JOSHUA 17:18 - Navajo Bible

¹⁸ nidi díí dziłgo nahaz'ánígíí nihíí' dadooleeł; jó, tsin yíl'á, áádóó dah hidoohtsxiłgo bee hasht'edadidoohnííł, áádóó biláahdi hoodzooígíí bíighahgo ts'ídá t'áá át'é nihíí' dooleeł, háálá Kéínan dine'é nihaa ch'ídahidoojah; azhą́ tsindaabąąs bijáád naakiígíí béésh bee ádaalyaii bee dahólǫ́ǫ nidi áádóó dabidziil nidi ákódadoohłííł.

JOSHUA 17:18 ပူးပေါင်းရင်းမြစ်များ

GENESIS 49:24

Ákondi be'ałtį́į́' t'ah bidziil, Índa Jéíkab biDiyin God Ayóó'át'éii bidziilii bíla' yee bidziilgo ályaa, Kodóó na'niłkaadii, Ízrel bá tséhígíí át'é.

II SAMUEL 18:6

Áko siláo dah dadiináago Ízrel dine'é yich'į' anaa' dahasłį́į́'; Íífreiyim kéyah hodíłch'il tahgi bił da'ahijoogą́ą́'.

ROMANS 8:31

Kódaat'éhígíí bąą ha'át'íishą' dadidii'niił áko? Diyin God nihich'ijí nilį́įgo t'áadoo nihik'eshdódle'í da.

ROMANS 8:37

Dooda lą́ą! Jó, Christ ayóó'ánihó'níinii bee ak'eh hididleehii biláahdi ádaniit'éego át'é!

DEUTERONOMY 33:17

Yee ayóó át'éii éí bidóola alą́ąjį' yizhchíinii nahalin; bidee' éí béégashii ałchinii bidee' nahalin; éí yee nahasdzáán nidahonees'ą́ą́góó ał'ąą dine'é t'áá ła' bizhi'ee iiniiłkaad doo. Íífreiyim dine'é neeznáadi mííl ádanéelą́ą'go áádóó Manáseh dine'é miil ádanéelą́ą'go ákódahodoolííł.

HEBREWS 13:6

Éí bąą t'áadoo yé'í ádadii'níi doo, Bóhólníihii shíká análwo'í nilį́, doo násdzid da doo! Dinéshą' haa dashizhdoolííł?

JOSHUA 13:6

Dził Lébanan si'ánídóó kéyah aghá dahaz'áágóó kéédahat'íinii t'áá ałtso Mísrefath-méíyim kin shijaa'jį' éí t'áá át'é Sáídan dine'é t'ah daadziih. Ízrel dine'é danilíinii bilą́ąjį' éí t'áá ałtso ch'ídínéeshkał, ákondi Ízrel dine'é éí kéyah bíí' dadooleeł biniyé nich'į' bee haasdzí'ígi át'éego bá ałts'ádadíízo.

JOSHUA 15:9

áko dził bighą́ą́'dę́ę́' hoodzo dooígíí Neftówah tó nílíníjį' hodeesdzo, éí áádóó Dził Íífran kin hadaas'áajį', áádóó Béíyala kin haal'áajį' hodeesdzo; t'áá éí Kírjath-jíyarim hoolyé,

JOSHUA 17:17

Áko Jáshowa éí Jóseph ba'áłchíní ahoolchíiłii, éí Íífreiyim dine'é áádóó Manáseh dine'é danilį́įgo áyidííniid, Nihí t'óó ahonohyóí áádóó ayóó át'éego bee adziilii nihee dahólǫ́; doo t'ááłá'í yáá'iilt'e' t'éiyá bíighahgo kéyah nihíí' dadooleeł da,

JOSHUA 20:7

Áko díí kin hadaas'áii nideidiyiiz'ą́: éí Kíídesh kin haal'áii Gálilii kéyah biyi', t'áá éí Náftalai dine'é bikéyah át'éego dah daask'idígi, áádóó Shííkem kin haal'áii Íífreiyim dine'é bikéyah dah daask'idígi, índa Kírjath-árba kin haal'áii, t'áá éí Hííbran ałdó' hoolyé; éí Júdah dine'é bikéyah dah daask'idígi,

I SAMUEL 1:1

Dził Íífreiyimdi Reimathéíyim-zófim kin shijaa'dóó diné léi' Elkéínah wolyé; éí Jiiróham biye', Jiiróham éí Iiláíhu biye', Iiláíhu éí Tóhu biye', Tóhu éí Íífreiyim dine'é Zuf biye' jílį́.