JOSHUA 2:2 - Navajo Bible

² Áádóó Jérikodóó aláahgo naat'áanii yił dahoolne'go ádaaní, Shoo, tł'éédą́ą́' diné ła' Ízrel dine'é nilį́įgo kéyah haidoohsił yiniyé kwe'é ní'áázh lá.

JOSHUA 2:2 ပူးပေါင်းရင်းမြစ်များ

PSALMS 127:1

Bóhólníihii doo kin íílééhgóó éí kin ádajiléhígíí t'áadoo biniyéhígóó bindajilnish; Bóhólníihii éí kin haal'áhígíí doo yaa áhályą́ą́góó t'áadoo biniyéhígóó ha'asíidii ha'dzisííd.

PROVERBS 21:30

Hódzą́ áádóó bee ak'i'diitįįhii índa na'nitin doo ła' Bóhólníihii yik'ijį' nilį́į da.

ISAIAH 43:13

T'ah doo yidiiłkaahdą́ą́' t'áá aaníí Diyin God nishłį́; doo ła' shigha nihidoo'niłgo yíneel'ą́ą da; nideeshnishgo doo ła' ni' hwíidoolíił da.

DANIEL 4:35

Nahasdzáán bikáa'gi kéédahat'íinii t'áá ałtso t'áadoo nídandlínígóó yaa nitsíkees. Áko yá'ąąshdę́ę́' dah deínéehii índa nahasdzáán bikáa'gi kéédahojit'íinii hatahgóó t'áá bí nízinígi áyoolííł; doo ła'da t'ą́ą́' áhósin le' át'ée da, doo nidi kóbidi'doo'niił da, Ha'át'íishą' baa naniná?

JOSHUA 2:1

Áádóó Nan biye' Jáshowa éí Shíttim hoolyéédóó diné naalchi'í nidilt'éego dashdiił'a'go ábijiní, Nihílááh, nahont'in nahaz'ą́ą́dóó Jériko kéyah hazhó'ó hadoohsiłgóó doh'aash. Áádóó ákǫ́ǫ́ jiní'áazhgo ałjiłnii asdzání léi' Réíhab wolyéii bighan góne' yah ajíí'áazhgo ákwii dzizkéé nít'éé'.

JOSHUA 2:3

Áádóó Jérikodóó aláahgo naat'áanii éí Réíhab yich'į' i'ííł'a'go ání, Diné naa ní'ázhígíí shaa ní'éésh; jó, nighan góne' yah íí'áázh, háálá éí kéyah t'áá át'é haidoosił yiniyé ní'áázh.

JUDGES 18:2

Áko Dan dine'é danilíinii t'áá bí bidine'é bitahdóó diné doo nídanilyéesii ashdla' yilt'éego Zórah kin shijaa'dóó índa Éshteiyal kin shijaa'dóó naalchi'í danilį́įgo éí kéyahgóó hazhó'ó hada'doohsił biniyé dah dazhdiił'a', áko ádeidííniid, Nílááh, kéyah hazhó'ó hadaohsííd. Áko Dził Íífreiyimgi yíkaigo Máíkah bikingi daneezhjéé'.