JOSHUA 17:6 - Navajo Bible

⁶ háálá Manáseh dine'é bitsi'ké danilíinii ła' éí Manáseh ba'áłchíní ahoolchíiłii bił kéyah bíí' daazlį́į́'. Manáseh dine'é łahjį'ígíí éí Gíliyad kéyah baa deet'ą́.

JOSHUA 17:6 ပူးပေါင်းရင်းမြစ်များ

EZEKIEL 48:4

Náftalai dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Manáseh dine'é bíí' doo.

JOSHUA 13:29

Áádóó Manáseh dine'é ałníí'dóóígíí éí kéyah íí' dadooleełii Mózes beidiní'ą́; éí Manáseh dine'é ałníí'dóóígíí ahii' háá'ahiyoolchíłígíí bik'ehgo bá ałts'áádzo.

JOSHUA 13:30

Éí bikéyahígíí Meihanéíyim kin shijaa'dóó, Béíshan kéyahgóó t'áá át'é, Béíshan dine'é aláahgo binanit'a'í Ag wolyéii bee bóhólnííh nít'éé' yę́ę t'áá át'é, áádóó Jéíyer wolyéii bikin naazhjaa'ígíí t'áá ałtso, éí Béíshan kéyahgi hastą́diingo kin hadaas'áii,

JOSHUA 13:31

áádóó Gíliyad kéyah ałníí'dóóígíí índa Béíshan dine'é aláahgo binanit'a'í Ag wolyéii bee bóhólnííh nít'éé' yę́ę biyi' Áshtarath áádóó Édriyai kin hadaas'áii, díí éí Manáseh biye' Méíkir bidine'é ałníí'dóóígíí ahii' háá'ahiyoolchíłígíí bik'ehgo bá ałts' ádaasdzo.

JOSHUA 17:5

Áko neeznáá hahoodzo Manáseh dine'é baa deet'ą́, áádóó Jórdan tooh bilááhjí Gíliyad kéyah áádóó Béíshan kéyah ałdó' bił baa deet'ą́,

JOSHUA 17:7

Manáseh dine'é bikéyah hoodzooígíí éí Ásher dine'é bikéyahdóó Míkmiitha haz'áníjį', éí Shííkem kin haal'áii bíighahgi áádóó shádi'áahjigo Entapúwah tó háálínígi kéédahat'íníjį' bihodiidzo.

JOSHUA 22:7

Áko Mózes éí Manáseh dine'é ałníí'dóóígíí Béíshan kéyah biyi' bíí' dooígíí yeidiní'ą́, nidi Manáseh dine'é łahjį' ałníí'dóóígíí éí dabik'is bikédaayah bitahgi Jórdan tooh e'e'aahjígo bíí' dooígíí Jáshowa beidiní'ą́. Áádóó dahaghangóó Jáshowa hwéé'iisnii'go hak'ijisdli',