JOSHUA 16:3 - Navajo Bible

³ áádóó e'e'aah bich'į'go Jaflíítai dine'é bikéyahjį' índa Beth-hóran kin shijaa' wóyahdiígíí bíighahjį' áádóó Gíízer kin haal'áágóó índa tónteel siyíníjį' hodeesdzo.

JOSHUA 16:3 ပူးပေါင်းရင်းမြစ်များ

I CHRONICLES 20:4

Kódzaago Gíízer kin haal'áagi Filístiya dine'é bił ałk'i jiijéé'; íídą́ą́' Húshath dine'é nilíinii Síbiikai wolyéii éí yé'iitsoh ba'áłchíní ahoolchíiłii ła' Sípai wolyéii yiyiisxį́, áádóó Filístiya dine'é bik'eh dahodeesdlį́į́'.

I CHRONICLES 7:24

(Hatsi' éí Shíírah wolyéii Beth-hóran hoolyéego wódahdi áádóó wóyahdi kin haal'áhígíí índa Ázzen-shíírah kin haal'áhígíí áyiilaa.)

I CHRONICLES 7:28

Bikédaayah áádóó kéédahat'ínígi éí Béthel hoolyéego kin haal'á áádóó binaagóó kin naazhjaa' nít'éé', áádóó ha'a'aahjigo Néíyaran hoolyéego kin shijaa' áádóó e'e'aahjigo Gíízer hoolyéego kin haal'á áádóó binaagóó kin naazhjaa' nít'éé', áádóó Shííkem hoolyéego kin haal'á áádóó binaagóó kin naazhjaa' nít'éé' índa Géíza hoolyéego kin haal'á áádóó binaagóó kin naazhjaa' nít'éé'.

II CHRONICLES 8:5

Áádóó Beth-hóran wódahdi kin shijaa'ígíí índa Beth-hóran wóyahdi kin shijaa'ígíí ditą́ągo binaagóó ahéé'ítł'ingo áádóó bidáń'daditį́įhgo éí bich'ą́ą́h dah nída'atį́įhgo áyiilaa.

NUMBERS 34:6

Índa e'e'aahjí hoodzooígíí éí ayóó át'é tónteel siyínígíí bibąąhgóó hoodzo doo. Díí éí e'e'aahjígo hoodzooígíí át'ée doo.

JOSHUA 10:33

Áko Gíízer kin haal'áádóó aláahgo naat'áanii Hóram wolyéii éí Léíkish dine'é yíká adoolwołgo yiniyé níyá, áko Jáshowa éí Hóram áádóó bidine'é t'áá bił nideistseed; t'ááłá'í nidi t'áadoo ła' áádeisįįd da.

JOSHUA 18:13

áádóó shádi'áahjigo Luz kin haal'áii bich'į'go t'áá éí Luz kin haal'áhígíí bíighahgóó hodeesdzo; éí kin haal'áhígíí Béthel ałdó' hoolyé, áádóó Átarath-éídar kin haal'áá góyaa éí Beth-hóran kin shijaa' wóyahdiígíí shádi'ááhjígo dziłígíí bíighahgóó hodeesdzo.

I SAMUEL 13:18

náánáła' éí Beth-hóran yich'į' go ííná, áádóó náánáła' Ziibówim hóteel nahaz'ą́ą́góó honoojí yich'į'go ííná.