JOSHUA 2:16 - Navajo Bible

¹⁶ Áko asdzání áháłní, Nílááh, dziłgóó doh'aash, áko nihikéé' nidahaakaígíí doo nihik'ídookah da; áadi na'ádinoł'ingo táá' yidoołkááł; nihikéé' nidahaakaígíí t'ą́ą́' nináhaaskaijį', áádóó bik'ijį' índa nikéédooht'ash.

JOSHUA 2:16 ပူးပေါင်းရင်းမြစ်များ

PSALMS 11:1

Bóhólníihii nilíinii baa jííníshłí; ha'át'íí biniyé shii' sizíinii ábidiní, Tsídii nahalingo nidziłgóó yóó'anilyeed?

JAMES 2:25

T'áá ákót'éego ałdó' Réíhab, ałjiłnii nilíinii, éí hane' neii'áhí yah ayíí'eezh yę́ędą́ą́', áádóó nák'ee'ąągo ch'ínéiníł'a' yę́ędą́ą́'; ádziidzaaígíí bee Diyin God bił ts'ídá t'áá ákogi ájít'é dzizlį́į́'.

JOSHUA 2:15

Áko tł'óół bee tsésǫ' góyaa hadahóólo', háálá kin haal'áii binaa ahéénátł'inígíí bikáa'di bighan.

JOSHUA 2:22

Diné dah dii'áázh áádóó dziłgóó ní'áázh índa áadi tágí jį́ dzizkéé nít'éé'; hakéé' nidahaakaígíí t'ą́ą́' nákaigo índa dah náázhdiit'áázh; jó, diné t'áá ałtsogóó hadahoneeztą́ą́', nidi t'áadoo hak'ídaneeztą́ą' da.

I SAMUEL 23:14

Áádóó David éí honoojíidi bidziilgo nahaz'ą́ągi dziłtahdi Zif honoojí nahont'ingi nijigháá nít'éé'. Áko Saul t'áá ákwíí jį́ ch'ééh hákantá, nidi Diyin God éí t'áadoo yílák'ee hodíí'ą́ą da.

I SAMUEL 23:29

Áko David áádę́ę́' diné bił ch'ééjíkaigo t'áá ákwii Engíídai nahós'a'gi tsétahgi bidziilgo nahaz'ą́ą́góó kéédahojit'į́į́ nít'éé'.