JOSHUA 13:2 - Navajo Bible

² Díí kéyah t'ah daadziih: éí Filístiya dine'é bikéyah t'áá át'é áádóó Gíísher dine'é bikéyah t'áá át'é

JOSHUA 13:2 ပူးပေါင်းရင်းမြစ်များ

GENESIS 10:14

áádóó Pathrúsim áádóó Kaslúhim (Kaslúhim hats'ą́ą́dóó Filístiya dine'é ch'íbítiin) índa Kaftórim ałdó'.

GENESIS 26:1

Éíbraham hináádą́ą́' átsé hodííchįįdii éí náábík'ijį' kéyahgi nááhodííchįįd. Áko Filístiya dine'é binanit'a'í Abímelek bich'į' Gíírar hoolyéejį' Áízak dashdiiyá.

II SAMUEL 15:8

Jó, ná naal'a'í nishłíinii ádee haasdzíí'; éí Gíísher kin haal'áadi Síriya kéyahgi naashá yę́ędą́ą́' ádíshní, Bóhólníihii t'áá aaníí Jerúsalem kin haal'áajį' shił nát'áazhgo índa Bóhólníihii bá naash'a' doo.

II SAMUEL 3:3

Naaki góne' bá yizhchínígíí éí Kíliyab wolyé; éí Kármeldóó dine'é Néíbal be'asdzą́ą́ nít'é'ígíí Ábigeil wolyéii biyáázh jílį́ áádóó táá' góne' bá yizhchínígíí éí Ábsalam wolyé; Gíísher kéyahgi aláahgo naat'áanii Tálmai bitsi' Méíyakah wolyéii biyáázh jílį́.

JOEL 3:4

Táir áádóó Sáídan índa Filístiya kéyahgi kéédahoht'íinii ha'át'íísh nihee ádeeshłííł? T'áadoo le'ésh biniyé k'ééhodideeshdlííł? danohsin. Ákódaahnéehgo shí t'áá nihí nihitsii'káa'jį' t'áadoo hodina'í índa tsxį́įłgo k'éénihidideeshdlííł.

ZEPHANIAH 2:5

Tónteel bibąąhgóó kéédahoht'íinii, Kéreth dine'é nohłíinii, doo hojooba' ájíníi da! Háálá Bóhólníihii bizaad yee nihik'ijį' nilį́. Filístiya dine'é bikéyah nílíinii, Kéínan ándeeshdįįłgo doo ła' ákwii kéédahat'íní da doo.

DEUTERONOMY 3:14

Manáseh biye' Jéíyer wolyéii Árgab kéyah t'áá át'é t'áá Gíísher dine'é índa Méíyakah dine'é bihoodzojį' nidi náhodii'ą́, áádóó bik'ijį' t'áá bí bízhi' yee dayíízhi'. Díí jį́į́góó Héívath-jéíyer yee dayózhí.

JOSHUA 12:5

áádóó Dził Hérman si'ánígíí áádóó Sálkah kin haal'áii áádóó Béíshan hoolyéii t'áá át'é, Gíísher dine'é áádóó Méíyakah dine'é bihoodzojį' índa Gíliyad kéyah ałníí'dóó Héshban kin haal'áádóó aláahgo naat'áanii Sáíhan bihoodzojį' yinant'áá nít'éé'.

JOSHUA 13:11

áádóó Gíliyad kéyah áádóó Gíísher dine'é áádóó Méíyakah dine'é bikéyah áádóó Dził Hérman t'áá át'é, áádóó Béíshan kéyahgóó t'áá át'é Sálkah kin haal'áajį' hóó' daazlį́į́'.

JOSHUA 13:13

Nidi Ízrel dine'é éí Gíísher dine'é índa Méíyakah dine'é t'áadoo baa ch'ídahaazhjée' da, nidi dííshjį́įjį' Gíísher dine'é índa Méíyakah dine'é éí Ízrel dine'é yitahgóó kéédahat'į́.

JUDGES 3:1

Bóhólníihii díí ał'ąą ana'í yidziihgo áyiilaa; éí bee Ízrel dine'é hwééhózíní áhodoolíiłgo nahwíintaah; Kéínan kéyahgi Ízrel dine'é ła' anaa' baa nida'asdee'ígíí doo bił béédahózin da.

I SAMUEL 27:8

Áko David áádóó diné bił naakaígíí yił Gíísher dine'é áádóó Gíízer dine'é índa Ámalek dine'é danilíinii yaatįįh yikai; jó, éí ał'ąą dine'é t'áá ałk'idą́ą́' ákǫ́ǫ́ kéédahat'į́; éí Shur honoojíígóó t'áá níléí Ííjip kéyah bóhoneel'ą́ągo kéédahat'į́.