JOSHUA 17:1 - Navajo Bible

¹ Áko yáá'iilt'e' bik'ehgo Manáseh dine'é éí kéyah ła' bá haadzo, háálá éí Jóseph alą́ąjį' bá yizhchį́, Méíkir éí Manáseh alą́ąjį' bá yizhchį́; éí Gíliyad dine'é bizhé'é jílį́; jó, diné naabaahii jílį́įgo bąą Gíliyad áádóó Béíshan kéyahígíí há haadzo.

JOSHUA 17:1 ပူးပေါင်းရင်းမြစ်များ

GENESIS 41:51

Áko Jóseph alą́ąjį' há yizhchínígíí, Manáseh wolyée doo, jidííniid, háálá ájíní, Diyin God éí shich'į' nahwiisnáa'ii t'áá ałtso índa shizhé'é ba'áłchíní t'áá ałtso beisénahgo áshiilaa.

GENESIS 41:52

Áko akéédę́'ígíí, Éí Íífreiyim wolyée doo, jidííniid, jó, Diyin God éí kéyahgi bik'ee ti'hwiisénii'ii biyi' noot'į́įłii yee shik'ijidlíigo áshiilaa.

GENESIS 46:20

Áádóó Jóseph éí Ííjip kéyahdi Manáseh áádóó Íífreiyim éí An hoolyéédóó náá'iiłniihii Potífera bitsi' Ásenath wolyéii há yishchį́.

GENESIS 48:17

Áko Jóseph hazhé'é éí Íífreiyim bitsii't'áagi dah deesnii'go dziiłtsą́ągo doo hoł aaníígóó Íífreiyim bitsii't'áádóó Manáseh bitsii't'áajį' hazhé'é dah bizhdidoołnih biniyé dah bizdees'nii'.

GENESIS 48:18

Jóseph hazhé'é ábizhdííniid, Doo ákót'ée da, shizhé'é, dííyee' alą́ąjį' yizhchį́; éidígo nish'náájí bee bitsii't'áagi dah dílnííh.

GENESIS 50:23

Áko Jóseph éí Íífreiyim ba'áłchíní áádóó naakidi nánálígíí jiiłtsą́; Manáseh biye' Méíkir wolyéii ba'áłchíní éí Jóseph náhodiyiiłjéé'.

II SAMUEL 2:9

Áadi Gíliyad kéyah áádóó Ásher dine'é índa Jézriyel kin haal'áii áádóó Íífreiyim dine'é índa Bénjamin dine'é áádóó Ízrel dine'é t'áá ałtso aláahgo yinanit'a'í nilį́įgo áyiilaa.

I CHRONICLES 2:23

Gíísher dine'é áádóó Áram dine'é éí Jéíyer bikin hadaas'áii áádóó Kíínath hoolyéegi kin haal'áii índa binaagóó kin dah naazhjaa'ígíí t'áá bił, hastą́diingo kin hadaas'áii haghaideet'ą́. Méíkir éí Gíliyad bizhé'é jílį́įgo hats'ą́ą́dóó díí t'áá ałtso náás ahoolchíiłii danilį́.

EZEKIEL 47:13

Bóhólníihii Diyin God kóní, Ízrel naakits'áadah dine'é bitahgóó kéyah daabíí' dooleeł biniyé bá nidahodíízohígíí díí éí át'é: Jóseph dine'é éí naakigo bá náhodíízoh.

EZEKIEL 48:4

Náftalai dine'é bikéyahdóó shádi'áahjigo bíighahgóó ha'a'aahjí áádóó e'e'aahjí hoodzo doo, éí Manáseh dine'é bíí' doo.

NUMBERS 26:29

díí Manáseh biye'ké bada'áłchíní náás ahoolchíiłii ádaat'į́: Manáseh biye' Méíkir ba'áłchíní Méíkir dine'é danilį́. Áko Méíkir éí Gíliyad yizhé'é nilį́. Gíliyad ba'áłchíní Gíliyad dine'é danilį́.

NUMBERS 27:1

Nít'éé' Jóseph biye' Manáseh ba'áłchíní náás ahoolchíiłii Méíkir éí Manáseh biye', Gíliyad éí Méíkir biye', Híífer éí Gíliyad biye', Ziilófehad éí Híífer biye', éí Ziilófehad bitsi'ké yíkai; éí bitsi'ké kódaolyé: Mála, Nóah, Hágla, Mílka índa Térza.

NUMBERS 32:33

Áko Mózes haa hodiní'ánígíí éí Géed dine'é áádóó Rúben dine'é índa Jóseph biye' Manáseh dine'é ałníí'dóóígíí éí Ámor dine'é aláahgo binanit'a'í Sáíhan bee bóhólnííh yę́ę índa Béíshan hahoodzodóó aláahgo naat'áanii Ag bee bóhólnííh yę́ę kéyahgi kin hadaas'áhígíí índa binaagóó kédaayah haidiní'ą́.

DEUTERONOMY 21:17

Nidi hwe'asdzą́ą́ jijoołáhígíí biyáázh alą́ąjį' há yizhchíinii baa ákoznízingo hwee hólóonii t'áá át'é naakidi ahą́ą́h nániiláago baazhdidoo'ááł, háálá bitsxe'ii bineest'ą' bee deezt'i'ii nilį́; alą́ąjį' bi'dizhchíinii nilį́įgo bíi'ii bíí' dooleełgo bee bá haz'ą́.

JOSHUA 17:2

Áádóó yáá'iilt'e' bik'ehgo Manáseh dine'é łahjį'ígíí ahii' háá'ahiyoolchíiłii bik'ehgo kéyah bá haadzo; éí Éíbiyíízer dine'é, Híílek dine'é, Ásriyel dine'é, Shííkem dine'é, Híífer dine'é índa Shiimáída dine'é; díí éí Jóseph biye' Manáseh wolyéii ba'áłchíní ahii' háá'ahiyoolchíiłii ádaat'į́.

JOSHUA 22:7

Áko Mózes éí Manáseh dine'é ałníí'dóóígíí Béíshan kéyah biyi' bíí' dooígíí yeidiní'ą́, nidi Manáseh dine'é łahjį' ałníí'dóóígíí éí dabik'is bikédaayah bitahgi Jórdan tooh e'e'aahjígo bíí' dooígíí Jáshowa beidiní'ą́. Áádóó dahaghangóó Jáshowa hwéé'iisnii'go hak'ijisdli',

JUDGES 5:14

Íífreiyim dine'é bitahdóó ehétł'óól danilíinii Ámalek yik'ijį' danilį́; Bénjamin dine'é, danihik'éí bił danihikéé' ádaat'į́; Méíker bits'ą́ą́dóó naat'áanii yichíiłii áádóó Zébyulan dine'é bitahdóó naaltsoos ádeiił'íní ałdó' neheeskai.