JOSHUA 13:16 - Navajo Bible

¹⁶ Áádóó éí bikéyah Árnan tooh bibąąhgóó Aró'er kin haal'áádóó áádóó yíldzis ałníi'gi kin haal'áádóó índa Médiiba dzígaigóó t'áá át'é,

JOSHUA 13:16 ပူးပေါင်းရင်းမြစ်များ

II SAMUEL 24:5

Áádóó Jórdan tooh ha'naa nijíkaigo Géed honíts'aa'gi Aró'er kin haal'áhígíí shádi'ááhjígo Jéízer kin haal'áii bich'į' honít'i'ígi nizhníná.

I CHRONICLES 19:7

Áko tádiindóó ba'aan naakidi mííl tsindaabąąs bijáád naakiígíí áádóó Méíyakahdóó aláahgo naat'áanii índa siláo adeená áká iijeehígíí neheeskaigo Médiiba kin haal'áhígíí bíighahgi nidahaazná. Áman dine'é ałdó' dabikin hadaas'áádę́ę́' anaa' yiniyé áłah daazlį́į́'.

ISAIAH 15:4

Áko Héshban áádóó Iiliyéíleh dine'é hadaazhcha; Jéíhaz hoolyéégóó nidi, adahosiilts'įįhgo daachxa; éí bąą Mó'ab bisiláo dahayóii ałdó' hadaazhchxa, áádóó bii' sizíinii ádił nídahodilchił.

NUMBERS 21:26

Jó, Héshban kin haal'áii éí Ámor dine'é aláahgo binanit'a'í Sáíhan wolyéii bikin haal'áá nít' éé'; bí átséédą́ą́' Mó'ab dine'é aláahgo binanit'a'í yił ahóbáahgo hakéyah t'áá át'é Árnan tooh nílíníjį' ałtso haghaiideet'ą́.

DEUTERONOMY 3:12

Áko díí kéyah nihíí' ádeilyaa yę́ędą́ą́' Aró'er kin haal'áádóó Árnan tooh bibąąhgi haz'ánídóó Dził Gíliyad ná'áłníi'jį' kin hadaas'áhígíí t'áá bił Rúben dine'é áádóó Géed dine'é baa diní'ą́.

JOSHUA 12:2

Ámor dine'é aláahgo binanit'a'í Sáíhan éí Héshban kin haal'áagi kééhat'į́į́ nít'éé' áádóó Árnan yíldzisígíí bíighahgi Aró'er kin haal'áhídóó yinant'áá nít'éé', áádóó éí yíldzisígíí ałníí'dóó índa Gíliyad kéyah ałníí'dóó Áman dine'é bihoodzooígíí Jábak tooh nílíníjį' yee bóhólnííh nít' éé',

JOSHUA 13:15

Áko Rúben dine'é da'ahílchíihii ahii' háá'ahiyoolchíłígíí bik'ehgo kéyah íí' dooígíí Mózes beidiní'ą́.

JOSHUA 13:17

Héshban kin haal'áii áádóó dzígaigi kin hadaas'áhígíí t'áá bił, éí Dáíban áádóó Béímath-béíyal áádóó Beth-béíyal-míyan dahoolyéhígíí,

JOSHUA 13:9

Árnan tooh bibąąhgóó Aró'er kin haal'áádóó áádóó yíldzis ałníi'gi kin haal'áádóó áádóó Médiiba dzígaigóó t'áá át'é Dáíban bíighahjį',

JOSHUA 14:3

Háálá Ízrel dine'é naakigo dah yikahígíí áádóó Manáseh náá'áłníi'goígíí éí Jórdan tooh wónaanídi kéyah íí' dooleełii Mózes beidiní'ą́, nidi éí bitahgi Líívai dine'é éí kéyah íí' dooleełii t'áadoo ła' yeidiní'ą́ą da.

JOSHUA 18:7

Nihitahgóó Líívai dine'é bíí' dooleełii doo ła' baa deet'ą́ą da, háálá Bóhólníihii bá náá'iiłniihii ídlínígíí éí íí' dooleełii át'é áádóó Géed dine'é áádóó Rúben dine'é índa Manáseh dine'é ałníí'dóóígíí Jórdan tooh wónaanídi ha'a'aahjígo kéyah bíí' dadooleełii nídahodii'ą́. Mózes éí Bóhólníihii yá naal'a'í nilíinii beidiní'ą́.

JUDGES 11:26

Ízrel dine'é éí Héshban kin haal'áii binaagóó kin dah naazhjaa'ígíí t'áá bił, áádóó Aró'er kin haal'áii binaagóó kin dah naazhjaa'ígíí t'áá bił, índa Árnan tooh nílíní bibąąhgóó kin hadaas'áhígóó t'áá át'é kéédahat'į́įgo táadi neeznádiin nááhai. Ha'át'éegoshą' t'áadoo bighanídasidooht'ą́ą da?

I SAMUEL 30:28

Aró'er kin shijaa'góoda, Sífmath haz'ánígóoda, Éshtiimowa kin haal'áágóoda,