JOSHUA 11:23 - Navajo Bible

²³ Ákohgo Jáshowa éí kéyah t'áá át'éé nít'éé' yisná; Bóhólníihii éí Mózes yich'į' yee haadzíi'ii t'áá ałtso bik'ehgo í'jiilaa, áko Ízrel dine'é t'áá bí dadine'íígíí bik'ehgo kéyah íí' dooleełii Jáshowa hataideez'ą́. Áko éí kéyahgi hasht'ehodíít'e'.

JOSHUA 11:23 ပူးပေါင်းရင်းမြစ်များ

NEHEMIAH 9:24

Áko Ízrel dine'é éí kéyah yiih yínáago bíí' daazlį́į'go éí kéyah yii' kéédahat'į́į́ nít'éé' yę́ę Kéínan dine'é bik'eh dínídlį́į́', áko t'áá hó daznízinígi át'éego ádazhdoolííł biniyé éí kéyahdóó aláahgo naat'áanii danilíinii índa dadine'é hálák'ee dadííní'ą́.

PSALMS 46:9

Nahasdzáán nidanees'ą́ąjį' anaa' dahólóonii ánéísįįd. Ałtį́į́' yiyiitííh; tsiidétáán yiyiiłne'. Tsinaabąąs bijáád naakiígíí iidiyiiłk'ą́ą́h.

EXODUS 34:11

Díí jį́ bee nihich'į' haasdzí'ígíí béédaałniihgo baa dahonohsą́; jó, nihilą́ąjį' Ámor dine'é, Kéínan dine'é, Het dine'é, Píírez dine'é, Háíva dine'é índa Jííbas dine'é ch'ídahoniishkaad doo.

EZEKIEL 45:8

Díí kwe'é kéyah si'ánígíí Ízrel dine'é bitahgi naat'áanii danilíinii bíí' doo; ákót'éego diné doo bich'į' nidahojiiłnáa da doo, áádóó łahjį' kéyahígíí Ízrel dine'é dadóone'é bik'ehgo daabíí' doo.

DEUTERONOMY 1:38

Nidi Nan biye' Jáshowa wolyéii nihiląąjį' sizínígíí éí díí kéyah yiih doogááł; éí chánah ádeínóhsin; jó, éí kéyahígíí Ízrel dine'é bíí' dooleełgo íidoolííł.

DEUTERONOMY 25:19

Áko kót'ée doo: éí Bóhólníihii nihiDiyin God éí nihi'ana'í nihinás'áhígíí bits'ąą háá'áyį́į́h nihaidiní'ą́ągo kéyah Bóhólníihii nihiDiyin God nihaidiní'ánígíí ádíí' ádadoohłíiłgi kéédahoht'į́įgo, Ámalek dine'é danilíinii yádiłhił biyaagi doo béédahodoonih da biniyé ałtso nidadoołtsxił. Éí t'ááká baa dayoohnééh lágo.

JOSHUA 11:18

Jáshowa éí aláahgo naat'áanii danilíinii yił anaa' dahółǫ́ǫgo nízaad nihoolzhiizh.

JOSHUA 12:7

Áádóó díí kéyahdóó aláahgo naat'áanii danilíinii éí Jáshowa áádóó Ízrel dine'é danilíinii Jórdan tooh e'e'aahjígo Lébanan yíldzisgi Béíyal-géed hoolyéhídóó Dził Héílak éí Dził Síyer bich'į'go deez'áhíjį' nidadzistseed, áko éí bikédaayah Jáshowa éí Ízrel dine'é bíí' dadooleełii yá ahádeizooígíí bik'ehgo yitaideez'ą́.

JOSHUA 18:10

áádóó Jáshowa éí yáá'iilt'e' ádajiilaago Ízrel dine'é bá Sháílohgi Bóhólníihii binááł baa nijiiyá; ákwii Jáshowa éí Ízrel dine'é kéyah baa dahideest'ánígíí bik'ehgo bá ałts'ádadzizo.

JOSHUA 22:4

Áko k'ad Bóhólníihii nihiDiyin God éí nihik'isóó háá'áyį́į́h yeidiní'ą́; jó, t'áá ákót'éego yich'į' yee ádee hadoodzíí'; éí bąą k'ad nihéédahohkááh; danihighangóó áádóó kéyah nihíí' daazlį́'ígóó, éí Bóhólníihii yá naal'a'í Mózes wolyéii Jórdan tooh wónaanídi nihaa hodiní'ánígóó nihéédahohkááh.

JOSHUA 23:1

Áádóó nízaad nihoolzhiizhgo Ízrel dine'é binaagóó bida'ana'í ásdįįdgo Bóhólníihii hasht'ehodít'é beidiní'ą́ągo Jáshowa bi'niitih áádóó t'óó ahayóí binááhai,