JOSHUA 18:3 - Navajo Bible

³ Áko Jáshowa éí Ízrel dine'é áyidííniid, Haa nízádígishą' nida'áhodołziidgo kéyah íí' dooleełii bich'į' wohnééł? Éí danihizhé'é yę́ę biBóhólníihii Diyin God nihaidiní'ą́ą́ nít'éé'.

JOSHUA 18:3 ပူးပေါင်းရင်းမြစ်များ

PROVERBS 10:4

Diné bił hóyée'go naalnishii bahojoobá'í yileeh, nidi haleebee yá'át'éehgo yilnishii éí at'įįh.

PROVERBS 13:4

Bił hóyée'ii bii' sizíinii t'áadoo le'é yídin nilíinii doo bee haleeh da, nidi diné haleeyee át'íinii bii' sizíinii bá yá'át'éehgo áhooníił doo.

PROVERBS 15:19

Hoł hóyée'ii hwee áhoot'éii éí hosh binázt'i' nahalin, nidi diné t'áá ákogi át'éii éí azdoolkǫ'góó yigááł.

ECCLESIASTES 9:10

T'áá bik'i hidiilníhígíí dziilí bee baa naniná, háálá díníyáhígóó naanish áádóó nahat'á áádóó ił ééhózin índa hódzą́ jishcháa'di ádin.

ZEPHANIAH 3:16

Éí bijį́įdi Jerúsalem kóbidi'doo'niił, T'áadoo nił yé'í, Záíyan nílíinii, nigaan t'áadoo t'óó nąąh nahíínilí.

MATTHEW 20:6

Áádóó ashdla'ígi daats'í oolkiłgo ch'ínáánádzá, nít'éé' náánáła' t'óó nináádaazį'go yik'ínáánádzá, áko ííłní, Ha' át'íishą' biniyé kwe'é shá bíighah t'áadoo baa nidaahkaígóó t'óó nidaahsį'?

JOHN 6:27

Ch'iyáán áádįįłii t'éiyá t'áadoo bíká nidaahkaí, nidi iiná doo ninít'i'ii bá ch'iyáán doo ádįįhii hádaaht'į́, éí Diné Silį́į'ii nihaididoo'ááł, háálá Diyin God aTaa' nilíinii hwee lą́ asłį́'ígíí bee hwéého'dílzingo áhoolaa.

JOSHUA 1:6

Nidziilgo í'díí'nílzin áádóó chánah í'díí'nílzin, áko díí diné éí kéyah íí' dooleełii bá aháhidíízoh; éí dabizhé'é yę́ę bich'į' bee ádee hadeesdzíi'go baa diní'ą́ą ni'.

JOSHUA 13:1

Íídą́ą́' Jáshowa lą'í binááhaigo bi'niitihgo, áko Bóhólníihii ábidííniid, T'áá íiyisí hasínítih áádóó t'óó ahayóí ninááhai, ákondi kéyah íí' dadooleełii lą'í daadziih.

JOSHUA 18:2

Nidi Ízrel dine'é bitahgi Ízrel t'áá bí bidine'é tsosts'idgo dah yinééł kéyah bíí' dooleełii t'ah doo baa deet'aah da.

JOSHUA 18:4

Dadine'ígíí bitahdóó diné táá' níjaa'go nídoohnííł, áko éí dadeesh'aałgo ákǫ́ǫ́ dadookah áádóó kéyah t'áá át'é hazhó'ó hadeidoosił biniyé tádidookah índa kéyah bíí' dadooleełii át'éhígíí yee ak'eda'doołchííł áádóó índa shaa nínáádookah.

JUDGES 18:9

Áko ádaaní, Sołtį', bich'į' hidiikah; jó, kéyah hadasiilzidígíí t'áá íiyisí hózhóní. Doósh baa nidaahkaí da? T'áadoo nida'áhodołdziidí, ákǫ́ǫ́ dah doohkáahgo kéyah nihíí' ádaohłééh.