSHUA 6:2

Bóhólníihii éí Jáshowa áyidííniid, Shoo, Jériko kin haal'áii áádóó aláahgo naat'áanii índa bisiláo dahayóii t'áá bił nílák'edíí'ą́.

JOSHUA 8:1

Bóhólníihii éí Jáshowa áyidííniid, T'áadoo nił yé'í; t'áadoo ádił nisindáhí; nídiidáahgo diné nidaabaahii t'áá ałtso dah dii'éeshgo nihílááh, Éí'ai kin haal'áágóó dohkááh; jó, Éí'ai dine'é áádóó aláahgo binanit'a'í áádóó bidine'é áádóó bikin haal'áhígíí índa bikéyah nihílák'eidíí'ą́.

JUDGES 1:2

Bóhólníihii ádííniid, Júdah dine'é anaa' ádahodoolííł; jó, éí kéyah bílák'edíí'ą́.

JUDGES 18:10

Ákǫ́ǫ́ dahisidoohkaigo hasih dahodiil'aahgo kéédahat'ínígíí baa doohkah. Kéyah ayóó áhoníłtsxooígíí Diyin God nihílák'eidíí'ą́. Éí bikáa'gi ts'ídá t'áadoo bídin hóyé'ígóó t'áá ałtsoní dahólǫ́ǫgo haz'ą́.

JUDGES 7:9

T'áá éí bitł'éé' Bóhólníihii áhodííniid, Nídiidááh, ana'í dah yinéłígóó dínááh, háálá éí nílák'edíí'ą́.