JOSHUA 17:11 - Navajo Bible

¹¹ Áádóó Ísakar dine'é bikéyah bikáá' índa Ásher dine'é bikéyah bikáá' ałdó' Manáseh dine'é bikin ła' hadaas'á; éí Beth-shíyan kin haal'áii áádóó bikin dah naazhjaa'ígíí, Íbliyam kin haal'áii áádóó bikin dah naazhjaa'ígíí, Dóor kin haal'áii ákwii kéédahat'íinii áádóó bikin dah naazhjaa'ígíí, Éndor kin haal'áii ákwii kéédahat'íinii áádóó bikin dah naazhjaa'ígíí, Téíyanak kin haal'áii ákwii kéédahat'íinii áádóó bikin dah naazhjaa'ígíí índa Megído kin haal'áii ákwii kéédahat'íinii áádóó bikin dah naazhjaa'ígíí t'áá daabił; éí táa'go kéyahígíí bikáá' ákóhoot'é.

JOSHUA 17:11 ပူးပေါင်းရင်းမြစ်များ

II SAMUEL 21:12

Nít'éé' David dah diiyáago Saul yę́ę bits'in áádóó biye' Jánathan yę́ę bits'in éí Jéíbesh-gíliyadóó diné yits'ą́ą́' nídeidiinil; jó, éí Béthshan kin haal'áagi atiindóó deineez'į́į́' nít'éé'. Ákwii Filístiya dine'é éí Gilbówa kin haal'áagi Saul dayiisxį́ bijį́į́ góne' bits'íís dah deidiilo'.

I KINGS 9:15

Aláahgo naat'áanii Sálaman éí Bóhólníihii bikin bii' sohodizin áádóó t'áá bí bighan áádóó Míllo hoolyéii áádóó Jerúsalem ditą́ągo binaa ahéé'ítł'inígíí áádóó Héízar áádóó Megído índa Gíízer kin hadaas'áii ádadoolnííł biniyé naanish bí'nílchéehii yihodeez'ą́.

II KINGS 9:27

Áko Júdah dine'é aláahgo binanit'a'í díí dziiłtsą́ągo dá'ák'eh kin bíighah góne' azhnííchą́ą́'. Áádóó Jííhu hakéé' dah adiiłbą́ązgo ání, Hó ałdó' dahooł kah. Áko Ger haz'ą́ą́ góde jookahgo Íbliyam kin shijaa'ígíí bíighahgi tsinaabąąs bijáád naakiígíí yii'jį' dahaskah. Áádóó Megído kin haal'áágóó azhnííchą́ą'go áadi dadziztsą́.

I CHRONICLES 6:70

Manáseh dine'é ałníí'dóóígíí bikéyahgi ałdó' Kóhath dine'é bída'ííchą́ą'ii éí Éíner áádóó Bíliyam kin haal'áhígíí índa binaagóó dahootsoígi baa dadeest'ą́.

I CHRONICLES 7:29

Manáseh dine'é bikéyah hoodzooígíí bíighahgóó ałdó', Beth-shíyan hoolyéego kin haal'á áádóó binaagóó kin naazhjaa' nít'éé', Téíyanak hoolyéego kin haal'á áádóó binaagóó kin naazhjaa' nít'éé', Megído hoolyéego kin haal'á áádóó binaagóó kin naazhjaa' nít'éé', Dor hoolyéego kin haal'á índa binaagóó kin naazhjaa' nít'éé'. Ákǫ́ǫ́ Ízrel biye' Jóseph wolyéii biye'ké náás da'ahílchíihii kéédahat'į́į́ nít'éé'.

II CHRONICLES 35:22

Ákót'ée nidi, Josáíyah doo hats'ą́ąjį' dah dooya' át'ée da, nidi hach'į' nidoobah biniyé doo béého'dílzingóó í'diilyaa. Diyin God éí Nííko yich'į' yee haadzíi'ii doo jíists'ą́ą́'góó nizhdoobah biniyé Megído honíts'aa'gi jiníyá.

PSALMS 83:10

éí Éndor kin shijaa'gi ádabi'disdįįdgo ákwe'é dabits'íís éí nanise' bich'iyą' silį́į́'.

JEREMIAH 49:2

Bóhólníihii ání, Éí bąą Áman dine'é bikin haal'á Rábahdi anaa' haleehgo dilní didoots'į́į́ł áádóó éí ahiih nídahineezkaadgo yanáa'áa doo; bikin naazhjaa'ígíí adahididoolk'ą́ą́ł, jó'akon, áko índa Ízrel dine'é bíí' yę́ę bíí' nídoodleeł, ní Bóhólníihii.

ZECHARIAH 12:11

Éí bijį́įdi honts'aa' Megídodi Héídad-rímangi yínííł danilį́įgo atínídadindleeh yę́ęgi át'éego Jerúsalemgi ayóó át'éego diné yínííł danilį́įgo atínídadindleeh doo.

JOSHUA 11:2

áádóó aláahgo naat'áanii danilíinii náhookǫsjígo dziłgo nahaz'ánígóó kéédahat'ínígíí áádóó Kíniirath kin haal'áádóó shádi'ááhjígo Áraba dzígaigóó kéédahat'ínígíí áádóó yíldzisgóó kéédahat'ínígíí índa e'e'aahjígo dah yisk'id bighą́ą'di Dóor kin haal'áagi kéédahat'ínígíí ałdó' bich'į' i'dziis'a',

JOSHUA 12:21

Téíyanak dine'é aláahgo binanit'a'í t'ááłá'í, Megído dine'é aláahgo binanit'a'í t'áá łá'í,

JOSHUA 12:23

Dóor agháhóó'áadi kin haal'áhígóó kéédahat'íinii aláahgo binanit'a'í t'ááłá'í, Gílgal dine'é aláahgo binanit'a'í t'ááłá'í,

JOSHUA 16:9

áádóó kin hadaas'áii éí Íífreiyim dine'é bee bího'doosníi'go Manáseh dine'é bitahgóó íí' dooleełgo kin hadaas'áhígíí kin dah naazhjaa'ígíí t'áá bił bee bího'doosníí'.

JOSHUA 17:10

shádi'áahjigo Íífreiyim dine'é bikéyah si'ánígíí, índa náhookǫsjigo Manáseh dine'é bikéyah si'ánígíí, éí tónteel bee hodeesdzo, índa náhookǫsjí Ásher dine'é bikéyahjį' áádóó ha'a'aahjigo Ísakar dine'é bikéyahjį' hodeesdzo.

JOSHUA 17:16

Jóseph dine'é ádadííniid, Díí dah daask'idígi yee' doo nihidahóóghah da, áádóó dzígaigi Kéínan dine'é t'áá ałtso kéédahat'ínígíí tsindaabąąs bijáád naakiígíí béésh bee ádaalyaii bee dahólǫ́; éí t'áá ałch'ishjí Beth-shíyan kin haal'áagi áádóó bikin dah naazhjaa'ígíí índa Jézriyel kin haal'á yíldzisgi kéédahat'į́įgo ádaat'į́.

JUDGES 1:27

Manáseh dine'é ałdó' díí kin hadaas'áágóó índa binaagóó kin dah naazhjaa'ígi kéédahat'ínígíí t'áadoo ch'ídahizneeskaad da; éí kódahoolyéego kin hadaas'á: Beth-shíyan, Téíyanak, Dóor, Íbliyam índa Megído dahoolyé, nidi Kéínan dine'é éí t'áá ákǫ́ǫ́ kéédahat'į́.

JUDGES 5:19

Aláahgo naat'áanii nidahaaskaigo anaa' ádahoolaa; Kéínan kéyahdóó aláahgo nidant'áii éí Téíyanak kin haal'áadi Megído tooh ílíní bibąąhgi anaa' ádahoolaa; béésh łigaii t'áadoo ła' ghadayiisnil da.

I SAMUEL 28:7

Áko Saul éí bá nidaal'a'í áyidííniid, Asdzání éí ch'į́įdii yábiiłti'ii ła' shá hadanohtá; éí bich'į' deesháałgo néideeshkąął. Áko bá nidaal'a'í ádabidííniid, Níláahdi Éndor kin shijaa'gi asdzání éí ch'į́įdii yábiiłti'ii ła' naaghá.

I SAMUEL 31:10

Áko Áshtarath diyin bidi'níinii bikin yiyi' nidahałáhá góne' habéésh éé' nideiznil áádóó hats'íís éí Béthshan kin haal'áagi binaa ahéé'ítł'inígíí biyi'dę́ę'go bąąhjį' dah deistį́.

I SAMUEL 31:12

t'áá éí bitł'éé' diné doo nídanilyéesii t'áá ałtso dah diikaigo, Saul bits'íís índa biye'ké dabits'íís ałdó' Béthshangi binaa ahéé'ítł'inígíí bąąhdóó nidei'diinil, áko índa Jéíbesh kin haal'áagi yíkaigo áadi deidííłid.