JOSHUA 2:12 - Navajo Bible

¹² Éí bąą k'ad nánihooshkąąh, Bóhólníihii bee shich'į' ádee hadidoohdzih; jó, shí nihaa jooshba'ígi át'éego nihí ałdó' shizhé'é bighandóó dah ooldahígíí baa jiinohba' dooleeł, áádóó t'áá aaníinii bee ééhózinii shich'į' bééhózingo ádoohłííł,

JOSHUA 2:12 ပူးပေါင်းရင်းမြစ်များ

GENESIS 21:23

Éí bąą k'ad Diyin God binááł shich'į' ádee hadídziihgo t'áadoo shina'ílo'í doo; shiye' ałdó' dooda, shinálí ałdó' dooda; naa jooshba'ígi át'éego ni ałdó' shich'į' t'áá ákónít'ée doo, áádóó kéyah bikáá' níínínánígi ałdó' bich'į' ákónít'ée dooleeł.

GENESIS 24:3

Áko Bóhólníihii biniiłt'aa éí Diyin God nilį́įgo yádiłhił índa nahasdzáán bee bóhólníihii bee shich'į' ádee hadidíídzih, Kéínan dine'é bitah kééhasht'ínígíí bitsi'ké shiye' be'asdzą́ą́ dooleeł biniyé doo ła' bá nídidííłtéeł da.

GENESIS 24:9

Áko naal'a'í éí Éíbraham hananit'a'í bitsoosk'id biyaa azhdoolnii'go díidí bee ádá nihozhdeet'ą́.

GENESIS 40:14

Áko ch'éeni'deelt'e'go shéénílniih doo, áádóó shaa jiiníba' doo, índa, t'áá shǫǫdí, Féro bich'į' shá hadíídzih, áko díí kin bii'dóó ch'ééshidííłt'eeł.

II CHRONICLES 36:13

Aláahgo naat'áanii Nébukadnézzar éí Diyin God bee ádee hahoyííłdzíí' yę́ę bich'į' nízhdiiltee' áádóó áhozhdeeshchxǫ'go índa hajéí jííłtł'isgo ízh'diilyaago Ízrel dine'é biDiyin God Bóhólníihii bich'į' nijíltee'.

ESTHER 8:6

Háálá shidine'é danilíinii shinááł doo yá'áshóonii bik'i hoole'go ha'át'íísh bee ha'ííníshníi doo? Doodaii' shik'éí danilíinii shinááł ábidi'niildįįdgo ha'át'íísh bee ha'ííníshníi doo?

EXODUS 12:13

Kin bii' nahísóotáanii dił bee daashdlishii bee nihich'į' ééhózin doo, áko shí éí dił deiłtsą́ągo t'óó nihitis deeshááł, áko Ííjip kéyah bikáá' naałniih bee atí'ésh'íinii doo bee atínihideeshłíiłgo ánihideeshdįįł da.

JEREMIAH 12:16

T'áá Béíyal bízhi' yee ádee hadahididziihgo bíndabizneestą́'ígi át'éego t'áá ákót'éego Bóhólníihii hiná, dajiníigo bee ádee hadahizdidziihgo bídahojiił'ą́ą'go, áko lá índa shidine'é bitahgi hadziilgo ádahodi'doolníił ni.

MARK 14:44

Áko nináhodiní'ánígíí éí yaa honíłtínígíí bee ééhózin dooleełii ła' yee yił hoolne' lá, kóníigo, T'áá séts'ǫsígíí ííshją́ą́ éí bí át'į́į doo; éí dadoohsiłgo hazhó'ó dah dadidoohłóós.

ROMANS 1:31

Doo ádahojilyą́ą da, ałha'deet'ą́ dajiitííh, doo ayóó'ádajó'níi da, doo há nídahójǫǫh ádajít'ée da, áádóó doo dajijooba' da.

I TIMOTHY 5:8

Ła'da hak'éí doo baa áhojilyą́ą́góó, índa haghandóó danilíinii íiyisí doo baa áhojilyą́ą́góó, Diyin God bina'nitin yóó'azhdíí'ą́ągo át'é, áko diné doo oodlání nilíinii biláahgo doo yá'át'éehii dzizlį́į'go át'é.

JAMES 2:13

Háálá doo aa a'ááh jiniizį́'ígíí éí Diyin God doo haa a'ááh nízingóó há nihodoo'ááł; aa a'ááh hasin éí aa hwiinít'į́ yik'eh didlį́.

JOSHUA 2:13

shizhé'é áádóó shimá áádóó ashiiké áádóó at'ééké bił háájéé' danilíinii, índa bada'áłchíní t'áá ałtso t'áá bił dahinii'náa doo biniyé aniné bits'ą́ąjį' yisdánihidoohnił.

JOSHUA 2:18

Jó, kéyahgi niikaigo tsésǫ'dę́ę́' hadanihíínílo' yę́ęgi díí tł'óół ts'ósí łichxí'ígíí náát'i'go ádíílííł, áko nizhé'é áádóó nimá áádóó nilahkéí índa nizhé'é bighandóó dah ooldahígíí t' áá ałtso nighan góne' áłah ádíílííł.

JOSHUA 2:19

Áko kót'ée dooleeł: ła'da nighandóó ch'íníyáii kintaa atiinjį' ííyáago éí t'áá bí dił bik'ee chxii'go ánábi'diilyaago dadootsaał; nihí éí doo bee ádidahodidiilt'ih da, áádóó t'áá háiida nighan góne' bił nahíínítánígíí bidił bik'ee chxii'go ályaii daaztsą́ągo nihí éí bá naniideeh doo; ła'da atíbiilaago ákót'ée doo.

JOSHUA 6:22

Áko Jáshowa éí diné nidilt'éego kéyah hayíísidígíí ábizhdííniid, Nihílááh, asdzání ałjiłnii bighan góne' yah ooh'aashgo áádę́ę́' bił ch'ínóhkááh; bik'éí t'áá ałtso t'áá bił bich'į' bee ádee hadoohdzí'ígíí bi'ohłééh.

JOSHUA 9:15

Áádóó Jáshowa éí bił k'é hólǫ́ǫgo diné bił aha'dazdeest'ą́ągo bíni'dii dahináa doo, áko dah oonéłígíí bindanit'a'í hach'į' ádee hadadeesdzíí'.

JUDGES 1:24

Áko naalchi'í éí kin haal'áhídóó diné ła' ch'íníyáago dayiiłtsą́ągo ádeidííniid, Nihił hólne', baa nídaniikąąh, kintah góne' yah e'etiinígi nihił ííshją́ą́ áhólééh, áko naa a'ááh daniidzin doo.

I SAMUEL 30:15

Áko David áháłní, Da' díí dah oonéłígíísh bich'į' t'áá shił díí'ash? Áko áhodííniid, Diyin God bee shich'į' ádee hadídziih, doo yéí shidiyííłhéeł da, doodaii' shinanit'a'í doo baa náshididíí'áał da, ákót'éego t'éiyá ákóyaa nił deesh'ash.