JOSHUA 2:10 - Navajo Bible

¹⁰ Háálá nihaa dahosidiits'ą́ą'go haash yit'éego Bóhólníihii éí Tónteel Łichíí' tsé'naa nihilą́ąjį' nihá nihoníłtseii éí Ííjip kéyahdę́ę́' náoh'nééł yę́ędą́ą́' áhóót'įįdígíí áádóó Ámor dine'é aláahgo binanit'a'í nidilt'éego Jórdan tooh wónaanídi bich'į' ádaot'įįdígíí éí Sáíhan índa Ag wolyéii nidasoołtseedii baa dahosidiits'ą́ą́'.

JOSHUA 2:10 ပူးပေါင်းရင်းမြစ်များ

PSALMS 74:15

Tó hadaazlį́į doo biniyé áádóó tó danílį́į doo biniyé ąą bídazdííníłhaal, áádóó tooh ayóó ánéelą́ą́' danílį́į́ nít'éé' yę́ę nídéíníłtsei.

NUMBERS 20:14

Áko Mózes éí Kéídeshdóó hane' nidei'áhí danilíinii éí Íídam hoolyéédóó aláahgo naat'áanii bich'į' ajiis'a'go ájíní, Ízrel dine'é nik'éí kódaaní, Díí nił bééhózin: ach'į' nahwii'ná t'áá át'é bik'ee ka nisiikai;

NUMBERS 23:22

Diyin God éí Ííjip kéyahdę́ę́' ch'ééhoní'eezh. Jó, béégashii ałchinii bidee' báhádzidii há nahalin.

NUMBERS 24:8

Diyin God éí Ííjip kéyahdę́ę́' ch'ééhoní'eezh; jó, béégashii ałchinii bidee' báhádzidii há nahalin; ał'ąą dine'é hwe'ana'í danilíinii ałtso íidoołdįįł, índa dabits'in niidiyootih, áádóó bik'aa' yee yigházdiyoołt'oh.

DEUTERONOMY 2:30

Nidi Héshban kin haal'áádóó aláahgo naat'áanii Sáíhan wolyéii bíighahgóó ch'ídii'néłígíí t'áadoo yee nihadi'ní'ą́ą da. Háálá Bóhólníihii nihiDiyin God éí háni' yiyííłtł'is áádóó hajéí doo biníhóó'áágóó áhoolaa. Nihílák'ee hodidoo'áłígíí biniyé doo ájóne' át'éégóó díísh jį́į́góó ákóhósin.

JOSHUA 24:12

Áádóó tsés'náłtsooí bi'níłnii'go nihilą́ąjį' Ámor dine'é éí aláahgo naat'áanii nidilt'éego t'áá bił baa ch'ídahaazhjéé', áko éí nihidiltłish áádóó nihik'aa' doo bee ch'ídahisinoołkaad da.

JOSHUA 4:24

Ákohgo nihokáá' dine'é t'áá át'é bił béédahodoozįįł: Bóhólníihii bigaan ayóó ábóodziilii nilį́, áádóó Bóhólníihii nihiDiyin God dadíínóhsingo ahool'áa doo.

JOSHUA 5:1

Ákódzaago Ámor dine'é aláahgo bindanit'a'í t'áá ałtso Jórdan tooh biláahdi e'e'aahjigo kéédahat'ínígíí índa Kéínan dine'é aláahgo bindanit'a'í t'áá ałtso tónteel bíighahgóó kéédahat'ínígíí Bóhólníihii éí Jórdan tooh ha'naa niiníłtseiigo Ízrel dine'é binááł tsé'naa ałtso ninii'nánígíí yaa dahodiizts'ą́ą'go éí yik'ee bijéí nitsidaastłah índa doo bił chodahóó'įįd da, háálá Ízrel dine'é biniinaa ákódadziidzaa.

JOSHUA 9:10

Áádóó Ámor dine'é aláahgo binanit'a'í nidilt'éego Jórdan tooh biláahdi Héshban kin haal'áádóó aláahgo naat'áanii Sáíhan wolyéii índa Béíshan kéyahdóó aláahgo naat'áanii Ag wolyéii, éí Áshtarath kin haal'áagi bighanígíí áyííł'įįdii t'áá át'é baa dahosidiits'ą́ą́'.