JOSHUA 18:8 - Navajo Bible

⁸ Áko diné hasht'e'ádadiilyaa áádóó dah diikáahgo Jáshowa hazhó'ó ábidííniidgo kéyah bééhózínígo ádeidoolíłígóó dah diikáahgo ííłní, Nihílááh, kéyah t'áá át'é bii' tádidoohkah, áádóó éí át'éhígíí bee ak'eda'doołchííł, índa shaa nínáádoohkah, áko yáá'iilt'e'ígíí nihá ádeeshłíiłgo bik'ehgo kéyah háidíígíí nihíí' dadooleełii Bóhólníihii binááł Sháílohgi nihá hasht'edeeshłííł.

JOSHUA 18:8 ပူးပေါင်းရင်းမြစ်များ

GENESIS 13:17

Dah diinááh; kéyah náásee índa naaniigo hadiinááh, háálá díí kéyah naa dideesh'ááł.

ISAIAH 34:17

Áádóó t'áá ał'ąą bá nahaz'ą́ągo áyiilaa índa yída'neeł'ąąhgo yá ałts'ádeiznil; hool'áágóó daabí dooleełgo ałk'i háá'iiyoochííłgóó ákwii kééhat'į́į doo.

ROMANS 14:19

Éí bąą haa'íshą' bee k'é náhoodleełii áádóó t'áá áníiltso ahidiníłnáago danihidziil ánihidoolíiłii hádeiit'į́į doo.

JOSHUA 13:7

Éí bąą k'ad díí kéyah bíí' dadooleeł biniyé náhást'éiigo dadine'é índa Manáseh dine'é ałníí'dóóígíí bá ał ts'ádadíízo.

JOSHUA 15:1

Júdah dine'é ahii' háá'ahiyoolchíiłii bik'ehgo shádi'áahjigo Íídam kéyah bihoodzojį' t'áá Zin honoojíígóó shádi'áahjigo haz'ánígíí bíighahgo bíí' dooleełgo baa deet'ą́.

JOSHUA 18:1

Áko Ízrel dine'é t'áá át'é Sháílohgi áłah silį́į'go ákwii níbaal bii' dahozdísinii nideiz'ą́. Ízrel dine'é éí kéyahgi kéédahat'íinii t'áá ałtso yik'eh dadeesdlį́į́'.

JOSHUA 18:10

áádóó Jáshowa éí yáá'iilt'e' ádajiilaago Ízrel dine'é bá Sháílohgi Bóhólníihii binááł baa nijiiyá; ákwii Jáshowa éí Ízrel dine'é kéyah baa dahideest'ánígíí bik'ehgo bá ałts'ádadzizo.

JOSHUA 18:6

Áádóó kéyah tsosts'idgo ałts'ádaasdzooígíí át'éhígíí bee ak'eda'doołchííł, áádóó éí shich'į' ííshjání ádadoohłííł, áko índa kéyah háidíígíí bíí' dadooleeł biniyé yáá'iilt'e' bik'ehgo Bóhólníihii nihiDiyin God binááł nihá ádeeshłííł.

JOSHUA 18:9

Áko diné ákǫ́ǫ́ eekaigo kéyah t'áá át'é yii' tádookai áádóó kéyah tsosts'idgo ałts'ádaasdzooígíí biyi' kin dah naazhjaa'ígíí bik'ehgo át'éhígíí naaltsoos bikáá' ádajiilaa, áko dah da'ínéhígóó dah nízhdiikaigo Sháílohgi Jáshowa baa níjíkai,

I SAMUEL 14:41

Éí bąą Saul éí Ízrel dine' é biBóhólníihii Diyin God ábijiní, T'áá aaníí yáá'iilt'e' nihá ánílééh. Áko Saul áádóó Jánathan bik'i hodiit'ą́, nidi Ízrel dine'é éí t'áadoo baa hwiiníst'įįd da.