JOSHUA 13:22 - Navajo Bible

²² Bíyor biye' Béílam ałdó' éí náásgóó áhodoonííł yaa halne'ii áhodil'íinii ałdó' t'áá yił diltłish bee ayóó át'éego Ízrel dine'é ádahasdįįd.

JOSHUA 13:22 ပူးပေါင်းရင်းမြစ်များ

NUMBERS 23:23

Álíleego bee ééhózingo bee nahadláii doo bee Jéíkab dine'é bik'ijį' ídlį́į da; binahjį' ił ééhodoozįįłgo nahagháii doo bee Ízrel dine'é bik'ijį' ídlį́į da; díí hoolzhishdóó Jéíkab dine'é áádóó Ízrel dine'é baa yáti'go áhodidoo'niił, Ha'át'íí lá yówéé'át'éego Diyin God naashnish lá!

NUMBERS 24:1

Áko Béílam éí Bóhólníihii bił hózhǫ́ǫgo Ízrel dine'é yik'iizhdoodliiłígíí yaa ákoniizį́į́'; átséédą́ą́' biniyé ałnáájídáhígíí álíleego bee ééhózingo bee nahadláii t'áadoo bíkajiyáa da, nidi t'óó honoojíijigo jidéé'į́į́'.

NUMBERS 24:14

Jó, k'ad shidine'é bich'į' déyá; hágo, díí bee nił ch'íhonish'aah: beiníłką́ądi díí dine'é éí nidine'é kódeidoolííł.

NUMBERS 31:8

Mídiyan dine'é aláahgo binanit'a'í danilíinii nideistseed; diné nidabi'diztseedígíí bitahdóó aláahgo naat'áanii nideistseed; éí Íívai, Rííkem, Zer, Her índa Rííba daolyé; Bíyor biye' Béílam ałdó' diltłish yee dayiisxį́.

JOSHUA 13:23

Áádóó Rúben dine'é bikéyah éí Jórdan tooh bihoodzo nít'éé'. Díí kéyah Rúben dine'é ahii' háá'ahiyoolchííłgóó ákwii kin hadaas'áii áádóó kin dah naazhjaa'ígíí t'áá bił bíí' át'é.

II PETER 2:15

Ts'ídá t'áá ákogi át'éego honít'i'ii yóó'adeideez'ą́ągo yóó'aheeskai. Bíyor biye', Béílam, áát'įįdígíí yikék'eh dookai. Jó, éí doo ákwii ó'oo'nííł bee a'ídeeł bił ayóó áhoot'éé nít'éé',

JUDE 1:11

Éí bá doo hojooba' ájíníi da! Kéin áát'įįd yę́ęgi át'éego diné k'ad ákódaat'į́, áádóó Béílam diné achxáazhii nilį́įgo áát'įįd yę́ęgi át'éego díí diné t'áá bizááká a'ídeeł yíká naanánoodah, índa Kórah éí bee ídahólníihii yich'į' nídiidzáago biniinaa ábi'disdįįd yę́ęgi át'éego díí diné ałdó' bee ídahólníihii yich'į' nídahidiikaígíí biniinaa ádabidi'dooldįįł.

REVELATION 19:20

Áko naaldlooshii naayéé' nilíinii bił ni'deedéél áádóó t'óó áhodil'į́įgo halne'ii, éí naaldlooshii naayéé' nilíinii binááł álílee k'ehgo bee éédahózinii áyiilaago bee naaldlooshii naayéé' nilíinii bibee í'diidlííd bee bída'diidlidígíí áádóó t'áá éí be'elyaii yich'į' nidahałáá nít'éé' yę́ę álílee k'ehgo bee éédahózinii yee yi'deezlo'ii ałdó' bił ni'deedéél. Éí t'áá áłah t'áá hináago kǫ' be'ek'id tsékǫ' bił dook'ą́ąłii biyi' góne' aheestł'ííd.

REVELATION 2:14

Nidi t'áá díkwííhígo haz'ą́ t'éí bee nihik'íhásh'ááh, jó, éí Béílam bina'nitin Ízrel dine'é dabidínóołtł'ahígíí, éí e'elyaii bich'į' náádahaaznii'ii deiyą́ą doogo, índa na'ageh yee tsi'nidaakai doogo Béílak yee neineeztą́ą'ii nihitahgi ła' dayótą'.