JOSHUA 2:11 - Navajo Bible

¹¹ Áádóó t'óó baa dahodisiits'ą́ą́' yę́ędą́ą́' t'óó nihił ádahasdįįd; t'áadoo yee diné hada'óolní'ígóó nihiniinaa ákódeiidzaa, háálá Bóhólníihii éí nihí aají nihiDiyin God éí Diyin God nilį́įgo wódahdi yá'ąąshdi índa wóyahdi nihokáa'gi hólǫ́.

JOSHUA 2:11 ပူးပေါင်းရင်းမြစ်များ

I KINGS 8:60

áko nihokáá' dine'é t'áá át'é éí Bóhólníihii Diyin God nilį́įgo áádóó doo ła' nááhódlǫ́ǫ dago bił béédahodoozįįł.

II KINGS 5:15

Áádóó bił nijikaígíí bił nát'ą́ą́' níjíkaigo Diyin God yá naal'a'í baazhníyáago bidááhdę́ę́' dziizį'go ájíní, Jó, Ízrel dine'é bikéyahgi Diyin God hólónígi át'éego nihokáá'góó t'áá át'éé nít'éé' doo ła' hólǫ́ǫ dago shił bééhoozin; éí bąą k'ad, ná naal'a'í neidooléłígíí nídiilé, baa nánooshkąąh.

NEHEMIAH 6:16

Ákódzaadóó bik'ijį' nihi'ana'í t'áá ałtso díí yaa dahodiizts'ą́ą'go áádóó ał'ąą dine'é nihinaagóó kéédahat'ínígíí díí dayiiłtsą́ągo bąąh nidahazkaadgo yik'ee nitsidaaskai, háálá nihiDiyin God éí ła'yiyiilaago yaa ákódaniizį́į́'.

ESTHER 8:17

Áko t'áá haa'ída bił nahaz'ą́ą́góó índa t'áá kin hadaas'áhígi aláahgo naat'áanii yee hahaasdzíi'ii éí bibee haz'áanii haa dahwiizle'go, Jew dine'é bił dahózhǫ́ áádóó yaa bił dahózhǫ́ǫgo ída'azįįd yaa naaskaigo nizhónígo bee ida'az'ą́. Áko t'óó ahayóí dadine'é kéyahgi kéédahat'ínígíí éí Jew dine'é daazlį́į́', háálá Jew dine'é danilíinii yik'ee bił daayéé'.

PSALMS 102:15

Ał'ąą dine'é éí Bóhólníihii bízhi' deidísin doo, áádóó nihokáa'gi aláahgo naat'áanii t'áá ałtso ayóó ánít'éhígíí deidísin doo.

PSALMS 22:14

Tó yaadziidii nahonishłin; shits'in t'áá át'é ahádahaazwod; ak'ah neesk'ihii dííłhį́'ígi át'éego shijéí niseedzá;

PSALMS 58:7

Bíni'dii ałtso dadiyį́įhgo tó ałtso íína'ígíí nidahojílin le'. Azdoołkah biniyé be'ałtį́į́'tł'óól yiyiiłtaazgo bik'a' nidahaastǫ' nidahalin le'.

PSALMS 83:18

Áko nahasdzáán bikáá'góó t'áá níłtéél nít'éé' t'áá ni t'éiyá, Bóhólníihii yinílyéhígíí, Aláahgo Ayóó'át'éii nílį́įgo diné bił béédahózin le'.

EXODUS 15:14

Ał'ąą dine'é da'diizts'ą́ą'go bitah dahoditłid doo; Filístiya kéyahdi kéédahat'íinii yínííł yiih dínóodah.

EXODUS 15:15

Íídam dine'é binanit'a'í t'óó bił yéé' dahodooleeł; Mó'ab kéyahdóó diné ayóó ádaat'éii atah hoditłid yiih dínóodah; Kéínan kéyahdi kéédahat'íinii nisidookah.

ISAIAH 13:7

Éí bąą dayílá t'áá át'é ałtso doo dahiidoonaał da, áádóó diné t'ááłá'í nítínígo dabijéí tsidadooltłił,

ISAIAH 19:1

Ííjip dine'é át'ée dooleełii ch'ét'ą́. Bóhólníihii éí tsxį́įłgo k'os bił yilzhoł go Ííjip kéyahjį' doogááł, jó'akon. Bóhólníihii binááł Ííjipgi eda'alyaii éí daditsxiz doo, índa Ííjip dine'é t'óó bił ádahodoodįįł.

EZEKIEL 21:15

Hąąh nidahodookał áádóó hadánda'ditį́įhgi t'óó ahayóí dazhdínóonééł biniyé diltłish bízdílidii áánítą́. Dooládó' atsiniltł' ish nahalingo ályaa lá. Bee ni'dootsił biniyé hááhaashk'aazh lá.

NAHUM 2:10

Kin haal'áagi hólóonii ałtso nídahasdláá' áádóó doo yiila'í da, índa kin haal'áhígi doo siláhí da. Áko bijéí bąąh náádahaka'. Bitah dahoditłidgo bigod ahídadínídah. T'áá ałtso biníí' gónaa daneezgai. T'áá ádzíłtso dajiichxii' daznoos'níí'.

DEUTERONOMY 1:28

Háajigo yee' dah didii'nééł? Nihik'isóó yee' t'óó nihąąh nidahwiiskaadgo kódaaní, Nihiláahgo diné ayóida ádaat'é áádóó ayóó ádaníłnééz, áádóó ayóó át'éego kin hadaas'á; tsé ditą́ągo binaa ahéédaastł'inígíí k'asdą́ą́' yá bidadiitł'in, áádóó yé'iitsoh bada'áłchíní áadi nidaakaigo hadasiilzid.

DEUTERONOMY 20:8

Áádóó siláo binanit'a'í diné yich'į' hanáádadoodzihgo ánáádeididoo'niił, Háísh diné shį́į́ bił yée'go bił ánáhádįįh? Bíni' éí bighangóó nídoodááł; éí doodaii' nídzíldzidígi át'éego hak'isóó ałdó' nídadooldzííł.

DEUTERONOMY 4:39

Éí bąą díí jį́ díí nihił béédahoozįįh áádóó nihijéí biyi'di baa nitsídaohkees: Bóhólníihii éí wódahgo yádiłhił biyi'di áádóó nahasdzáán bikáa'gi t'áá bí t'éí Diyin God nilį́, áádóó doo ła' Diyin God nááhódlǫ́ǫ da.

JOSHUA 14:8

Nidi shik'isóó danilíinii shił naaskaígíí éí diné bijéí nitsideistłahgo t'óó yił dahóółhéé', nidi shí éí t'áá sézį́į́ nít'éé' Bóhólníihii shiDiyin God bikéé' yishááł nít'éé'.

JOSHUA 2:24

Áádóó Jáshowa ábizhdííniid, T'áá aaníí Bóhólníihii éí kéyah t'áá át'é nihaidiní'ą́ą́ lá; jó, kéyahgi t'áá át'é kéédahojit'ínígíí nidi t'áá ádzíłtso nihik'ee hatah doo dahwiina' da.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JOSHUA 7:5

Áko Éí'aidóó dine'é tádiindóó ba'aan hastą́ą́h daats'í Ízrel dine'é nideistseed, háálá kin haal'áhígíí bidáń'dítį́į́hdóó Shébarim hoolyéegi t'áá yaa náá'áhíjį' baa deíjeehgo deiníłtseed. Áko diné baa nidahwiiskaadgo t'áá íiyisí niseekai.

JOSHUA 9:24

Nít'éé' Jáshowa áńdeidoo'niid, Ninaal'a'í daniidlíinii t'áá aaníígóó nihił dahóone'; Bóhólníihii niDiyin God nilíinii binaal'a'í Mózes éí kéyah t'áá át'é nihaididoo'áałgo éí kéyahgi kéédahat'íinii t'áá ałtso t'áá nihilą́ąjį' íidoołdįįłgo yich'į' yee haadzíí'. Éí bąą ádanihidoołdįįłgi bik'ee t'áá íiyisí nihił daayée'go nihiniinaa ákódeiit'įįd.

REVELATION 6:16

Áko dził índa tsé ádeiłní, Nihik'i daołdaasgo bikáá'dóó nahat'áii yik'i dah sidáii binii' índa Dibé Yázhí nilíinii t'óó báhádzidgo yee até'éł'íinii bits'ąą nídanihidoł'įįh!