JOSHUA 13:3 - Navajo Bible

³ éí Ííjip kéyah ha'a'aahjígo Sháíhar haz'ánídóó, náhookǫs bich'į'go Ékran kéyah hoodzojį'; éí Kéínan dine'é bígo baa nitsáhákees, áádóó Filístiya dine'é aláahgo binanit'a'í ashdlalt'éego bikédaayah, éí Géíza dine'é, Áshdad dine'é, Áshkelan dine'é, Gath dine'é índa Ékran dine'é aláahgo binanit'a'í danilíinii bikédaayah, áádóó Éívim dine'é bikéyah náhásdzooígíí ałdó'

JOSHUA 13:3 ပူးပေါင်းရင်းမြစ်များ

GENESIS 10:6

Ham biye'ké éí Kush áádóó Mízreiyim áádóó Put índa Kéínan daolyé.

GENESIS 15:18

T'áá éí bijį́į́dą́ą́' Bóhólníihii kóníigo Éíbram yił aha'deet'ą́, Na'áłchíní náás da'ahílchíihii díí kéyah Ííjip tooh nílínídóó ayóó át'é Yufréítiiz tooh nílíníjį' baa diní'ą́:

I KINGS 8:65

Íídą́ą́' Sálaman áádóó Ízrel dine'é t'áá ałtso éí Héímath yah ahóót'i'dóó Ííjip tooh nílíníjį' diné kéédahat'ínígíí t'óó ahayóí yił áłah silį́į'go Bóhólníihii yidááhdóó tsosts'id yiską́ąjį' áádóó tsosts'id nánéíską́ąjį', t'áá éí dį́į́'ts'áadah yiską́ąjį' hodílzingo áłah nádleeh.

I CHRONICLES 13:5

Áádóó Kírjath-jíyarimdę́ę́' Diyin God bitsits'aa' dílzinii nídoot'áá ł biniyé Ííjip kéyah Sháíhar tooh nílínídóó t'áá Héímath kin haal'áajį' Ízrel dine'é kéédahat'ínígíí t'áá ałtso David hágo bidííniidgo áłah ábiilaa.

ISAIAH 23:3

Tónteel bibąąhjį' Sáíhar tó nílínígi tooh bee nanise' nídaneest'ánígíí bits'ą́ą́dóó a'iideeł, áádóó ákwe'é ał'ąą dine'é bá na'iini' bił haz'ą́.

JEREMIAH 2:18

Ákoshą' k'ad Náil tooh nílínídóó tó daohdlą́ą dooleełísh biniyé Ííjip kéyahgóó disoohkai? Áádóó Yofréítiiz tooh nílínídóó tóhígíí daohdlą́ą dooleełísh biniyé Asíriya kéyahgóó disoohkai?

DEUTERONOMY 2:23

Áádóó Éívim dine'é éí Hazíírim hoolyéegi kin dah naazhjaa'góó, t'áá Géíza kin haal'áajį' kéédahat'į́į́ nít'éé'. Éí Káftor hoolyéédę́ę́' Káftor dine'é danilíinii ádabisdįįdgo kéédahat'į́į́ nít'éé' yę́ęgóó dabighan ádahoolaa.)

JOSHUA 13:13

Nidi Ízrel dine'é éí Gíísher dine'é índa Méíyakah dine'é t'áadoo baa ch'ídahaazhjée' da, nidi dííshjį́įjį' Gíísher dine'é índa Méíyakah dine'é éí Ízrel dine'é yitahgóó kéédahat'į́.

JUDGES 16:5

Áko Filístiya dine'é bindanit'a'í baa yíkaigo ádabidííniid, Hach'į' baa nisi'níłdeełgo bee ayóó áhóodziilii índa haash yit'éego hak'eh dadidiidleeł, áko hoda'diitł'óołgo atídahodiilnííł. Áko t'ááłá'í niitínígo béésh łigaii ła'ts'áadahdi neeznádiingo naa dahidii'nił.

JUDGES 3:3

Díí lą́ą: Filístiya dine'é éí binanit'a'í ashdlalt'éego yił bikin hadaas'á áádóó Kéínan dine'é t'áá ałtso kéyahgi kéédahat'į́į́ nít'éé' áádóó Sáídan dine'é índa Háíva dine'é Dził Lébanangóó éí Dził Béíyal-hérman si'ánídóó Héímath kin haal'áii yah ahóót'i'jį' kéédahat'į́į́ nít'éé'.

I SAMUEL 5:1

Filístiya dine'é éí Diyin God bitsits'aa' dílzinii nídeidii'ą́ągo Ében-íízer kin shijaa'dóó Áshdad kin haal' áajį' deiz'ą́,

I SAMUEL 5:10

Ákohgo Diyin God bitsits'aa' dílzinii Ékran kin haal'áajį' ánáádajiidlaa. Nidi Ékranjį' yít'ą́ągo Ékran dine'é hahodííłdláadgo ádaaní, Ízrel dine'é biDiyin God bitsits'aa' dílzinii nihitah deiz'ą́ą́ lá, áko nihí áádóó nihił kéédahat'íinii t'áá bił ánihidoołdįįł.

I SAMUEL 5:8

Ákohgo Filístiya dine'é aląąjį' bídahólníihii yíká ada'iis'a'go áłah ádayiilaago ádeidííniid, Ízrel dine'é biDiyin God bitsits'aa' dílziniishą', haa dadiilnííł? Áko hadaasdzíi'go ádaaní, Bíni'dii Ízrel dine'é biDiyin God bitsits'aa' dílzinii Gath kin haal'áágóó nídoot'ááł. Ákohgo Ízrel dine'é biDiyin God bitsits'aa' dílzinii ákǫ́ǫ́ anídeiz'ą́.

I SAMUEL 6:4

Áko ádaaní, Ha'át'íí doo ákǫ́ǫ́ ájíít'įįdjí nááhániihii shį́įshą' Bóhólníihii bich'į' náádahidiilnih? Áko ádadííniid, Óola bee ch'ozh ashdla'go áádóó na'ats'ǫǫsí ashdla'go bééda'alyaii, t'áá Filístiya dine'é binanit'a'í ánéelt'e'ígíí bik'ehgo bich'į' náádahidiilnih, háálá t'ááłá'í bee atí'él'ínígíí nihí t'áá ánółtso nihinanit'a'í bił nihitah níłnii'.