JOSHUA 13:7 - Navajo Bible

⁷ Éí bąą k'ad díí kéyah bíí' dadooleeł biniyé náhást'éiigo dadine'é índa Manáseh dine'é ałníí'dóóígíí bá ał ts'ádadíízo.

JOSHUA 13:7 ပူးပေါင်းရင်းမြစ်များ

PSALMS 105:44

Ał'ąą dine'é bikéyah haidiní'ą́ áádóó yindaashnishii hwíí' daazlį́į́'.

PSALMS 78:55

Yilą́ąjį' ał'ąą dine'é hainiiskaad, éí bikéyah daahóó' dooleeł biniyé hataizo áádóó dabiníbaal naaznilígóó Ízrel ał'ąą ádóone'é dabighango áyiilaa.

EZEKIEL 45:1

Yáá'iilt'e' bik'ehgo kéyah íí' dooleełii ałts'ádaohsogo łahdóó diyingo Bóhólníihii bá ats'ádadidooh'ááł; éí nááseego tseebíídóó náá'áłníí' t'įįhí bi'ohgo tsin sitą́ą doo áádóó naaniigo éí táá'dóó náá'áłníí' t'įįhí bi'ohgo tsin sitą́ą doo; kwe'é t'áá náhwiist'ą́ą́ nít'éé' hodiyingo haz'ą́ą doo.

NUMBERS 33:54

Índa dine'é danohłíinii kéyah danihíí' dadooleełígíí yáá'iilt'e' bik'ehgo nihikéyah ałtaa doohdzoh; lą'í danołt'éhígíí bik'ehgo kéyah dahótsaago hadahidoohsoh áádóó ádanołch'į́dígíí bik'ehgo kéyah t'áá nihidahoníłtsóhígo hadahidoohsoh; yáá'iilt'e' bik'ehgo diné hakéyah hóó' nidahaleeh; dine'é danohłíinii bik'ehgo kéyah danihíí' nidahaleeh doo.

NUMBERS 34:13

Áádóó Mózes éí Ízrel dine'é yich'į' haadzíi'go ání, Yáá'iilt'e' bik'ehgo díí kéyah nihíí' dadooleeł; éí dine'é náhást'éiigo áádóó dine'é ałníí'dóó bee bi'dójíii baa didoot'ááł níigo Bóhólníihii haadzíí'.

JOSHUA 13:6

Dził Lébanan si'ánídóó kéyah aghá dahaz'áágóó kéédahat'íinii t'áá ałtso Mísrefath-méíyim kin shijaa'jį' éí t'áá át'é Sáídan dine'é t'ah daadziih. Ízrel dine'é danilíinii bilą́ąjį' éí t'áá ałtso ch'ídínéeshkał, ákondi Ízrel dine'é éí kéyah bíí' dadooleeł biniyé nich'į' bee haasdzí'ígi át'éego bá ałts'ádadíízo.

JOSHUA 13:8

Rúben dine'é áádóó Géed dine'é índa Manáseh dine'é ałníí'dóóígíí kéyah yił bíí' daazlį́į'go éí Mózes beidiní'ą́; Jórdan tooh wónaanídi ha'a'aahjigo Mózes éí Bóhólníihii yá naal'a'í nilį́įgo haidiní'áanii hóó' daazlį́į́'.

JOSHUA 14:2

Yáá'iilt'e' bik'ehgo íí' dooleełii bíí' daazlį́į́'; Bóhólníihii éí Mózes binahjį' yee haadzíi'ii bik'ehgo ádzaa; jó, Ízrel dine'é náhást'éídóó náá'áłníi'goígíí kéyah baa dahideest'ą́.