JOSHUA 2:18 - Navajo Bible

¹⁸ Jó, kéyahgi niikaigo tsésǫ'dę́ę́' hadanihíínílo' yę́ęgi díí tł'óół ts'ósí łichxí'ígíí náát'i'go ádíílííł, áko nizhé'é áádóó nimá áádóó nilahkéí índa nizhé'é bighandóó dah ooldahígíí t' áá ałtso nighan góne' áłah ádíílííł.

JOSHUA 2:18 ပူးပေါင်းရင်းမြစ်များ

GENESIS 12:2

Áko dine'é ayóó át'éii ándeeshłííł, áádóó nik'ijishdlíi doo, índa nízhi' ayóó át'éego ádeeshłíi łgo ninahjį' ak'ihojidlíii nílį́į doo.

GENESIS 7:1

Ákohgo Bóhólníihii éí Nóah áyidííniid, Ni áádóó bił dah yíkahii t'áá ánółtso k'ad tsinaa'eeł biih wohkááh, háálá t'áá ákogi ánít'éego díí oochíłígíí bitahgi nééhonisin.

ESTHER 8:6

Háálá shidine'é danilíinii shinááł doo yá'áshóonii bik'i hoole'go ha'át'íísh bee ha'ííníshníi doo? Doodaii' shik'éí danilíinii shinááł ábidi'niildįįdgo ha'át'íísh bee ha'ííníshníi doo?

EXODUS 12:13

Kin bii' nahísóotáanii dił bee daashdlishii bee nihich'į' ééhózin doo, áko shí éí dił deiłtsą́ągo t'óó nihitis deeshááł, áko Ííjip kéyah bikáá' naałniih bee atí'ésh'íinii doo bee atínihideeshłíiłgo ánihideeshdįįł da.

SONG OF SOLOMON 4:3

Nidaa' éí bee ná'álkadí łichxí'ígíí nahalin; nizéé' hózhónígo yáníłti'. Nítł'ahdóó t'áá ałch'ijí éí ninii' bich'ą́ą́h naníbaalígíí bine'dę́ę́' tsin bineest'ą' pámgrenit wolyéhígíí ałníí'dóó aháágizhígíí nahalin.

LEVITICUS 14:4

náá'iiłniihii éí bi'didééh ábi'dilnéhígíí yá ádidooniił, Tsídii yidánígíí t'áá hináago naakigo bá nídooh'nííł índa dilk'is áádóó na'at'ą́hí łichxí'ígíí índa ch'il hísap wolyéhígíí ałdó' nídooh'nííł.

NUMBERS 19:6

áádóó náá'iiłniihii éí dilk'is áádóó ch'il hísap wolyéhígíí índa tł'óół łichxí'ígíí néididooniłgo béégashii yáázh bi'áadii didlidgo dook'ą́ą́ł góne' iidiyoołkał.

NUMBERS 4:8

Áko éí t'áá át'é na'at'ą́hí łichxí'ígíí yik'ínídeiłtih doo índa éí bikáa'gi nahashch'id bikágí bik'ínáltih doo áádóó tsin níyizii bee na'at'áhígíí éí bikáá' adání bąąh hadaazhahígíí bii' nídítsih doo.

LUKE 19:9

Nít'éé' Jesus áhodííniid, Díí jį́ bee yisdá'iildéehii díí hooghanígi hazlį́į́', jó, éí ałdó' Éíbraham bits'ą́ą́dóó oochíiłii ła' jílį́.

ACTS 10:27

Áko bił ałch'į' yájíłti'go bił yah ajíí'áázh, nít'éé' lą'í áłah azlį́į́' lá.

ACTS 10:33

Éí bąą t'áá áko níká i'ííł'a', áko yíníyáhígíí yá'át'éhígi íinidzaa. Áko k'ad kóne' t'áá áníiltso Bóhólníihii yee ná haadzí'ígíí t'áá ałtso dadidiits'į́į́ł biniyé Diyin God binááł áłah niidlį́.

ACTS 11:14

ni áádóó nighandóó danilíinii t'áá ałtso éí saad bee yisdáhidoohkahígíí yee nihił hodoolnih.

II TIMOTHY 1:16

Anesíforas ha'áłchíní t'áá bił Bóhólníihii haa a'ááh nízin doo, háálá hó t'áá ahą́ą́h shik'i náhojiłtah nít'éé'. Awáalyaaí nishłínígíí t'áadoo baa yázniizį́į' da,

HEBREWS 9:19

Mózes éí bee haz'áanii áníinii t'áá át'é diné t'áá ałtso yee yił hoolne'dóó bik'ijį' béégashii yáázh bidił índa tł'ízí bidił tó yił ałtah yiníziidgo néidiiką́, aghaałchxí'í índa ch'il hísap wolyéhígíí ałdó' néidiiłjoolgo Diyin God yee has'áanii bee ak'e'ashchínígíí índa diné t'áá ałtso éí yee yik'íístah

JOSHUA 2:21

Áádóó asdzání ání, Nihizaad k'ehgo t'áá ákót'ée doo. Áko índa diné ní'ázhígíí dah nízhdiił'a' áádóó tsésǫ'gi tł'óół ts'ósí łichxí'ígíí náát'i'go ájiilaa.

JOSHUA 6:23

Áko dinééh naalchi'í nilį́į́ nít'é'ígíí yah íí'áazhgo áádę́ę́' Réíhab bił níjíkai, bizhé'é áádóó bimá áádóó yił háájéé' índa bik'éí t'áá ałtso bił níjíkai, áádóó bik'éí danilíinii t'áá ałtso dah deidii'eezhgo Ízrel dine'é dah yinéłígíí bíighahgi nideizh'eezh.

JOSHUA 6:25

Nidi Jáshowa éí Réíhab ałjiłnii nilíinii áádóó bizhé'é bighandóóígíí índa bik'éí t'áá ałtso dahináa doo biniyé yisdájíínil, áko díí jį́įjį' Ízrel dine'é bitahgi kéédahat'į́, háálá Jáshowa éí naalchi'í nidilt'éego Jériko kin haal'áii haidoosił biniyé nidzis'a'ígíí néidees'į́į́'.