JOSHUA 12:3 - Navajo Bible

³ áádóó ha'a'aahjigo Áraba dzígaidóó be'ek'id Kíniirathjį' áádóó Beth-jéshimath kin shijaa' bich'ijígo Áraba dzígaigi be'ek'idíjį', t'áá éí Tónteel Dók'ǫ́ǫzhii hoolyéejį' índa shádi'áahjigo Dził Pízgah bitsį́įjį' yee bóhólnííh nít'éé',

JOSHUA 12:3 ပူးပေါင်းရင်းမြစ်များ

GENESIS 14:3

Díí t'áá ádzíłtso Sídim honíteelgi ahídajiiznáago ałch'odadzis'ni'; ákwii Tónteel Dók'ǫ́ǫzhii hoolyé.

GENESIS 19:25

Áko kin haal'áhígíí áádóó halgaigóó áádóó éí kin haal'áagi kéédahojit'ínígíí índa ákwii nanise' danéeséhígíí t'áá át'é íísdįįd.

I KINGS 15:20

Aláahgo naat'áanii Éísa ádííniidígíí Ben-héídad yi'iilaago siláo dah deínéehii bindanit'a'í éí Ízrel bikin hadaas'áágóó Áíjan áádóó Dan áádóó Éíbel-beth-méíyakah índa Kínerath dahoolyéégóó t'áá át'é áádóó Náftalai dine'é bikéyah t'áá át'é yich'į' ayiis'a'go yik'eh dadeesdlį́į́'.

EZEKIEL 25:9

éí bąą Mó'ab dine'é bikéyah bibąąhgóó yee ádaa daha'niihgo kin hadaas'áii Beth-jéshimath áádóó Béíyal-míyan índa Kíriyathéíyim éí Mó'ab kéyahgi bááłk'iisdę́ę'go bich'į' ąą ádeeshłííł, jó'akon.

NUMBERS 21:20

Béímath hoolyéédóó Mó'ab kéyahgi Dził Pízgah bighą́ą'di yíldzisjį' nááná'ná, Dził Pízgah hoolyéédóó Jiisháíman honoojíí góyaa ayoot'į́į́'.

NUMBERS 34:11

índa éí hoodzooígíí Shíífamdóó Ríblah kin haal'áajį' áádóó Áyiin hoolyéii ha'a'aahjígo hoodzo doo, áádóó ha'yaago hoodzooígíí tó siyínígíí Kíniireth hoolyéii ha'a'aahjí hoodzo doo.

LUKE 5:1

Ákódahoodzaago Genésaret be'ek'id bąąhgóó dzizį́įgo, diné yíl'áhígíí Diyin God bizaad deididoots'į́į́ł biniyé hach'į' ałk'i naakai.

JOHN 6:1

Kódaadzaadóó bik'ijį' Gálilii be'ek'id tsé'naagóó Jesus bił dah nídii'éél, t'áá éí Taibííriyas be'ek'id wolyé.

DEUTERONOMY 3:17

Jórdan tooh bibąąhgi dahoníteelígóó Kíniireth hoolyéédóó Tónteel Dók'ǫ́ǫzhii hoolyéhíjį' éí Dził Pízgah bitsį́į́dóó ha'a'aahjigo ałdó' baa diní'ą́.

DEUTERONOMY 4:49

Áádóó Jórdan tooh ha'a'aahjigo t'áá át'é nidzisgaigo Dził Pízgah biyaadóó tónteel siyíníjį' ałdó' bikéyah nít'éé'.

JOSHUA 11:2

áádóó aláahgo naat'áanii danilíinii náhookǫsjígo dziłgo nahaz'ánígóó kéédahat'ínígíí áádóó Kíniirath kin haal'áádóó shádi'ááhjígo Áraba dzígaigóó kéédahat'ínígíí áádóó yíldzisgóó kéédahat'ínígíí índa e'e'aahjígo dah yisk'id bighą́ą'di Dóor kin haal'áagi kéédahat'ínígíí ałdó' bich'į' i'dziis'a',

JOSHUA 13:20

áádóó Beth-píyor áádóó Áshdath-pízgah índa Beth-jéshimath dahoolyéhígíí

JOSHUA 15:2

Áádóó shádi'ááhjí bihoodzo dooígíí éí Tónteel Dók'ǫ́ǫzhii nineel'ánídóó, táłts'á hiníyínídóó hodeesdzo,

JOSHUA 15:5

Áádóó Tónteel Dók'ǫ́ǫzhii siyį́įgo bee hoodzooígíí éí Jórdan tooh biih yílíníjį' éí ha'a'aahjígo hoodzo dooígíí át'é. Áádóó náhookǫsjí hoodzo dooígíí éí Tónteel Dók'ǫ́ǫzhii táłts'á hiníyínígi Jórdan tooh biih yílínídóó hahoodzo.

JOSHUA 3:16

áko íídą́ą́' tooh wódahdę́ę́' nílínígíí Záretan t'áá áyídígi Ádam kin haal'áhídóó nízaadi i'nool'ąądgo áhodiilzee'go doo nílį́į da índa nihidii'á silį́į́'; dzígaigi tónteel siyínígíí, éí Tónteel Dók'ǫ́ǫzhii hoolyéii, bich'į'go tó nílínígíí íígo', índída Ízrel dine'é éí Jériko bich'ijigo tsé'naa niníná.