JOSHUA 12:5 - Navajo Bible

⁵ áádóó Dził Hérman si'ánígíí áádóó Sálkah kin haal'áii áádóó Béíshan hoolyéii t'áá át'é, Gíísher dine'é áádóó Méíyakah dine'é bihoodzojį' índa Gíliyad kéyah ałníí'dóó Héshban kin haal'áádóó aláahgo naat'áanii Sáíhan bihoodzojį' yinant'áá nít'éé'.

JOSHUA 12:5 ပူးပေါင်းရင်းမြစ်များ

II SAMUEL 13:37

Nidi Ábsalam yóó'eelwodgo Amáíhad éí Gíísher kéyahgi aláahgo naat'áanii biye' Tálmai wolyéii yich'į' ííyá, áádóó David t'áá ákwíí jį́ haye' Ámnan baa jicha.

II SAMUEL 15:8

Jó, ná naal'a'í nishłíinii ádee haasdzíí'; éí Gíísher kin haal'áadi Síriya kéyahgi naashá yę́ędą́ą́' ádíshní, Bóhólníihii t'áá aaníí Jerúsalem kin haal'áajį' shił nát'áazhgo índa Bóhólníihii bá naash'a' doo.

II SAMUEL 23:34

Méíyakah dine'é biye' Ahásbai biye' Iilífalet ałdó', Gáílodóó dine'é Ahíthofel biye' Iiláíyim ałdó',

II SAMUEL 3:3

Naaki góne' bá yizhchínígíí éí Kíliyab wolyé; éí Kármeldóó dine'é Néíbal be'asdzą́ą́ nít'é'ígíí Ábigeil wolyéii biyáázh jílį́ áádóó táá' góne' bá yizhchínígíí éí Ábsalam wolyé; Gíísher kéyahgi aláahgo naat'áanii Tálmai bitsi' Méíyakah wolyéii biyáázh jílį́.

II KINGS 25:23

Nít'éé' siláo yinanit'a'í danilínígíí t'áá ałtso índa dabisiláo yił éí Bábilan dine'é aláahgo binanit'a'í éí Gedaláíyah naat' áanii áyiilaago dayíínii', áko Nethanáíyah biye' Íshmeiyel áádóó Karíyah biye' Johéínan áádóó Niitófah kin shijaa'dóó Tanhúmeth biye' Siiréíyah índa Méíyakah dine'é ła' biye' Jeiyazanáíyah, éí áádóó bidine'é yił Mízpah kin haal'áadi Gedaláíyah yaa yíkai.

I CHRONICLES 5:11

Béíshan kéyahdi Sálkah kin haal'áajį' Géed dine'é hanaashiijí kéédahat'į́į́ nít'éé'.

JEREMIAH 40:8

Nethanáíyah biye' Íshmeiyel áádóó Karíyah biye'ké Johéínan áádóó Jánathan áádóó Tanhúmeth biye' Siiréíyah áádóó Niitófa kin shijaa'dę́ę́' Íífai biye'ké áádóó Méíyakahdę́ę́' diné léi' biye' Jezanáíyah bí áádóó bidine'é yił Mízpah kin haal'áadi Gedaláíyah yaa yíkai.

DEUTERONOMY 3:14

Manáseh biye' Jéíyer wolyéii Árgab kéyah t'áá át'é t'áá Gíísher dine'é índa Méíyakah dine'é bihoodzojį' nidi náhodii'ą́, áádóó bik'ijį' t'áá bí bízhi' yee dayíízhi'. Díí jį́į́góó Héívath-jéíyer yee dayózhí.

JOSHUA 11:3

áádóó Kéínan dine'é ha'a'aahjígo índa e'e'aahjígo kéédahat'ínígíí áádóó Ámor dine'é áádóó Het dine'é áádóó Píírez dine'é índa Jííbas dine'é dziłgo nahaz'ánígóó kéédahat'ínígíí áádóó Mízpeh nahós'a'gi Dził Hérman bitsį́įdi Háíva dine'é kéédahat'ínígíí díí t'áá ałtso bich'į' i'dziis'a'.

JOSHUA 12:1

Ízrel dine'é díí kéyahdóó aláahgo binanit'a'í danilíinii nideistseed áádóó éí bikédaayah Jórdan tooh biláahdi ha'a'aahjígo áádóó Árnan yíldzisdóó Dził Hérman si'áníjį' Áraba ha'a'aahjígo t'áá át'é nídahodii'ą́ągo bíí' daazlį́į́':

JOSHUA 13:11

áádóó Gíliyad kéyah áádóó Gíísher dine'é áádóó Méíyakah dine'é bikéyah áádóó Dził Hérman t'áá át'é, áádóó Béíshan kéyahgóó t'áá át'é Sálkah kin haal'áajį' hóó' daazlį́į́'.

I SAMUEL 27:8

Áko David áádóó diné bił naakaígíí yił Gíísher dine'é áádóó Gíízer dine'é índa Ámalek dine'é danilíinii yaatįįh yikai; jó, éí ał'ąą dine'é t'áá ałk'idą́ą́' ákǫ́ǫ́ kéédahat'į́; éí Shur honoojíígóó t'áá níléí Ííjip kéyah bóhoneel'ą́ągo kéédahat'į́.