JOSHUA 18:1 - Navajo Bible

¹ Áko Ízrel dine'é t'áá át'é Sháílohgi áłah silį́į'go ákwii níbaal bii' dahozdísinii nideiz'ą́. Ízrel dine'é éí kéyahgi kéédahat'íinii t'áá ałtso yik'eh dadeesdlį́į́'.

JOSHUA 18:1 ပူးပေါင်းရင်းမြစ်များ

II SAMUEL 7:6

Jó, Ízrel dine'é Ííjip kéyahdę́ę́' háí'eezhdóó wóshdę́ę́' díí jį́įjį' doo kin bii' kééhasht'į́į da; t'áá hazhó'ó níbaal t'éiyá bii' honishłǫ́.

I KINGS 14:2

Áádóó Jerobówam be'asdzą́ą́ ííłní, Nídiidááh, nánooshkąąh, Jerobówam be'asdzą́ą́ nílínígíí, doo bee néého'dílzin da dooleeł biniyé łahgo át'éego í'dílnééh, áádóó Sháílohgóó dínááh; Diyin God yá halne'ii Aháíjah éí díí dine'é aláahgo binanit'a'í deeshłeełgo yee shił hoolne'ígíí áadi naaghá.

I KINGS 14:4

Nít'éé' Jerobówam be'asdzą́ą́ ákódzaago nídii'na'go Sháílohgóó ííyá, áádóó Aháíjah bighandi jiníyá. Nidi Aháíjah doo oo'į́į da, háálá haastihgo doo oo'į́į da.

I KINGS 2:27

Kót'éego Sálaman éí Abáíyathar joolyéii Bóhólníihii bich'į' doo náá'iiłniihii náájídlį́į da doogo t'óó nahjį' hahóółt'e'. Éí Bóhólníihii t'áá bí bizaad bohodoolníiłgo Sháíloh haz'ánídi Íílai ba'áłchíní ahoolchíiłii bídéét'i'go yee haadzíí' nít'éé'.

NEHEMIAH 9:24

Áko Ízrel dine'é éí kéyah yiih yínáago bíí' daazlį́į'go éí kéyah yii' kéédahat'į́į́ nít'éé' yę́ę Kéínan dine'é bik'eh dínídlį́į́', áko t'áá hó daznízinígi át'éego ádazhdoolííł biniyé éí kéyahdóó aláahgo naat'áanii danilíinii índa dadine'é hálák'ee dadííní'ą́.

PSALMS 78:60

Áko Sháílohdi diné bitahgi níbaal bii' hodílzinii niiní'ą́ągo bii' bighanígíí yóó'iidíí'ą́.

PSALMS 78:66

Áádóó bi'ana'í danilíinii t'ą́ą́' anéinííłkaadgo yik'eh deesdlį́į́'. Hool'áágóó bá nidahat'i'go áyiilaa.

JEREMIAH 26:6

ákohgo Sháílohdi kin haal'á atéshłaa yę́ęgi át'éego díí kin bii' sohodizin atídeeshłííł, áádóó nihokáá'góó ał'ąą dine'é danilíinii t'áá ałtso díí kin haal'áá nít'é'ígíí t'óó báhádzidgo yá yádaałti' dooleeł.

JEREMIAH 26:9

Haash yit'éego Bóhólníihii bízhi' binahjį' háínídzíí', Díí kin Sháílohdi kin yę́ę nahalin dooleeł, índa díí kin haal'áhígíí ałtso ahiih nídahidoolkał áádóó diné doo ła' ákwii kééhat'į́į da doo, índa kints'iil t'éiyá naazhjaa' dooleeł, dííníniid? Áádóó diné t'áá ałtso Jeremáíyah yik'ijį' danilį́įgo Bóhólníihii bikin bii' sohodizingi áłah silį́į́'.

JEREMIAH 41:5

Shííkem áádóó Sháíloh índa Samériya kin hadaas'áádę́ę́' diné tseebídiin yilt'éego bidághaa' daalzhée'go áádóó bi'éé' nidahaasdǫ́ǫzgo índa bikáá'góó ahidayiizhgizhgo Bóhólníihii yich'į' tł'oh naadą́ą́' náádeidiyoołnihii índa tsin bijeeh dilidgo łikání halchinii éí Bóhólníihii bikin bii' sohodizinjį' deideezhjaa'go yíkai.

NUMBERS 32:22

Bóhólníihii binááł éí kéyahgi kéédahat'ínígíí bik'eh dasidoohdlį́į'go índa nídoohkah, áádóó Bóhólníihii índa Ízrel dine'é binááł doo nihihodiit'i' da doo, áko Bóhólníihii binááł díí kéyah danihíí' dooleeł.

ACTS 7:45

Jó, éí danihizhé'é yę́ę bitah hoolzhishgo náás deiní'ą́. Diyin God éí ał'ąą dine'é kéyah yikáá' kéédahat'į́ yę́ędóó nahjį' hainííłkaadgo danihizhé'é yę́ę bíí' daazlį́į́'. Áko Jáshowa hoo'ishgo níbaal bii' hodílzinii éí kéyah biih dadziz'ą́. David naat'áanii nilį́ yę́ęjį' ákwii si'ą́ą́ nít'éé'.

JOSHUA 18:2

Nidi Ízrel dine'é bitahgi Ízrel t'áá bí bidine'é tsosts'idgo dah yinééł kéyah bíí' dooleełii t'ah doo baa deet'aah da.

JOSHUA 18:8

Áko diné hasht'e'ádadiilyaa áádóó dah diikáahgo Jáshowa hazhó'ó ábidííniidgo kéyah bééhózínígo ádeidoolíłígóó dah diikáahgo ííłní, Nihílááh, kéyah t'áá át'é bii' tádidoohkah, áádóó éí át'éhígíí bee ak'eda'doołchííł, índa shaa nínáádoohkah, áko yáá'iilt'e'ígíí nihá ádeeshłíiłgo bik'ehgo kéyah háidíígíí nihíí' dadooleełii Bóhólníihii binááł Sháílohgi nihá hasht'edeeshłííł.

JOSHUA 19:51

Díí éí kéyah hóó' dadooleełii náá'iiłniihii Eliyéízar áádóó Nan biye' Jáshowa índa Ízrel dine'é bidóone'é bik'ehgo yá aląąjį' naazíinii éí yáá'iilt'e' bik'ehgo Ízrel dine'é bá kéyah ałts'ádeizogo, Sháíloh haz'ánídi Bóhólníihii binááł níbaal bii' dahozdísinii bich'é'étiingi kéyah ałtso ałtaa deisdzo.

JOSHUA 21:2

áko Sháíloh hoolyéedi Kéínan kéyahgi ádahodííniidgo ádaaní, Bóhólníihii éí Mózes biniit'aa kóníigo yee haadzíi'ii, kin hadaas'áii bii' kéédahwiit'į́į dooígíí, dahootso dooígíí t'áá bił nihilį́į́' bá nihaa hodidoot'ááł.

JOSHUA 22:12

Áko Ízrel dine'é díí yaa dahodiizts'ą́ą'go yich'į' anaa' ádahodoolííł biniyé Sháíloh haz'ánígi Ízrel dine'é áłah silį́į́'.

JOSHUA 22:19

Nidi k'ad nihikéyah doo yá'áhoot'ééhgóogo, Bóhólníihii bikéyah biyi'jį' ha'naa ninádooh'néełgo Bóhólníihii biníbaal bii' hodílzinii si'ánígóó nihitahgi kéyah nídahodidooh'ááł. Bóhólníihii bich'į' áádóó nihí nihich'į' t'ááká ádił nidaołteeł lágo, Bóhólníihii nihiDiyin God bibikáá' náá'iiniihí t'ah biláhídi át'éii t'ááká bikáá' náá'iiniihí náánáła' ánáádaohdlééh lágo.

JOSHUA 22:9

Áko Rúben dine'é áádóó Géed dine'é índa Manáseh dine'é ałníí'dóóígíí dabighangóó anídahaaskai; Ízrel dine'é áłah nilínídóó, éí Sháíloh haz'ánígi Kéínan kéyah biyi'dóó Gíliyad kéyahgóó dah nídahidiikai; kéyah bíí' daazlį́į'go bíí' ádayiilaaígíí yich'į' anáhaaskai; éí Mózes biniit'aa Bóhólníihii yee haadzíi'ii bik'ehgo hóó' ádajiilaa.

JUDGES 18:31

Ákohgo Máíkah bi'e'elyaii áyiilaaígíí Dan kin haal'áagi dah sizį́įgo ádayiilaa; Diyin God biníbaal bii' hodílzinii Sháíloh haz'ą́ągi si'ą́ yę́ędą́ą́' ákódayósin nít'éé'.

JUDGES 21:12

Áko Jéíbesh-gíliyadgi kéédahat'ínígíí ch'ikéí bízháán nidaakaígíí diné doo yił ahéédahólzinii dį́įdi neeznádiingo yik'ídaaskaigo Sháílohgi dah da'ínéhígóó Kéínan kéyahjį' nídeizh'eezh.

JUDGES 21:19

Áko ánáádadi'ní, Bóhólníihii baa áłah ná'ádleeh t'áá nináháhááh bik'eh néit'aahígíí éí Sháíloh haz'ánígi éí Béthel kin shijaa' náhookǫsjígo, Bétheldóó Shííkem kin haal'áajį' atiinígíí ha'a'aahjígo índa Lebónah kin shijaa' shádi'ááhjígo t'éí bá náhoot'aah.

I SAMUEL 1:24

Áko bizh'díít'óodgo ákǫ́ǫ́ bił jiní'áázh; dóola yázhí táa'go ákǫ́ǫ́ deizh'eezh, áádóó ak'áán éí íífa t'ááłáhídi haaką́ągo índa wáin éí tó abid bee ałdó' ákǫ́ǫ́ dajizhjaa'; íídą́ą́' Sháíloh haz'ánídi Bóhólníihii bikin bii' sohodizin góne' bił yah ajíí'áázh; hayáázh éí t'ah áłts'ísí.

I SAMUEL 1:3

Díí diné éí t'áá nináháhááh bik'eh hakin shijaa'dóó Sháíloh haz'áníjį' ałnáájídááh nít'éé'. T'áá ałtsoní bee Bóhólníihii bich'į' nináhojiłaah doo áádóó bich'į' náá'jiiłniih doo biniyé ałnáájídááh. Ákwii Íílai biye' Háfnai índa Fíniyas éí náá'iiłniihii nilį́įgo Bóhólníihii yá naal'a'.