JOSHUA 15:4 - Navajo Bible

⁴ áádóó Ázmangóó nááhoodzooígíí éí Ííjip tooh níłts'ą'ígíí bíighahgóó áádóó tónteel siyíníjį' nihoodzo. Díí éí shádi'ááhjí nihihoodzo dooleeł.

JOSHUA 15:4 ပူးပေါင်းရင်းမြစ်များ

GENESIS 15:18

T'áá éí bijį́į́dą́ą́' Bóhólníihii kóníigo Éíbram yił aha'deet'ą́, Na'áłchíní náás da'ahílchíihii díí kéyah Ííjip tooh nílínídóó ayóó át'é Yufréítiiz tooh nílíníjį' baa diní'ą́:

I KINGS 8:65

Íídą́ą́' Sálaman áádóó Ízrel dine'é t'áá ałtso éí Héímath yah ahóót'i'dóó Ííjip tooh nílíníjį' diné kéédahat'ínígíí t'óó ahayóí yił áłah silį́į'go Bóhólníihii yidááhdóó tsosts'id yiską́ąjį' áádóó tsosts'id nánéíską́ąjį', t'áá éí dį́į́'ts'áadah yiską́ąjį' hodílzingo áłah nádleeh.

EXODUS 23:31

Tónteel Łichíi'ii siyínídóó Filístiya dine'é bitónteel siyíníjį', índa honoojíídóó tooh nílíníjį' nihá hodeeso; jó, kéyah yii' kéédahat'íinii nihílák'ee dideesh'áałgo ch'ídadínóołkał.

ISAIAH 27:12

Éí yoołkáałdi baa hodoolzhish, tooh nílínídóó Ííjip kéyahdi tooh nílíníjį' Bóhólníihii éí tł'oh naadą́ą́' yąąh yoołch'íih doo, áádóó Ízrel dine'é danohłíinii, t'ááłá'í nootínígo áłah ánihidi'doolnííł.

NUMBERS 34:5

áádóó Ázman binaagóó ahééhoodzogo Ííjip kéyahgi tooh nílíníjį' áádóó tónteel siyíníjį' hoodzo doo.

JOSHUA 13:3

éí Ííjip kéyah ha'a'aahjígo Sháíhar haz'ánídóó, náhookǫs bich'į'go Ékran kéyah hoodzojį'; éí Kéínan dine'é bígo baa nitsáhákees, áádóó Filístiya dine'é aláahgo binanit'a'í ashdlalt'éego bikédaayah, éí Géíza dine'é, Áshdad dine'é, Áshkelan dine'é, Gath dine'é índa Ékran dine'é aláahgo binanit'a'í danilíinii bikédaayah, áádóó Éívim dine'é bikéyah náhásdzooígíí ałdó'

JOSHUA 15:3

éí shádi'áahjigo hahoodzogo Akrábim báhátis, Zin honoojíígóó hodeesdzo áádóó Kéídesh-barníyají shádi'ááh góde índa Hézran kin shijaa' bíighahgóó, Ádar haz'áníjį' índa Kárka haz'áníjį' hodeesdzo,

JOSHUA 15:47

Áshdad kin haal'áii, bikin dah naazhjaa'ígíí t'áá bił; Géíza kin haal'áii, bikin dah naazhjaa'ígíí t'áá bił; Ííjip tó nílíníjį' índa ayóó át'é tónteel siyínígíí bibąąhgóó kin naazhjaa'ígíí t'áá bił Júdah dine'é bíí' daazlį́į́'.