JOSHUA 12:8 - Navajo Bible

⁸ Díí dziłgo nahaz'ánígíí, dayíldzisígíí, dadzígaígíí, tó hadaazlínígíí, dahonoojíhígíí índa shádi'áahjigo nahós'a'ígíí éí Het dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é bikédaayah nít'éé'.

JOSHUA 12:8 ပူးပေါင်းရင်းမြစ်များ

GENESIS 10:17

áádóó Háíva dine'é áádóó Árka dine'é áádóó Sin dine'é

GENESIS 12:9

Áádóó Éíbram joonééł; shádi'ááh bich'į'go t'áá náás joonééł.

GENESIS 13:7

Áko Éíbram bá nida'niłkaadii áádóó Lat bá nida'niłkaadii ahináádiijah. Íídą́ą́' Kéínan dine'é índa Píírez dine'é éí kéyahgi kéédahat'į́į́ nít'éé'.

EXODUS 23:23

Jó, shidiyingo naal'a'í nihilą́ąjį' yigáałgo Ámor dine'é áádóó Hét dine'é áádóó Píírez dine'é áádóó Kéínan dine'é áádóó Háíva dine'é índa Jííbas dine'é yich'į' nihidoo'ish, áko éí ádahodeeshdįįł.

EXODUS 3:8

Éí bąą Ííjip dine'é bílák'ee hááhodeesh'nił biniyé hadahóóle' áádóó kéyahdóó yá'áhoot'éehjį' áádóó hótsaa haz'ą́ąjį' ch'íhodeesh'ish; éí kéyah yá'áhoot'éehgi abe' índa tsés'ná bitł'izh bee áda'azįįdgo haz'ą́ąjį', Kéínan dine'é áádóó Het dine'é áádóó Ámor dine'é áádóó Píírez dine'é áádóó Háíva dine'é índa Jííbas dine'é dabikédaayahjį' yah ahodeesh'ish.

DEUTERONOMY 7:1

Bóhólníihii nihiDiyin God éí kéyah nihíí' ádadoohłííł biniyé yiih nihíí'eezhgo, ał'ąą dine'é t'óó ahayóí nihinááł baa ch'éheezhjée'go, jó, éí Het dine'é, Gérgash dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é danilį́įgo tsosts'idgo ał'ąą dine'é danilíinii nihiláahgo ayóó ádaat'é índa ayóó ádabóodziil;

DEUTERONOMY 9:1

Ízrel dine'é danohłíinii, hazhó'ó da'íísółts'ą́ą́'; díí jį́ Jórdan tooh ha'naagóó ana'í nihiláahdi ayóó ádaat'éii áádóó ayóó ádabóodziilii dabikéyah ádíí' ádadoohłííł biniyé bich'į' ha'naa ninohnééh, kin hadaas'áago ayóó ádaat'éii áádóó k'asdą́ą́' yá bídaneel'ą́ągo tsé ditą́ągo ahéédaastł'inii t' áá bił.

JOSHUA 10:40

Ákohgo Jáshowa éí kéyah t'áá át'éé nít'éé'; dah daask'idígóó áádóó shádi'ááhjí kéyahígíí áádóó dadzígaigóó áádóó dziłtsį́į́góó índa aláahgo bindanit'a'í t'áá ałtso bik'eh dazdeesdlį́į́'; t'ááłá'í nidi t'áadoo ła' áádadzisįįd da; dahináanii nidi ts'ídá t'áá át'é ałtso ádadzisdįįd. Ízrel dine'é biBóhólníihii Diyin God ádííniidii bik'eh dahojííł'įįd.

JOSHUA 11:16

Áko Jáshowa éí kéyah t'áá át'éé nít'éé' yisná; dah daask'idgóó áádóó kéyah shádi'áahjigo t'áá át'é áádóó kéyah Góshen hoolyéhígíí t'áá át'é áádóó Áraba dzígaigóó áádóó Ízrel dine'é bikéyah dah daask'idgóó índa dadzígaigóó

JOSHUA 3:10

Áko Jáshowa ání, Díí nihił béédahodoozįįł: Diyin God hináanii nihitahgi hólǫ́; éí t'áadoo ch'ééh ííł'íní nihilą́ąjį' Kéínan dine'é, Het dine'é, Háíva dine'é, Píírez dine'é, Gírgas dine'é, Ámor dine'é índa Jííbas dine'é ałtso baa ch'íhidoojah.

JOSHUA 9:1

Áko aláahgo naat'áanii danilíinii t'áá ałtso Jórdan tooh biláahdi dah daask'idgóó áádóó deíldzisgóó índa Dził Lébanan bich'į'go ayóó át'é tónteel siyínígíí bibąąhgóó kéédahat'íinii éí Het dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é díí yaa dahodiizts'ą́ą'go

JUDGES 1:9

Éí bik'ijį' Júdah dine'é éí Kéínan dine'é dził bąąhgóó áádóó shádi'ááhjí haz'ánígóó índa halgaijigo kéédahat'ínígíí yik'iijéé'.