JOSHUA 11:3 - Navajo Bible

³ áádóó Kéínan dine'é ha'a'aahjígo índa e'e'aahjígo kéédahat'ínígíí áádóó Ámor dine'é áádóó Het dine'é áádóó Píírez dine'é índa Jííbas dine'é dziłgo nahaz'ánígóó kéédahat'ínígíí áádóó Mízpeh nahós'a'gi Dził Hérman bitsį́įdi Háíva dine'é kéédahat'ínígíí díí t'áá ałtso bich'į' i'dziis'a'.

JOSHUA 11:3 ပူးပေါင်းရင်းမြစ်များ

GENESIS 31:49

Índa Mízpah ałdó' hoosye', háálá ájíní, Ał'ąą neit'aashgo Bóhólníihii hanihisíid doo.

II SAMUEL 24:16

Áádóó diyingo naal'a'í éí Jerúsalem kin haal'áagi diné íidoołdįįł biniyé yik'ijį' dah didiilnii'go Bóhólníihii díí doo yá'át'éhígi áhoodzaaígíí yąąh bíni' áádóó diyingo naal'a'í na'ałtseedígíí ííłní, K'adí t'ą́ą́' háádílnííh. Nít'éé' Bóhólníihii bidiyingo naal'a'í Jííbas dine'é Arónah bitł'oh naadą́ą́' habíníná'ál'isí bíighahgi yiizį'.

II SAMUEL 24:7

Áádóó Táir kin haal'áagi bine' na'adzi'ii bił haz'ą́ąjį' índa Háíva dine'é áádóó Kéínan dine'é bikin hadaas'áágóó tázhdookai, áko índa Júdah kéyah shádi'áahjigo Bíyer-shííba kin shijaa'go áajį' jíkai.

I KINGS 15:22

Áko aláahgo naat'áanii Éísa éí Júdah dine'é t'áadoo ła' doodaií t'áá át'é bich'į' hadzoodzíi'go hágo dabizhdííniid, áádóó kin haal'á Réímahdóó tsé índa tsin éí Béíyasha yee hałbį' nít'é'ígíí yits'ą́ą́' adayiizyį́įgo éí yee aláahgo naat'áanii Éísa éí Bénjamin dine'é bikéyahdi Gííba áádóó Mízpah kin haal'áago áyiilaa.

I KINGS 9:20

Áko Ámor dine'é áádóó Het dine'é áádóó Píírez dine'é áádóó Háíva dine'é índa Jííbas dine'é t'áá ałtso daadzí'ígíí doo Ízrel dine'é danilį́į dago

PSALMS 133:3

Záíyandi dził naaznilii bikáá'góó dahtoo' nihééneelt'eehiigi át'éhígíí dahtoo', Dził Hérmandóó dahtoo' nahalin! Háálá ákwii Bóhólníihii bee ak'ihojidlíii yee haadzíí', éí hool'áágóó iiná át'é.

PSALMS 89:12

Náhookǫs índa shádi'ááh íinilaa, Dził Téíbor áádóó Dził Hérman bił hózhǫ́ǫgo nízhi' yaa haniih.

SONG OF SOLOMON 4:8

Dził Lébanandę́ę́' shił yí'ash doo. Bá'deeshxehii nílíinii, Dził Lébanandę́ę́' shił yí'ash doo. Dził Amána bighą́ą́'dóó áádóó Dził Sénir índa Dził Hérman naaznilígíí bighą́ą́'dóó dídíit'įįł; náshdóítsoh bitsiijį' ditł'ooígíí dabi'áándóó índa náshdóíłkiizh éí dził yąąh nidaakaídóó dídíit'įįł.

JEREMIAH 40:10

Nidi shí éiyá Kaldíya dine'é nihaa nínánígíí bá choosh'į́į doo biniyé t'áá Mízpahdi kééhasht'į́į doo, jó'akon, nidi nihí éí wáin áádóó shį́įgo tsin bineest'ą'ígíí índa ak'ah ádá shónídaołt'eehgo bii' hééł áńda'ooł'įįhii bee ninádaoh'nił doo, áádóó kin hadaas'áago ádaa dadooht'ánígíí ákǫ́ǫ́ kéédahoht'į́.

JEREMIAH 40:6

Áko índa Jeremáíyah dah diiyáago Mízpah kin haal'áagi Aháíkam biye' Gedaláíyah yaa níyáago kéyahgi diné daadziihígíí t'áá ákǫ́ǫ́ kéédahat'íinii bitahgi yił kééhat'į́į́ nít'éé'.

JEREMIAH 41:14

Áko Íshmeiyel éí Mízpahdóó diné yisnáago dah yidíníiłkaadii t'áá ałtso éí Karíyah biye' Johéínan yich'į' dah nídiikai.

JEREMIAH 41:3

Áádóó Íshmeiyel ałdó' Mízpahdi Gedaláíyah éí Jew dine'é t'áá ałtso yił dah yikahii índa Kaldíya dine'é ákwii nidaakaii éí diné nidaabaahii danilíinii t'áá yił dayííghą́ą́'.

NUMBERS 13:29

Ámalek dine'é éí kéyah shádi'ááhjígo kéédahat'į́; Het dine'é, Jííbas dine'é áádóó Ámor dine'é éí dziłghą́ą́'góó kéédahat'į́ índa Kéínan dine'é éí tónteel bibąąhgi áádóó Jórdan tooh nílíní bibąąh góyaa kéédahat'į́.

DEUTERONOMY 4:48

Aró'er kin shijaa'ígíí éí Árnan tooh bibąąhgi haz'ánídóó Dził Záíyangóó, t'áá éí Dził Hérman hoolyéego haz'áníjį' bikéyah nít'éé'.

DEUTERONOMY 7:1

Bóhólníihii nihiDiyin God éí kéyah nihíí' ádadoohłííł biniyé yiih nihíí'eezhgo, ał'ąą dine'é t'óó ahayóí nihinááł baa ch'éheezhjée'go, jó, éí Het dine'é, Gérgash dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é danilį́įgo tsosts'idgo ał'ąą dine'é danilíinii nihiláahgo ayóó ádaat'é índa ayóó ádabóodziil;

JOSHUA 11:17

Dził Héílak si'ánídóó Dził Síyer bich'į'go t'áá Béíyal-géedjį', éí Dził Hérman si'ání bitsį́įdi Lébanan yíldzisgóó ak'eh dadeesdlį́į́'. Áko aláahgo binanit'a'í danilíinii t'áá ałtso dzisnáago atíjiilaago nidzistseed.

JOSHUA 11:8

Áko Bóhólníihii éí Ízrel dine'é yeidiní'ą́ągo ayóó át'é Sáídan kin haal'áágóó áádóó Mísriifath-méíyim kin shijaa'góó índa ha'a'aahjígo Mízpeh yíldzisgóó baa deíjeehgo deiníłtseed, áko t'áadoo ła' áádeisįįd da.

JOSHUA 13:11

áádóó Gíliyad kéyah áádóó Gíísher dine'é áádóó Méíyakah dine'é bikéyah áádóó Dził Hérman t'áá át'é, áádóó Béíshan kéyahgóó t'áá át'é Sálkah kin haal'áajį' hóó' daazlį́į́'.

JOSHUA 13:5

áádóó Gííbal dine'é bikéyah áádóó Dził Lébanan ní'áhígíí t'áá át'é, ha'a'aah bich'į'go Dził Hérman bitsį́įgi Béíyal-géed kin shijaa' áádóó Héímathjį' ahóót'i'ígíí bíighahgo.

JOSHUA 15:38

Díliyan, Mízpeh, Jákthiyel,

JOSHUA 15:63

Nidi Júdah dine'é éí Jííbas dine'é Jerúsalem kin haal'áagi kéédahat'ínígíí baa ch'ídahidoojahígíí doo yídaneel'ą́ą da; éí bąą díí jį́įjį' Jííbas dine'é éí Júdah dine'é yił Jerúsalem kin haal'áagi kéédahat'į́.

JOSHUA 18:26

Mízpeh, Kiifáírah, Mózah,

JOSHUA 3:10

Áko Jáshowa ání, Díí nihił béédahodoozįįł: Diyin God hináanii nihitahgi hólǫ́; éí t'áadoo ch'ééh ííł'íní nihilą́ąjį' Kéínan dine'é, Het dine'é, Háíva dine'é, Píírez dine'é, Gírgas dine'é, Ámor dine'é índa Jííbas dine'é ałtso baa ch'íhidoojah.

JUDGES 20:1

Ákohgo Dan kin haal'áádóó Bíyer-shííba kin shijaa'jį' Ízrel dine'é t'áá ałtso nidahaaskaigo Gíliyad kéyah nahós'a'dę́ę́' ałdó' t'áá yił niheeskaigo éí Mízpeh kin haal'áagi t'áá ła' bizhi'ee Bóhólníihii yaa áłah silį́į́'.

JUDGES 21:5

Áko Ízrel dine'é ádaaní, Ízrel dine'é bitahgóó ła' háidíígíishą' Bóhólníihii binááł áłah ílį́įgi doo nidziiskai da? Háálá Bóhólníihii ts'ídá hódéét'i'go yadazhdiilnii'go bee ádee hadahizhdeesdzíí' yę́ę Bóhólníihii binááł Mízpeh kin haal'áagi áłah ílį́įgi t'áadoo ła' jiníyáágóó, T'óó hodi'yoolyééł, shą́ą́' ho'doo'niid ni'.

JUDGES 21:8

Áko ádaaní, Ízrel dine'é bits'ą́ą́dóó háidíígíishą' Mízpeh kin haal'áagi Bóhólníihii binááł áłah ílį́įjį' t'áadoo dazdeeskai da? Nít'éé', shoo, Jéíbesh-gíliyad kin haal'áádóó dine'é dah oonéłíjį' t'áadoo dazdeeskai da lá.

JUDGES 3:3

Díí lą́ą: Filístiya dine'é éí binanit'a'í ashdlalt'éego yił bikin hadaas'á áádóó Kéínan dine'é t'áá ałtso kéyahgi kéédahat'į́į́ nít'éé' áádóó Sáídan dine'é índa Háíva dine'é Dził Lébanangóó éí Dził Béíyal-hérman si'ánídóó Héímath kin haal'áii yah ahóót'i'jį' kéédahat'į́į́ nít'éé'.

JUDGES 3:5

Ákohgo Ízrel dine'é éí Kéínan dine'é áádóó Het dine'é áádóó Ámor dine'é áádóó Píírez dine'é áádóó Háíva dine'é índa Jííbas dine'é yitahgóó kéédahat'į́į́ nít'éé'.

I SAMUEL 10:17

Áko Sámuel éí diné hágo bizhdííniidgo Mízpeh kin shijaa'gi Bóhólníihii bá áłah ájiilaa,