JOSHUA 17:7 - Navajo Bible

⁷ Manáseh dine'é bikéyah hoodzooígíí éí Ásher dine'é bikéyahdóó Míkmiitha haz'áníjį', éí Shííkem kin haal'áii bíighahgi áádóó shádi'áahjigo Entapúwah tó háálínígi kéédahat'íníjį' bihodiidzo.

JOSHUA 17:7 ပူးပေါင်းရင်းမြစ်များ

GENESIS 34:2

áko Háívah dine'é nilíinii Héímor wolyéii biye' Shííkem éí kéyahdóó naat'áanii nilį́įgo Dáínah yidánoos'niid, áádóó yił ninídéelgo t'óó baa yáhásinígi át'éego áyiilaa.

GENESIS 37:12

Áko hánaaíké hazhé'é bilį́į́' Shííkem bikin haal'á nahós'a'góó adeineeskaad.

GENESIS 37:14

Áko ábijiní, Ákǫ́ǫ́ dínáahgo nínaaíké áádóó dibé baa nidíníítaał; nínaaíké índa dibéda daats'í yá'ádaat'ééh. Áko áádę́ę́' hane' shaa nídíí'ááł. Ákohgo Hííbran honíteeldóó dahozhdiił'a'go Shííkem nahós'a'di jiníyá.

I KINGS 12:1

Riihobówam éí Shííkemgóó ííyá, háálá Ízrel dine'é t'áá ałtso aláahgo naat'áanii adahodoolííł biniyé Shííkemgi neheeskai.

I KINGS 12:25

Nít'éé' Jerobówam éí Dził Íífreiyimgi Shííkem kin haal'áago áyiilaago ákwii kééhat'į́į́ nít'éé', áádóó dah náádiidzáago Piinúwel kin haal'áago ałdó' áyiilaa.

I CHRONICLES 6:67

Éí kin hadaas'áágóó yisdádahinichéehii bá nahaz'ą́. Dził Íífreiyim bighą́ą'gi Shííkem kin haal'áhígíí áádóó binaagóó dahootsoígi índa Gíízer kin haal'áhígíí áádóó binaagóó dahootsoígi

PSALMS 60:6

Diyin God diyinii nilį́įgo díí yee haadzíí': Baa shił hózhǫ́ǫgo Shííkem ahádeesoh, áádóó Sákath honíteel bídí'néesh'ąął.

JOSHUA 17:6

háálá Manáseh dine'é bitsi'ké danilíinii ła' éí Manáseh ba'áłchíní ahoolchíiłii bił kéyah bíí' daazlį́į́'. Manáseh dine'é łahjį'ígíí éí Gíliyad kéyah baa deet'ą́.

JOSHUA 17:8

Manáseh dine'é bikéyah éí Tapúwah hoolyé índa Manáseh dine'é bihoodzogi Tapúwah kin shijaa'ígíí éí Íífreiyim dine'é daabí.

JOSHUA 20:7

Áko díí kin hadaas'áii nideidiyiiz'ą́: éí Kíídesh kin haal'áii Gálilii kéyah biyi', t'áá éí Náftalai dine'é bikéyah át'éego dah daask'idígi, áádóó Shííkem kin haal'áii Íífreiyim dine'é bikéyah dah daask'idígi, índa Kírjath-árba kin haal'áii, t'áá éí Hííbran ałdó' hoolyé; éí Júdah dine'é bikéyah dah daask'idígi,

JOSHUA 21:21

Éí baa dahideest'ánígíí Shííkem hoolyéii dahootsooígíí t'áá bił Íífreiyim dine'é bidziłgo nahaz'ánígi kin haal'áii bii'jį' yisdá'niichéehii iisxíinii bá át'é, áádóó Gíízer kin haal'áii binaagóó dahootsooígíí t'áá bił yaa deideez'ą́,

JOSHUA 24:1

Áko Jáshowa éí Ízrel dine'é t'áá át'é Shííkem kin haal'áagi áłah áyiilaago Ízrel dine'é hastóí danilíinii áádóó aląąjį' naazíinii áádóó ándahodii'aahii índa á dah naazdáii hágo yidííniidgo Diyin God hólǫ́ǫjį' niikai.

JOSHUA 24:32

Áádóó Jóseph bits'in Ízrel dine'é danilíinii Ííjip kéyahdę́ę́' deizhjaa'ígíí ałdó' Shííkem kin haal'áagi yóó'ádayiilaa; éí Shííkem bizhé'é Héímor wolyéii biye'ké éí kéyah haz'ą́ągi béésh łigaii neeznádiin bíighahgo Jéíkab nahwiisnii' yę́ęgi yóó'ádahoolaa; éí kéyah Jóseph ba'áłchíní náás ahoolchíiłii bíí' daazlį́į́'.

JUDGES 9:1

Áko Jerabéíyal biye' Abímelek éí Shííkem kin haal'áágóó jiníyáago hamá bik'éí áádóó t'áá ałtso hamá bizhé'é bik'éí danilíinii ábizhdííniid,