JOSHUA 15:7 - Navajo Bible

⁷ áádóó Éíkor yíldzisdóó Dííber kin haal'áá góde hodeesdzo; kodóó náhookǫsjígo Gílgal haz'ánígóó hodeesdzo, éí Adámim báhátis shádi'ááhjí yíldzis binaashiijí hodeesdzo, áádóó Enshíímesh tó háálínígóó hodeesdzo índa Enrógel tó háálíníjį' nihoodzo,

JOSHUA 15:7 ပူးပေါင်းရင်းမြစ်များ

II SAMUEL 17:17

Jánathan áádóó Ahímeiyaz éí Enrógel haz'ánígi dzizké; doo hodi'dooltséłígíí biniyé doo t'áá k'ad kin haal'áajį' jideezh'áazh da, áko ch'ikę́ę́h naal'a'í ła' haa níyáago hoł hoolne', áádóó dashdii'áazhgo yee hoł hoolne'ígíí aláahgo naat'áanii bee bił hojoolne'.

I KINGS 1:9

Áádóó Adonáíjah éí Enrógel haz'ání bíighahgóó Zóhiileth tsé si'ání bíighahgi dibé áádóó béégashii índa béégashii yáázh daneesk'ahii neistseed. Dabik'isóó t'áá ałtso aláahgo naat'áanii biye'ké danilíinii índa Júdah dine'é éí aláahgo naat'áanii yá nidaal'a'í danilíinii t'áá ałtso nidahidookah, yidííniid.

ISAIAH 65:10

Shidine'é shíká ádáát'įįdígíí bá Shéran honíteelgi dibé bighango haz'ą́ą doo, índa Éíkor honíts'aa' góyaa éí dibé nídanjah doo.

HOSEA 2:5

Jó, bimá ałjiłgo nibiishchínígíí ałdó' t'óó baa yáhásinígi áhóót'įįd; jó kóní, Bił ałch'į' dah daashwo'ii bikéé' tádíshyeed dooleeł; éí bááh índa tó shaa dayiikaah; aghaa' shí dooígíí áádóó naak'ą' shi'éé' ádeeshłíłígíí índa áliv ak'ah shí dooígíí áádóó yishdlánígíí ałdó' yee shaa dajooba'.

JOSHUA 10:43

Ákohgo Jáshowa éí Ízrel dine'é t'áá ałtso Gílgalgi dah oonéłíjį' bił níjíkai.

JOSHUA 15:15

Áádóó dashdiiyáago Dííber kin haal'áagi kéédahat'íinii bich'į' anaa' hodzisłį́į́'; kin haal'áii Dííber hoosye'ígíí bítséedidą́ą́' Kírjath-síífer hoolyéé nít'éé'.

JOSHUA 15:6

Áádóó éí Beth-hágla haz'ánígóó hodeesdzo áádóó Beth-áraba kin shijaa' náhookǫsjí hodeesdzo índa Rúben biye' Bóhan bitsé si'ání góde hodeesdzo,

JOSHUA 18:17

Áko náhookǫsjigo Enshíímesh tó háálį́į́góó nááhodeesdzo, éí áádóó Geláílath haz'ánígóó Adámim báhátis áádóó Rúben biye' Bóhan bitsé si'ání góyaa hodeesdzo,

JOSHUA 4:19

Átsé nídízídígíí binih, neeznáá jį́į́ góne' Jórdan tooh ha'naa ninínáago Jériko bihoodzo ha'a'aahjígo Gílgal hoolyéegi niníná.

JOSHUA 7:24

Áko Jáshowa áádóó Ízrel dine'é t'áá ałtso bił Zíírah binálí Éíkan éí béésh łigaii áádóó éénééz, óolada, haye'kéda, hatsi'kéda, habéégashii áádóó hatélii índa hadibéda, áádóó haníbaal, índa hanaalye'é t'áá ałtso nídeidiinilgo yíldzis Éíkor hoolyéhígi áłah ádayiilaa.

JOSHUA 7:26

Áko éí tsé ayóó át'éego hak'i yáádayiitsigo díí jį́į́góó ákót'é. Índa Bóhólníihii t'óó báhádzidgo báháchį'í łahgo ánáyiidlaa. Éí bąą díí jį́įjį' éí haz'ą́ągi yíldzisii Éíkor hoosye'.