JOSHUA 2:14 - Navajo Bible

¹⁴ Áko diné nidilt'é ní'ázhígíí áháłní, Yisdánihíínínilígi át'éego nihí ałdó' yisdánihidii'nił; nihinaanish nilíinii t'áadoo baa hwíínílne'góogo ákót'é. Áko ákót'ée doo: Bóhólníihii éí kéyah nihaidiní'ą́ągo naa dajiiniiba' doo, índa t'áá aaníí nich'į' ákódaniit'ée doo.

JOSHUA 2:14 ပူးပေါင်းရင်းမြစ်များ

GENESIS 24:49

Áko k'ad dajiinohba'go shinanit'a'í t'áá aaníí bił ákóda'ahidoołníiłgo bee shił dahołne'; doodago ałdó' éí bee shił dahołne', ákohgo háajigo shį́į́ dah dideeshááł; nish'náájí daats'í, doodaii', nishtł'ají daats'í.

GENESIS 47:29

Áko Ízrel dadootsaałjį' k'adę́ę baa hoolzhíishgo haye' Jóseph hágo bizhdííniidgo ábijiní, K'ad ajooba' bee shich'oha'néego shaa nitsíníkees ládą́ą́', t'áá shǫǫdí, shitsoosk'id biyaa adílníihgo shaa jiidííbaał áádóó t'áá aaníí yá'át'éhígi áshidíílííł. T'áá shǫǫdí, t'ááká Ííjip kéyahgi yóó'áshóólééh lágo.

II SAMUEL 2:5

Áádóó David éí naal'a'í dashdiił'a'go Jéíbesh-gíliyadóó dine'é ííłní, Bóhólníihii nihik'izhdoodliił, háálá nihinanit'a'í nilíinii Saul yę́ę baa dajiinohba'go yóó'ádaohłaa.

II SAMUEL 2:6

Áádóó k'ad Bóhólníihii nihaa jooba'go áádóó t'áá aaníinii yee nihił halne'; shí ałdó' nihaa jiinishba' doo, háálá díí yá'át'éhígi ádaahdzaa.

II SAMUEL 9:1

Áádóó David ádííniid, Saul yę́ę ba'áłchíníísh t'ah ła' yidziih; éí Jánathan binahjį' baa jiideeshbaał.

I KINGS 20:39

Áko aláahgo naat'áanii kǫ́ǫ́ yigáałgo yéego bich'į' ázhdííniidgo ájíní, Ná naal'a'í éí da'ahijigą́ ałníí' góne' ííyáá nít'éé'; shoo, diné léi' nahjį' hááyáago diné ła' yił shaa ní'áazhgo ání, Díí diné baa áhólyą́; t'áá haa dayit'éego bóhoohya' ládą́ą́', éí t'áá ni bá ninádíítłish, éí doodago béésh łigaii tálent wolyéii ninádíídlééł.

PROVERBS 14:22

Da' doo yá'áshóonii yindaha'áiísh doo nida'iisíih da? Nidi yá'át'éehii yindaha'áii aa a'ááh hwiindzin áádóó t'áá aaníinii bee dahólǫ́.

PROVERBS 18:24

Diné éí hak'isóó t'óó ahayóigo t'áá éí ła' náháłchǫǫh, nidi bił hajíí'áázh biláahgo náánáła' áhánígo k'é hó'níinii hólǫ́.

MATTHEW 5:7

Aa a'ááh danízinii bik'idahojidlí, háálá éí baa a'ááh dahwiidínóodzįįł.

ACTS 23:22

Áko siláo aląąjį' binanit'a'í, Díidí bee shił hwíínílne'ígíí t'ááká diné ła'da bee bił hóólne' yíila', yiłníigo éí dinééh yéé'níłnii'.

JOSHUA 2:13

shizhé'é áádóó shimá áádóó ashiiké áádóó at'ééké bił háájéé' danilíinii, índa bada'áłchíní t'áá ałtso t'áá bił dahinii'náa doo biniyé aniné bits'ą́ąjį' yisdánihidoohnił.

JOSHUA 2:15

Áko tł'óół bee tsésǫ' góyaa hadahóólo', háálá kin haal'áii binaa ahéénátł'inígíí bikáa'di bighan.

JOSHUA 6:17

Díí kin haal'áhígi kéédahat'íinii índa t'áá ałtso bii' dahólónígíí t'áá bił Bóhólníihii bich'į' nideet'ą́; t'áá hazhó'ó Réíhab ałjiłnii nilíinii índa bighan góne' yił naháaztánígíí t'éiyá t'áá ałtso dahináa dooleeł, háálá díí asdzání éí naalchi'í adasiil'a'ígíí néidees'į́į́'.

JOSHUA 6:22

Áko Jáshowa éí diné nidilt'éego kéyah hayíísidígíí ábizhdííniid, Nihílááh, asdzání ałjiłnii bighan góne' yah ooh'aashgo áádę́ę́' bił ch'ínóhkááh; bik'éí t'áá ałtso t'áá bił bich'į' bee ádee hadoohdzí'ígíí bi'ohłééh.

JOSHUA 6:25

Nidi Jáshowa éí Réíhab ałjiłnii nilíinii áádóó bizhé'é bighandóóígíí índa bik'éí t'áá ałtso dahináa doo biniyé yisdájíínil, áko díí jį́įjį' Ízrel dine'é bitahgi kéédahat'į́, háálá Jáshowa éí naalchi'í nidilt'éego Jériko kin haal'áii haidoosił biniyé nidzis'a'ígíí néidees'į́į́'.

I SAMUEL 20:8

Éí bąą ná naal'a'í t'áá íiyisí baa jiiníbaah, háálá Bóhólníihii binááł bee aha'deet'áanii bee ná naal'a'í bił aha'díínít'ą́. Nidi doo ákwii é'ét'éii shii' hólǫ́ǫgo t'áá ni shidiyííłhééł; ha'át'íísh ałdó' biniyé nizhé'é bich'į' shił díí'ash?