JOSHUA 11:5 - Navajo Bible

⁵ Áko díí aláahgo naat'áanii danilíinii t'áá ałtso bisiláo áłah ádayiilaago Ízrel dine'é yił ałk'iidoojah biniyé be'ek'id Mííram hoolyéegi tábąąhgóó niníná.

JOSHUA 11:5 ပူးပေါင်းရင်းမြစ်များ

II SAMUEL 10:15

Áko Síriya dine'é bisiláo éí Ízrel dine'é bisiláo hak'eh dadeesdlį́į'go baa ákodazniizį́į'go t'áá ła' bizhi'ee t'ááłáhíjį' áłah dzizlį́į́'.

PSALMS 3:1

Bóhólníihii nílíinii, dooládó' shich'į' nidahwiiłnáanii lą'í silį́į' da! Lą'í shik'i néijah;

PSALMS 48:5

Áko éí dayiiłtsą́ągo bik'ee t'óó bił adahóóyóí; bił yéé' dahazlį́į'go dah diijéé'.

ISAIAH 8:9

Dine'é danohłíinii, t'áá nihí wołí bee ádaaht'į́įgo áádóó kódaníshéhégo ałtso nidahidoołtǫǫł; kéyah nidahonees'ą́ą́dę́ę́' nidaahkaígíí da'íísínółts'ą́ą́': t'áá nihí áká dasoołzaazgo kódaníshéhégo ałtso nidahidoołtǫǫł; t'áá nihí áká dasoołzaazgo kódaníshéhégo ałtso nidahidoołtǫǫł.

JOSHUA 11:4

Áádóó éí áádę́ę́' bisiláo t'áá ałtso yił diné ts'ídá t'óó ahayóigo yił ch'íníná; éí tónteel bibąąhgóó séígi ánéelą́ą́' nahalingo łį́į́' áádóó tsindaabąąs bijáád naakiígíí t'óó ahayóí yee ch'íníná.

JOSHUA 11:6

Áádóó Bóhólníihii éí Jáshowa áyidííniid, Éí t'áadoo bééníldzidí, háálá yiską́ągo kóhoodzaago éí t'áá ałtso naa dideesh'áałgo Ízrel dine'é dabinááł nidííłtsił áádóó dabilį́į́' dabijáts'id k'íhidííłniił índa dabitsindaabąąs bijáád naakiígíí adahididííłk'ą́ą́ł.

JOSHUA 9:2

t'ááłáhíjį' áłah silį́į́'; Jáshowa áádóó Ízrel dine'é yik'iidoojah yiniyé łá'í daazlį́į́'.

REVELATION 16:14

Éidí níłch'i bida'iiníziinii álílee k'ehgo bee éédahózinii ádayoolíiłii ádaat'é. Nahasdzáán t'áá si'ą́ą́ nít'éé' bikáá'góó aláahgo naat'áanii danilíinii éí Diyin God Aláahgo Ayóó'ábóodziilii ayóó át'éego bik'eh ha'doo'áałdi ałk'i iidoojahgo áłah ádahodoolííł biniyé yaa hakááh.