JOSHUA 11:6 - Navajo Bible

⁶ Áádóó Bóhólníihii éí Jáshowa áyidííniid, Éí t'áadoo bééníldzidí, háálá yiską́ągo kóhoodzaago éí t'áá ałtso naa dideesh'áałgo Ízrel dine'é dabinááł nidííłtsił áádóó dabilį́į́' dabijáts'id k'íhidííłniił índa dabitsindaabąąs bijáád naakiígíí adahididííłk'ą́ą́ł.

JOSHUA 11:6 ပူးပေါင်းရင်းမြစ်များ

II SAMUEL 8:4

Áko David éí Hadadíízer bitsindaabąąs bijáád naakiígíí t'ááłáhídi mííl áádóó siláo łį́į́' yee nidaabaahígíí tsosts'idi neeznádiin índa siláo t'áá ni' nidaanéhígíí naadiindi mííl yisná, áádóó łį́į́' éí tsindaabąąs bijáád naakiígíí nideiłbąąsígíí t'áá át'é bitsáts'id jiizhgizh, nidi łį́į́' neeznádiingo oołbąs bíighahgo áá jísįįd.

II KINGS 6:16

Áádóó hadzoodzíí', T'áadoo nił yé'í, háálá nihí nihich'ijí danilínígíí áájí yich'ijí danilínígíí yiláahgo ánéelą́ą́'.

II CHRONICLES 20:16

Yiską́ągo ákóyaa bich'į' hidoohkah; jó, Ziz tsénít'i'dę́ę'go hadookah, áko Jiirú'el honoojíigi ha'a'aahjigo honíts'aa' nineel'ą́ągi bik'ídoohnééł.

PSALMS 46:10

Hasht'edíínít'é; shí Diyin God nishłį́įgo nił bééhodoozįįł. Ał'ąą dine'é bitahgóó ayóó ánísht'éego áshidi'doolnííł; nahasdzáán bikáa'gi ałdó' ayóó ánísht'éego áshidi'doolnííł.

PSALMS 46:11

T'áá ałtsoní bee Bóhólníihii éí nihił hólǫ́. Jéíkab biDiyin God bine' adahiniichééh. Síilah.

PSALMS 46:9

Nahasdzáán nidanees'ą́ąjį' anaa' dahólóonii ánéísįįd. Ałtį́į́' yiyiitííh; tsiidétáán yiyiiłne'. Tsinaabąąs bijáád naakiígíí iidiyiiłk'ą́ą́h.

PROVERBS 20:7

Diné t'áá ákogi át'éii doo bina'adlo'góó naagháii bikéédę́ę́' háánoot'áanii bik'idahojidlíi doo.

ISAIAH 30:16

Áko, Dooda, łį́į́' nihił dah didoojah, dadohní; éí bąą adadínóohchééł áádóó, Łį́į́' dadilwo'ii nihił nídidoojah; éí bąą danihinéełchéłígíí doo nidadilna' da doo.

ISAIAH 31:1

Ííjip kéyah góyaa bíká i'doolwoł yiniyé ałnáádaakahgo áadi łį́į́' índa tsindaabąąs bijáád naakiígíí t'óó ahayóígíí biniinaa yaa dadzólíii áádóó łį́į́' yee nidaabaahii ayóo dabidziil biniinaa yaa dadzólíii doo hojooba' ájíníi da! Éí Ízrel dine'é biDiyin nilíinii doo yich'į' choda'ooł'į́į da índa Bóhólníihii doo hádaat'į́į da.

EZEKIEL 39:9

Áadi índa Ízrel dine'é bikin hadaas'áágóó kéédahojit'ínígíí áádę́ę́' ch'íhizhdookahgo naagé ádaat'éii, béésh téél ách'ą́ą́h dah yit'áałii áádóó ałtį́į́' índa k'aa', tsihał áádóó tsiidétáán éí bee anadahat'íinii yee déédeidiłjahgo dabikǫ' doo; t'áá ákódaat'į́įgo tsosts'id nídoohah,

HOSEA 14:3

Asíriya dine'é nilíinii doo yisdánihidoonił da; łį́į́' doo bee náádadiibah da índa nihíla' bee bindashiilnishgo ádeiilyaii náásgóó doo bich'į' kónáádadidii'niił da, Nihidiyin danohłį́. Niniit'aa áłchíní bizhé'é ádaadinii aa a'ááh hasin bee dahazlį́į́'.

NAHUM 2:13

T'áá ałtsoní bee Bóhólníihii kóní, Nihik'ijį' nishłį́, áádóó łid hahíítį́įgo hatsindaabąąs bijáád naakiígíí adadideeshk'ą́ą́ł, jó'akon. Áko nihináshdóí yáázh bitsiijį' daditł'ooígíí diltłish bee ałtso deeshhą́ą́ł, áádóó nihokáá'góó hadaołzheehii ałtso ádeeshdįįł, índa nihá nidaal'a'í biinéé' doo náádadiits'a' da doo.

DEUTERONOMY 7:16

Áádóó Bóhólníihii nihiDiyin God nilíinii diné nihich'į' yi'iiłníihii t'áá ałtso ádadoołdįįł; doo ła' baa a'áhí dadínóohsįįł da, áádóó t'ááká bidiyin dabidi'níinii bich'į' nidahohłáh yíila', jó, ákódaaht'į́įgo łoh nihąąh niidoo'ááł.

JOSHUA 10:8

Áko Bóhólníihii éí Jáshowa áyidííniid, T'áadoo bik'ee nił yé'í, háálá éí nílák'ee dahodíí'ą́ągo doo ł a'da nik'eh didoodleeł da.

JOSHUA 11:5

Áko díí aláahgo naat'áanii danilíinii t'áá ałtso bisiláo áłah ádayiilaago Ízrel dine'é yił ałk'iidoojah biniyé be'ek'id Mííram hoolyéegi tábąąhgóó niníná.

JOSHUA 11:7

Áko Jáshowa éí hodine'é anaa' da'ał'íinii t'áá ałtso bił t'áadoo kót'é'ílíní bik'ijį' hajizhjée'go be'ek'id Mííram hoolyéhí bíighahgi bik'i jiijéé'.

JOSHUA 11:9

Áko Bóhólníihii éí Jáshowa áyidííniidígi át'éego dabilį́į́' bijáts'id yiyiisne' áádóó dabitsindaabąąs bijáád naakiígíí ałtso iidiyiisk'ą́ą́'.

JOSHUA 3:5

Áádóó Jáshowa éí diné áyidííniid, T'áá nihí diyingo áda'didoołnííł, háálá yiską́ągo nihitahgi Bóhólníihii álílee ayóó ádaat'éii íidoolííł.

JUDGES 20:28

áádóó éí yoołkááł bítséédą́ą́' Éran biye' Eliyéízar nilíinii éí haye' Fíniyas naal'a' nít'éé',) Ízrel dine'é ádaaní, Nihik'isóó Bénjamin dine'é danilíinii bich'į' nááhidiikahgoósh bich'į' anaa' ánáádahodiilnííł, doodaii' daats'í t'óó bik'i diikááh? Áko Bóhólníihii ánááhodoo'niid, Nílááh, ákóde bich'į' nááhidohkááh, háálá yiską́ągo nihílák'ee hodideesh'ááł.

JUDGES 7:9

T'áá éí bitł'éé' Bóhólníihii áhodííniid, Nídiidááh, ana'í dah yinéłígóó dínááh, háálá éí nílák'edíí'ą́.

I SAMUEL 11:9

Áko naal'a'í yíkaígíí ádeiłní, Jéíbesh-gíliyad dine'é ádabididoohniił, Yiską́ągo honiigaigo yisdádoohkah. Áko naal'a'í yíkaigo Jéíbesh-gíliyad dine'é hane' yee yił dahoolne'go t'áá íiyisí yaa bił dahóózhǫǫd.