JOSHUA 11:8 - Navajo Bible

⁸ Áko Bóhólníihii éí Ízrel dine'é yeidiní'ą́ągo ayóó át'é Sáídan kin haal'áágóó áádóó Mísriifath-méíyim kin shijaa'góó índa ha'a'aahjígo Mízpeh yíldzisgóó baa deíjeehgo deiníłtseed, áko t'áadoo ła' áádeisįįd da.

JOSHUA 11:8 ပူးပေါင်းရင်းမြစ်များ

GENESIS 10:15

Kéínan éí Sáídan alą́ąjį' há yizhchį́, áádóó Het

GENESIS 49:13

Zébyulan éí tónteel bibąąhdi táłts'á'ii'eełgi kééhat'į́į doo; Ákwe'é tsinaa'eeł dah nídahatł'óoh doo, Áádóó bikéyah Sáídan kin haal'áii bíighahdi hoodzo dooleeł.

II SAMUEL 24:6

Nít'éé' Gíliyad kéyahgi náájíkai áádóó Tátim-hádshai kin shijaa'góó tázhdookaigo Dan-jéíyangi náájíkai índa Sáídan kin haal'áajį' nábik'ee'ąądę́ę'go jíkai.

ISAIAH 23:4

Sáídan nílíinii, yánínízin le', háálá tónteel yee bidziilígíí yáłti'go ání, Doo awéé' hwé'nahígi át'éego shił hodiniih da, doo nidi sha'áłchíní haleeh da índa tsíłkéí áádóó ch'ikéí doo dah hinisée da.

ZECHARIAH 9:2

Éí bihidiní'ánígíí Héímath kin haal'áii áádóó Táir índa Sáídan kin haal'áádóó, azhą́ t'áá íiyisí dahojíyą́ą nidi, ałdó' hak'ijį' nilį́.

DEUTERONOMY 7:2

Bóhólníihii nihiDiyin God nihinááł nihílák'ee dahodiiz'ą́ągo bik'ijį' nidaahbaah doo, áádóó ałtso ádadoołdįįł; doo bił ahadadi'dooht'áał da, doo nidi baa a'ááh dadínóosįįł da.

DEUTERONOMY 9:3

Éí bąą díí jį́ díí bik'ida'doohtįįh: Bóhólníihii nihiDiyin God kǫ' ó'oołdįįłígi át'éego nihilą́ąjį' ha'naa nihodooleełgo áhodoołdįįł. Nihidáahjį' yi'iiłníihgo ch'ídahidínóołkał, áádóó t'áadoo hodina'í ałtso ádadoołdįįł; jó, Bóhólníihii ákónihidííniid.

JOSHUA 10:20

Ákódaadzaago Jáshowa áádóó Ízrel dine'é éí bida'ana'í ałtso nideistseedgo ayóó át'éego nayídeisdįįdgo t'áá ch'éékaígíí t'éí kin hadaas'áii ditą́ągo binaa ahééda'astł'iní góne' yah aheezhjéé'.

JOSHUA 11:3

áádóó Kéínan dine'é ha'a'aahjígo índa e'e'aahjígo kéédahat'ínígíí áádóó Ámor dine'é áádóó Het dine'é áádóó Píírez dine'é índa Jííbas dine'é dziłgo nahaz'ánígóó kéédahat'ínígíí áádóó Mízpeh nahós'a'gi Dził Hérman bitsį́įdi Háíva dine'é kéédahat'ínígíí díí t'áá ałtso bich'į' i'dziis'a'.

JOSHUA 11:7

Áko Jáshowa éí hodine'é anaa' da'ał'íinii t'áá ałtso bił t'áadoo kót'é'ílíní bik'ijį' hajizhjée'go be'ek'id Mííram hoolyéhí bíighahgi bik'i jiijéé'.

JOSHUA 13:6

Dził Lébanan si'ánídóó kéyah aghá dahaz'áágóó kéédahat'íinii t'áá ałtso Mísrefath-méíyim kin shijaa'jį' éí t'áá át'é Sáídan dine'é t'ah daadziih. Ízrel dine'é danilíinii bilą́ąjį' éí t'áá ałtso ch'ídínéeshkał, ákondi Ízrel dine'é éí kéyah bíí' dadooleeł biniyé nich'į' bee haasdzí'ígi át'éego bá ałts'ádadíízo.

JOSHUA 19:28

áádóó Hííbran kin haal'áii, Rííhob kin shijaa', Háman kin shijaa', Kéínah kin shijaa' índa Sáídan kin haal'áii ayóó át'éego haz'áníjį',

JOSHUA 21:44

Áádóó Bóhólníihii éí Ízrel dine'é hanaagóó t'áá át'é hodéesyéelgo áyiilaa; éí dahazhé'é yę́ę yich'į' yee ádee hadoodzíi'ii t'áá át'é bik'ehgo áyiilaa; éí hwe'ana'í t'áá ałtso bitahdóó doo ła' hak'eh dódle' át'ée da, háálá Bóhólníihii éí hwe'ana'í t'áá ałtso hálák'eidíí'ą́.