JOSHUA 17:9 - Navajo Bible

⁹ Áko Kéína tó nílínígíí shádi'áahjigo haz'áníjį' hodeesdzo. Ákwii Manáseh dine'é bikin hadaas'áhígíí bitahgi Íífreiyim dine' é ałdó' bikin hadaas'á. Áko Manáseh dine'é bihoodzooígíí náhookǫsjigo tó nílíníjį' hodeesdzo áádóó tónteel siyíníjį' nihoodzo,

JOSHUA 17:9 ပူးပေါင်းရင်းမြစ်များ

JOSHUA 16:3

áádóó e'e'aah bich'į'go Jaflíítai dine'é bikéyahjį' índa Beth-hóran kin shijaa' wóyahdiígíí bíighahjį' áádóó Gíízer kin haal'áágóó índa tónteel siyíníjį' hodeesdzo.

JOSHUA 17:10

shádi'áahjigo Íífreiyim dine'é bikéyah si'ánígíí, índa náhookǫsjigo Manáseh dine'é bikéyah si'ánígíí, éí tónteel bee hodeesdzo, índa náhookǫsjí Ásher dine'é bikéyahjį' áádóó ha'a'aahjigo Ísakar dine'é bikéyahjį' hodeesdzo.

JOSHUA 19:29

áádóó Réímah kin haal'áágóó nááhoodzo áádóó Táir kin haal'á ditą́ągo binaa ahéé'ítł'iníjį' hodeesdzo, áádóó Hósah kin shijaa'jį' nínááhásdzo, índa Ákzib kin haal'áii bíighahgi tónteel siyíníjį' nihoodzo,