JOSHUA 13:14 - Navajo Bible

¹⁴ Líívai dine'é bíí' dooleełii Mózes t'áadoo beidiní'ą́ą da, Bóhólníihii Ízrel dine'é biBóhólníihii Diyin God bich'į' didlidgo náádahaniihii t'éí bíí' dadooleeł át'é; t'áá ákót'éego yee áyidííniid ni'.

JOSHUA 13:14 ပူးပေါင်းရင်းမြစ်များ

EZEKIEL 44:28

Náá'iiłniihii ídlínígíí éí daahó, shíyee' hwíí' nishłį́; Ízrel dine'é bitahgi íí' dadooleełii doo ła' baa didíí'áał da, shíyee' hwíí' nishłį́.

EZEKIEL 44:29

Ak'áán nááhániihii áádóó ádił ni'iidzííhjí nááhániihii índa doo ákǫ́ǫ́ ájít'į́į́jí nááhániihii éí dahach'iyą' doo, áádóó Ízrel dine'é bitahdóó nááhidoonih biniyé t'áá sahdii ats'ádahaas'nilii daahó doo.

DEUTERONOMY 10:9

Éí bąą Líívai dine'é danilíinii hak'isóó bíí' dooleełii doo bił ałts'ą́ą́' da'jíłk'iiz da doo; Bóhólníihii hwíí' dooleełii nilį́į doo; jó, Bóhólníihii nihiDiyin God yee nihoní'áanii bik'ehgo ákót'ée doo.

DEUTERONOMY 12:12

Áko Bóhólníihii nihiDiyin God binááł nihił nidahoozhǫǫh doo; nihí áádóó nihiye'ké áádóó nihitsi'ké áádóó diné nihá nidaal'a'í áádóó asdzání nihá nidaal'a'í índa Líívai dine'é nihitahgi kééhat'ínígíí éí nihíí' dadooleełii doo bił ałts'ą́ą́' da'nołk'iiz daígíí ałdó' bił nihił nidahoozhǫǫh doo.

DEUTERONOMY 12:19

Ádaa ádahołyą́ągo t'ááká Líívai dine'é yóó'adadooh'ááł lágo, yidiiską́ą́góó nahasdzáán bikáa'gi ákót'éego dahinohnáa doo.

JOSHUA 13:13

Nidi Ízrel dine'é éí Gíísher dine'é índa Méíyakah dine'é t'áadoo baa ch'ídahaazhjée' da, nidi dííshjį́įjį' Gíísher dine'é índa Méíyakah dine'é éí Ízrel dine'é yitahgóó kéédahat'į́.

JOSHUA 13:15

Áko Rúben dine'é da'ahílchíihii ahii' háá'ahiyoolchíłígíí bik'ehgo kéyah íí' dooígíí Mózes beidiní'ą́.

JOSHUA 13:33

Nidi Líívai dine'é bíí' dooleełii Mózes t'áadoo beidiní'ą́ą da; Ízrel dine'é biBóhólníihii Diyin God éí bíí' dooleełii bá jílį́, t'áá ákót'éego yee áyidííniid ni'.

JOSHUA 18:7

Nihitahgóó Líívai dine'é bíí' dooleełii doo ła' baa deet'ą́ą da, háálá Bóhólníihii bá náá'iiłniihii ídlínígíí éí íí' dooleełii át'é áádóó Géed dine'é áádóó Rúben dine'é índa Manáseh dine'é ałníí'dóóígíí Jórdan tooh wónaanídi ha'a'aahjígo kéyah bíí' dadooleełii nídahodii'ą́. Mózes éí Bóhólníihii yá naal'a'í nilíinii beidiní'ą́.