JOSHUA 13:13 - Navajo Bible

¹³ Nidi Ízrel dine'é éí Gíísher dine'é índa Méíyakah dine'é t'áadoo baa ch'ídahaazhjée' da, nidi dííshjį́įjį' Gíísher dine'é índa Méíyakah dine'é éí Ízrel dine'é yitahgóó kéédahat'į́.

JOSHUA 13:13 ပူးပေါင်းရင်းမြစ်များ

GENESIS 35:22

Áko ákódzaago Ízrel éí kéyah yiyi'gi kééhat'į́įgo Rúben dah diiyáago Bílhah, hazhé'é be'asdzą́ą́ yíł'íní, bił jineezhtéézh, áko éí Ízrel yiyíínii'. Jéíkab biye'ké éí naakits'áadah.

II SAMUEL 10:6

Ákohgo Áman dine'é éí David doo bíłdin da áda'diilyaago yaa ákódaniizį́į́', áko dah da'diił'a'go Beth-rííhob kin haal'áádóó Síriya dine'é bisiláo áádóó Zóba kéyahdóó Síriya dine'é bisiláo t'áá ni' nidaabaahígíí naadiindi míilgo índa aláahgo naat'áanii Méíyakah bisiláo t'ááłáhídi míilgo índa Íshtab dine'é bisiláo éí naakits'áadahdi míilgo yik'é nida'iizláago yíká ada'iis'a'.

II SAMUEL 3:3

Naaki góne' bá yizhchínígíí éí Kíliyab wolyé; éí Kármeldóó dine'é Néíbal be'asdzą́ą́ nít'é'ígíí Ábigeil wolyéii biyáázh jílį́ áádóó táá' góne' bá yizhchínígíí éí Ábsalam wolyé; Gíísher kéyahgi aláahgo naat'áanii Tálmai bitsi' Méíyakah wolyéii biyáázh jílį́.

NUMBERS 33:55

Nidi díí baa hodoolzhish: kéyahgi kéédahat'ínígíí t'áadoo ádíts'ą́ąjį' nihaa ch'ídahaazhjéé'góogo kéyahgi nidaakaigo ádaałaaígíí nihinák'ee nída'ajiłígi át'éego, doodaii' nihooshk'iizh góne' nihaa inída'ajiłígi át'éego hóyée'go nihich'į' nidahwiiłnáago kéyah bii' kéédahoht'į́į doo.

DEUTERONOMY 3:14

Manáseh biye' Jéíyer wolyéii Árgab kéyah t'áá át'é t'áá Gíísher dine'é índa Méíyakah dine'é bihoodzojį' nidi náhodii'ą́, áádóó bik'ijį' t'áá bí bízhi' yee dayíízhi'. Díí jį́į́góó Héívath-jéíyer yee dayózhí.

JOSHUA 12:5

áádóó Dził Hérman si'ánígíí áádóó Sálkah kin haal'áii áádóó Béíshan hoolyéii t'áá át'é, Gíísher dine'é áádóó Méíyakah dine'é bihoodzojį' índa Gíliyad kéyah ałníí'dóó Héshban kin haal'áádóó aláahgo naat'áanii Sáíhan bihoodzojį' yinant'áá nít'éé'.

JOSHUA 13:11

áádóó Gíliyad kéyah áádóó Gíísher dine'é áádóó Méíyakah dine'é bikéyah áádóó Dził Hérman t'áá át'é, áádóó Béíshan kéyahgóó t'áá át'é Sálkah kin haal'áajį' hóó' daazlį́į́'.

JOSHUA 13:12

Béíshan kéyahgi Ag aláahgo bee bóhólníhígíí t'áá át'é éí Áshtarath kin haal'áagi áádóó Édriyai kin haal'áagi aláahgo naat'áanii nilį́į́ nít'éé' yę́ę, t'áá bí t'éiyá yé'iitsoh daadzí'ígíí nilį́į́ nít'éé'; díí Mózes hak' eh deesdlį́į'go ch'íhoniiskaad.

JOSHUA 13:14

Líívai dine'é bíí' dooleełii Mózes t'áadoo beidiní'ą́ą da, Bóhólníihii Ízrel dine'é biBóhólníihii Diyin God bich'į' didlidgo náádahaniihii t'éí bíí' dadooleeł át'é; t'áá ákót'éego yee áyidííniid ni'.

I SAMUEL 27:8

Áko David áádóó diné bił naakaígíí yił Gíísher dine'é áádóó Gíízer dine'é índa Ámalek dine'é danilíinii yaatįįh yikai; jó, éí ał'ąą dine'é t'áá ałk'idą́ą́' ákǫ́ǫ́ kéédahat'į́; éí Shur honoojíígóó t'áá níléí Ííjip kéyah bóhoneel'ą́ągo kéédahat'į́.