JOSHUA 13:4 - Navajo Bible

⁴ shádi'áahjigo Kéínan dine'é bikéyah t'áá át'é, áádóó Mii'éírah hoolyéhígíí éí Sáídan dine'é daabíhígíí, Éífekgóó Ámor dine'é bikéyah hoodzojį'

JOSHUA 13:4 ပူးပေါင်းရင်းမြစ်များ

I KINGS 20:26

Nít'éé' nááhaigo Ben-héídad éí Síriya dine'é ahíyiinilgo Éífek kin haal'á góde Ízrel dine'é yik'iidoojah biniyé haazná.

I KINGS 20:30

Nidi łahjį' éí Éífek kin haal'áágóó adaneezhchą́ą́'; ákwii naadiin tsosts'idi míilgo diné ch'éékaígíí éí kin haal'áii ditą́ągo binaa ahéé'ítł'inígíí bik'iiłdááz. Áko Ben-héídad éí kin haal'áajį' náwóne' góne' anííchą́ą́'.

EZEKIEL 16:3

áko ábidiní, Jerúsalemgi kéédahoht'ínígíí, Bóhólníihii Diyin God kónihiłní, Kéínan dine'é bikéyahgi nidanihi'diizhchį́įgo áádóó haodéél; nihizhé'é éí Ámor dine'é nilį́į́ nít'éé'; nihimá éí Het dine'é nilį́į́ nít'éé'.

AMOS 2:10

Shą́ą́', shí éí Ííjip kéyahdę́ę́' ch'ínihiní'eezhgo dízdiin nááhaijį' honoojíidi tánihidíí'eezh, áko Ámor dine'é bikéyah yá'áhoot'éehii nihíí' dooleeł biniyé biih nihíí'eezh ni'.

JOSHUA 10:40

Ákohgo Jáshowa éí kéyah t'áá át'éé nít'éé'; dah daask'idígóó áádóó shádi'ááhjí kéyahígíí áádóó dadzígaigóó áádóó dziłtsį́į́góó índa aláahgo bindanit'a'í t'áá ałtso bik'eh dazdeesdlį́į́'; t'ááłá'í nidi t'áadoo ła' áádadzisįįd da; dahináanii nidi ts'ídá t'áá át'é ałtso ádadzisdįįd. Ízrel dine'é biBóhólníihii Diyin God ádííniidii bik'eh dahojííł'įįd.

JOSHUA 11:3

áádóó Kéínan dine'é ha'a'aahjígo índa e'e'aahjígo kéédahat'ínígíí áádóó Ámor dine'é áádóó Het dine'é áádóó Píírez dine'é índa Jííbas dine'é dziłgo nahaz'ánígóó kéédahat'ínígíí áádóó Mízpeh nahós'a'gi Dził Hérman bitsį́įdi Háíva dine'é kéédahat'ínígíí díí t'áá ałtso bich'į' i'dziis'a'.

JOSHUA 12:18

Éífek dine'é aláahgo binanit'a'í t'ááłá'í, Lasháran dine'é aláahgo binanit'a'í t'ááłá'í,

JOSHUA 19:30

Ámah kin haal'áii ałdó', áádóó Éífek kin haal'áii índa Rííhob kin shijaa'; bikin dah naazhjaa'ígíí t'áá bił naadiin naakigo kin hadaas'áhígíí Ásher dine'é bíí' daazlį́į́'.

I SAMUEL 4:1

Áko Sámuel ádííniidígíí Ízrel dine'é t'áá ałtso dayíínii'. Íídą́ą́' Ízrel dine'é éí Filístiya dine'é yił da'ahidoogą́ą́ł biniyé Ében-íízer kin shijaa'gi niníná áádóó Filístiya dine'é éí Éífek kin haal'áagi niníná.