JOSHUA 13:11 - Navajo Bible

¹¹ áádóó Gíliyad kéyah áádóó Gíísher dine'é áádóó Méíyakah dine'é bikéyah áádóó Dził Hérman t'áá át'é, áádóó Béíshan kéyahgóó t'áá át'é Sálkah kin haal'áajį' hóó' daazlį́į́'.

JOSHUA 13:11 ပူးပေါင်းရင်းမြစ်များ

GENESIS 37:25

Áko dineezbingo ada'niiyą́ą́'; nít'éé' hadaazghalgo dadéé'į́į́'; nít'éé' Gíliyad kéyahdóó Íshmeiyel dine'é Ííjip kéyahgóó yinéełgo łikání dahalchinii spáis wolyéii áádóó azee' índa tłah ílíinii mir wolyéii ghą́ą́'ask'idii yee dayíyeeh.

I CHRONICLES 2:23

Gíísher dine'é áádóó Áram dine'é éí Jéíyer bikin hadaas'áii áádóó Kíínath hoolyéegi kin haal'áii índa binaagóó kin dah naazhjaa'ígíí t'áá bił, hastą́diingo kin hadaas'áii haghaideet'ą́. Méíkir éí Gíliyad bizhé'é jílį́įgo hats'ą́ą́dóó díí t'áá ałtso náás ahoolchíiłii danilį́.

I CHRONICLES 5:11

Béíshan kéyahdi Sálkah kin haal'áajį' Géed dine'é hanaashiijí kéédahat'į́į́ nít'éé'.

NUMBERS 32:29

Ákohgo Mózes áhodííniid, Géed dine'é áádóó Rúben dine'é Jórdan tooh nílíní ha'naa nihił niikaigo Bóhólníihii binááł diné t'áá ałtso dadoobah yiniyé hasht'e'ádadiilyaaígíí nihilą́ąjį' kéyahgi kéédahat'ínígíí yik'eh dadeesdlį́į́' ládą́ą́' ííshją́ą́ Gíliyad kéyah daabíí' dooleeł biniyé baa dadidooh'ááł,

DEUTERONOMY 3:10

Áádóó dadzígaigóó kin hadaas'áhígíí t'áá ałtso áádóó Gíliyad kéyahgóó áádóó Béíshan kéyahgóó t'áá Salííka kin haal'áajį' áádóó Édriyai kin haal'áajį' éí Béíshan kéyahgi Ag wolyéii aláahgo bee bóhólníihgo bił haz'ą́ągi kin hadaas'áhígíí t'áá át'é bighadasidiit'ą́.

JOSHUA 11:3

áádóó Kéínan dine'é ha'a'aahjígo índa e'e'aahjígo kéédahat'ínígíí áádóó Ámor dine'é áádóó Het dine'é áádóó Píírez dine'é índa Jííbas dine'é dziłgo nahaz'ánígóó kéédahat'ínígíí áádóó Mízpeh nahós'a'gi Dził Hérman bitsį́įdi Háíva dine'é kéédahat'ínígíí díí t'áá ałtso bich'į' i'dziis'a'.

JOSHUA 13:10

áádóó Ámor dine'é aláahgo binanit'a'í Sáíhan éí Héshbangi aláahgo naat'áanii bikin hadaas'áii t'áá át'é yinant'áá nít'éé' yę́ę, Áman dine'é bihoodzo bíighahjį' hóó' daazlį́į́',

JOSHUA 13:2

Díí kéyah t'ah daadziih: éí Filístiya dine'é bikéyah t'áá át'é áádóó Gíísher dine'é bikéyah t'áá át'é

JOSHUA 13:25

Dabikéyahígíí éí Jéízer kin haal'áádóó áádóó Gíliyad kéyahdóó kin hadaas'áii t'áá ałtso áádóó Áman dine'é bikéyah ałníí'dóó Rábah kin haal'áii ha'a'aahjígo Aró'er kin haal'áajį' baa deet'ą́.

JOSHUA 17:5

Áko neeznáá hahoodzo Manáseh dine'é baa deet'ą́, áádóó Jórdan tooh bilááhjí Gíliyad kéyah áádóó Béíshan kéyah ałdó' bił baa deet'ą́,

I SAMUEL 13:7

Ła' Hííbrew dine'é ałdó' éí Jórdan tsé'naagóó Géed kéyahgóó áádóó Gíliyad kéyahgóó aheeskai. Saul éí t'áá Gílgaldi naaghá, áádóó diné t'áá ałtso bitah dahoditłidgo hakéé' yíkai.