Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JOSHUA 12:1 - Navajo Bible

1 Ízrel dine'é díí kéyahdóó aláahgo binanit'a'í danilíinii nideistseed áádóó éí bikédaayah Jórdan tooh biláahdi ha'a'aahjígo áádóó Árnan yíldzisdóó Dził Hérman si'áníjį' Áraba ha'a'aahjígo t'áá át'é nídahodii'ą́ągo bíí' daazlį́į́':

အခန်းကိုကြည့်ပါ။ ကော်ပီ




JOSHUA 12:1
24 ပူးပေါင်းရင်းမြစ်များ  

Yúrai biye' Gííber éí Gíliyad kéyahgi Ámor dine'é aláahgo binanit'a'í Sáíhan yę́ę bikéyah nít'éé' yę́ędę́ę́' áádóó Béíshan dine'é aláahgo binanit'a'í Ag yę́ę bikéyah nít'éé' yę́ędę́ę́' ch'iyáán nináyiijááh; t'áá bí t'éiyá díí kéyahgi ch'iyáán yinanit'a'í nilį́.


Záíyandi dził naaznilii bikáá'góó dahtoo' nihééneelt'eehiigi át'éhígíí dahtoo', Dził Hérmandóó dahtoo' nahalin! Háálá ákwii Bóhólníihii bee ak'ihojidlíii yee haadzíí', éí hool'áágóó iiná át'é.


Áádóó bikédaayah hodine'é baazhdiní'áanii bich'į', háálá aa a'ááh jinízingo ahóyéel'á.


Náhookǫs índa shádi'ááh íinilaa, Dził Téíbor áádóó Dził Hérman bił hózhǫ́ǫgo nízhi' yaa haniih.


Jó, ákót'ée doo: tsídii yázhí bit'oh bił nidahaasdáazgo t'óó nídantłohígi át'éego Árnan tooh nílíníjį' Mó'ab bitsi'ké t'óó nídantłoh.


Kodóó dah náádii'náago éí Árnan tooh nílínígíí wónaaníjígo éí Ámor dine'é bikéyah bibąąhdę́ę́' honoojíidi ninááná'ná, háálá Árnan tooh nílínígíí éí Mó'ab dine'é bikéyah áádóó Ámor dine'é bikéyah bita'dę́ę́' ch'ínílį́įgo bee hoodzo.


Áko Ízrel dine'é éí Ámor dine'é aláahgo binanit'a'í Sáíhan wolyéii yich'į' ada'as'a'go ádaaní,


Ákohgo Ízrel dine'é éí diltłish yee ałtso nidahastseed; Sáíhan bidine'é Árnan tooh nílínídóó Jábak tooh nílíníjį' t'áá Áman dine'é bihoodzooíjį' bikéyah yę́ę hóó' daazlį́į́', háálá Áman dine'é bikéyah bidziilgo bich'ą́ą́h hoodzo.


Jórdan tooh nílíní biláahdi wónaaníjí nihik'éí bił kéyah doo ła' nihíí' dooleeł da, háálá t'áá kwe'é Jórdan tooh nílíní ha'a'aahjígo nihikéyah dahazlį́į́'.


Nihí dadiibah biniyé hasht'e'ádadiilyaago Bóhólníihii binááł Kéínan kéyahjį' ha'naa nidii'nééł, áko Jórdan tooh nílíníjí kéyah nihíí' dooleeł.


Áko Mózes haa hodiní'ánígíí éí Géed dine'é áádóó Rúben dine'é índa Jóseph biye' Manáseh dine'é ałníí'dóóígíí éí Ámor dine'é aláahgo binanit'a'í Sáíhan bee bóhólnííh yę́ę índa Béíshan hahoodzodóó aláahgo naat'áanii Ag bee bóhólnííh yę́ę kéyahgi kin hadaas'áhígíí índa binaagóó kédaayah haidiní'ą́.


Hasht'e'ádadołnéehgo Árnan tooh nílínígíí ha'naa ninohnééh; jó, Héshban kin haal'áádóó aláahgo naat'áanii Ámor dine'é nilíinii Sáíhan wolyéii bikéyah t'áá bił nihaa diní'ą́; k'ad nihíí' ádaohłééh, áádóó bich'į' anaa' danohdzin doo.


Áko Sáíhan wolyéii áádóó bidine'é yił nihik'ijį' nídadiibaa'go Jéíhazgi nihik'iijéé'.


Áko naanísii'náago Béíshan góde dah dii'ná, áádóó nít'éé' Béíshandóó aláahgo naat'áanii Ag wolyéii nihich'į' ch'íheedzá; bí áádóó bidine'é yił Édriyai kin haal'áagi nihich'į' nídadiibaa'.


Mózes éí díí bee haz'áanii yee Ízrel dine'é yich'į' hahaasdzíí'.


Jórdan tooh ha'a'aahjí Beth-píyor honíteel binaashiijí Ámor dine'é aláahgo binanit'a'í Sáíhan wolyéii kéyahgi Héshban kin haal'áago ákwii kééhat'į́įgo, Mózes áádóó Ízrel dine'é Ííjip kéyahdę́ę́' ch'ínínáádóó bik'ijį' Sáíhan wolyéii yik'eh dadeesdlį́į́'.


Aró'er kin shijaa'ígíí éí Árnan tooh bibąąhgi haz'ánídóó Dził Záíyangóó, t'áá éí Dził Hérman hoolyéego haz'áníjį' bikéyah nít'éé'.


Bóhólníihii éí háádaa łyį́įhgo ánihiilaaígi át'éego nihik'isóó háádaalyį́įhgo áyiilaajį' áádóó ałdó' kéyah íí' dooleełii Bóhólníihii nihiDiyin God beididoo'áłígíí ádíí' ádayiilaajį' bíká adoohjah, ákohgo nihí kéyah bich'į' nát'ą́ą́' nídoohkahgo ádíí' ádadoohłííł áádóó baa nihił dahózhǫ́ǫ doo; éí kéyah Jórdan tooh wóshch'ishdi ha'a'aahjigo haz'ánígi nihaidiní'ą́.


Dził Héílak si'ánídóó Dził Síyer bich'į'go t'áá Béíyal-géedjį', éí Dził Hérman si'ání bitsį́įdi Lébanan yíldzisgóó ak'eh dadeesdlį́į́'. Áko aláahgo binanit'a'í danilíinii t'áá ałtso dzisnáago atíjiilaago nidzistseed.


áádóó Kéínan dine'é ha'a'aahjígo índa e'e'aahjígo kéédahat'ínígíí áádóó Ámor dine'é áádóó Het dine'é áádóó Píírez dine'é índa Jííbas dine'é dziłgo nahaz'ánígóó kéédahat'ínígíí áádóó Mízpeh nahós'a'gi Dził Hérman bitsį́įdi Háíva dine'é kéédahat'ínígíí díí t'áá ałtso bich'į' i'dziis'a'.


Rúben dine'é áádóó Géed dine'é índa Manáseh dine'é ałníí'dóóígíí kéyah yił bíí' daazlį́į'go éí Mózes beidiní'ą́; Jórdan tooh wónaanídi ha'a'aahjigo Mózes éí Bóhólníihii yá naal'a'í nilį́įgo haidiní'áanii hóó' daazlį́į́'.


Áko k'ad Bóhólníihii nihiDiyin God éí nihik'isóó háá'áyį́į́h yeidiní'ą́; jó, t'áá ákót'éego yich'į' yee ádee hadoodzíí'; éí bąą k'ad nihéédahohkááh; danihighangóó áádóó kéyah nihíí' daazlį́'ígóó, éí Bóhólníihii yá naal'a'í Mózes wolyéii Jórdan tooh wónaanídi nihaa hodiní'ánígóó nihéédahohkááh.


Ákohgo honoojíígóó ch'íkaigo Íídam kéyah áádóó Mó'ab kéyah yik'ee'ąą ahéná'ná. Áádóó Mó'ab kéyah ha'a'aahjígo Árnan tooh nílíní wónaaníjígo niníná, nidi Mó'ab kéyah t'áadoo biih jíínáa da, háálá Árnan tooh nílíní éí Mó'ab kéyah bee ałts'áhoodzo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ