JOSHUA 2:17 - Navajo Bible

¹⁷ Diné nidilt'é ní'ázhígíí áháłní, Jó, ts'ídá t'áadoo bee nihik'íhodoot'ahígóó díí bee ádee hadidiidzihgo bee nihich'į' háínídzí'ígíí t'áá ákódii'nííł.

JOSHUA 2:17 ပူးပေါင်းရင်းမြစ်များ

II SAMUEL 21:7

Nidi aláahgo naat'áanii éí Jánathan yę́ę biye' Miifíbosheth, éí Saul yę́ę binálí t'áadoo ninéidiní'ą́ą da, háálá Saul yę́ę biye' Jánathan yę́ę éí David bił Bóhólníihii biniit'aa ałch'į' ádee hazdoodzíí'.

EXODUS 20:7

Bóhólníihii niDiyin God bízhi' doo dílzingóó doo ádíílíił da; jó, t'áá háiida Bóhólníihii bízhi' doo dílzingóó ájiilaaígíí bee ádihozhdiilt'i'go Bóhólníihii hak'ijį' yis'ą́ą doo.

NUMBERS 30:2

Diné ła' Bóhólníihii yich'į' ádee hadoodzíi'go, doodaii' yee nihoní'áanii yee ádee hadoodzíi'go bii' sizíinii yá nihodiní'ą́ągo, yá nihodiní'ánígíí bizaad doo ałtah ánáyoodlíił da; yee haadzí'ígíí t'áá át'é bik'ehgo ye'eł'į́į doo.

JOSHUA 2:18

Jó, kéyahgi niikaigo tsésǫ'dę́ę́' hadanihíínílo' yę́ęgi díí tł'óół ts'ósí łichxí'ígíí náát'i'go ádíílííł, áko nizhé'é áádóó nimá áádóó nilahkéí índa nizhé'é bighandóó dah ooldahígíí t' áá ałtso nighan góne' áłah ádíílííł.

JOSHUA 2:20

Áko nihinaanish nilíinii baa hwíínílne'go bee ádee hadidiidzihgo nihich'į' bee háínídzí'ígíí doo ádiilníił da.