JOSHUA 16:10 - Navajo Bible

¹⁰ Nidi Íífreiyim dine'é éí Kéínan dine'é Gíízer kin haal'áagi kéédahat'ínígíí t'áadoo baa ch'ídahaazhjée' da, áko díí jį́įjį' Kéínan dine'é éí Íífreiyim dine'é yitahgi kéédahat'į́įgo yinaalte' daazlį́į'go t'áá hazááká bá nidajilnish nít'éé'.

JOSHUA 16:10 ပူးပေါင်းရင်းမြစ်များ

I KINGS 9:15

Aláahgo naat'áanii Sálaman éí Bóhólníihii bikin bii' sohodizin áádóó t'áá bí bighan áádóó Míllo hoolyéii áádóó Jerúsalem ditą́ągo binaa ahéé'ítł'inígíí áádóó Héízar áádóó Megído índa Gíízer kin hadaas'áii ádadoolnííł biniyé naanish bí'nílchéehii yihodeez'ą́.

I KINGS 9:16

Háálá bítséédą́ą́' Ííjip dine'é aláahgo binanit'a'í Féro éí Gíízer kin haal'áii yisnáago yidííłid áádóó Kéínan dine'é ákwii kéédahat'ínígíí neistseedgo kin haal'áhígíí a'ílyé biniyé bitsi' Sálaman be'asdzą́ą́ yeidiní'ą́.

I KINGS 9:21

éí bada'áłchíní díí kéyah biyi' daadzí'ígíí ałtso Ízrel dine'é nidabidoołtsiłgi t'áadoo yídanéés'ąąd daígíí Sálaman hanaalte' danilį́į dooleełgo ádá nízhdiinil, áádóó díí jį́į́góó ákót'é.

II CHRONICLES 8:8

éí bada'áłchíní díí kéyahgi daadzí'ígíí, t'áá éí Ízrel dine'é t'áadoo ałtso nidabistseedígíí, éí Sálaman binaalte' danilį́į dooleełgo néidiinil, áko díí jį́į́góó ákót'é.

JOSHUA 10:33

Áko Gíízer kin haal'áádóó aláahgo naat'áanii Hóram wolyéii éí Léíkish dine'é yíká adoolwołgo yiniyé níyá, áko Jáshowa éí Hóram áádóó bidine'é t'áá bił nideistseed; t'ááłá'í nidi t'áadoo ła' áádeisįįd da.

JOSHUA 15:63

Nidi Júdah dine'é éí Jííbas dine'é Jerúsalem kin haal'áagi kéédahat'ínígíí baa ch'ídahidoojahígíí doo yídaneel'ą́ą da; éí bąą díí jį́įjį' Jííbas dine'é éí Júdah dine'é yił Jerúsalem kin haal'áagi kéédahat'į́.

JOSHUA 16:9

áádóó kin hadaas'áii éí Íífreiyim dine'é bee bího'doosníi'go Manáseh dine'é bitahgóó íí' dooleełgo kin hadaas'áhígíí kin dah naazhjaa'ígíí t'áá bił bee bího'doosníí'.

JOSHUA 17:12

Ákondi Manáseh dine'é éí kin hadaas'áagi kéédahat'ínígíí haa ch'ídahidoojahígíí doo bídazhneel'ą́ą da, nidi éí kéyah biyi' Kéínan dine'é t'áá kéédahat'į́į́ nít'éé'.

JOSHUA 17:13

Azhą́ ákót'ée nidi Ízrel dine'é dabidziil daazlį́į'go Kéínan dine'é t'áá bizááká nidaalnishgo ádayiilaa, áádóó t'áadoo ts'ídá t'áá át'é baa ch'ídahaazhjée' da.

JUDGES 1:29

Íífreiyim dine'é ałdó' Kéínan dine'é Gíízer kin haal'áagi kéédahat'ínígíí t'áadoo ch'ídeineeskaad da, nidi Kéínan dine'é éí t'áá Gíízergi hatahgóó kéédahat'į́.