JOSHUA 11:2 - Navajo Bible

² áádóó aláahgo naat'áanii danilíinii náhookǫsjígo dziłgo nahaz'ánígóó kéédahat'ínígíí áádóó Kíniirath kin haal'áádóó shádi'ááhjígo Áraba dzígaigóó kéédahat'ínígíí áádóó yíldzisgóó kéédahat'ínígíí índa e'e'aahjígo dah yisk'id bighą́ą'di Dóor kin haal'áagi kéédahat'ínígíí ałdó' bich'į' i'dziis'a',

JOSHUA 11:2 ပူးပေါင်းရင်းမြစ်များ

I KINGS 15:20

Aláahgo naat'áanii Éísa ádííniidígíí Ben-héídad yi'iilaago siláo dah deínéehii bindanit'a'í éí Ízrel bikin hadaas'áágóó Áíjan áádóó Dan áádóó Éíbel-beth-méíyakah índa Kínerath dahoolyéégóó t'áá át'é áádóó Náftalai dine'é bikéyah t'áá át'é yich'į' ayiis'a'go yik'eh dadeesdlį́į́'.

I KINGS 4:11

Abínadab biye' éí Dor kéyah t'áá át'é bits'ą́ą́dę́ę́' ch'iyáán ninááyiijááh; Sálaman bitsi' Téífath éí hwe'asdzą́ą́;

NUMBERS 34:11

índa éí hoodzooígíí Shíífamdóó Ríblah kin haal'áajį' áádóó Áyiin hoolyéii ha'a'aahjígo hoodzo doo, áádóó ha'yaago hoodzooígíí tó siyínígíí Kíniireth hoolyéii ha'a'aahjí hoodzo doo.

LUKE 1:39

Áko íídą́ą́' Mary dashdiiyáago tsxį́įłgo kéyahgi dził naaznilígóó, Júdah kéyahdi kin haal'áadi jiníyá,

LUKE 5:1

Ákódahoodzaago Genésaret be'ek'id bąąhgóó dzizį́įgo, diné yíl'áhígíí Diyin God bizaad deididoots'į́į́ł biniyé hach'į' ałk'i naakai.

JOSHUA 10:40

Ákohgo Jáshowa éí kéyah t'áá át'éé nít'éé'; dah daask'idígóó áádóó shádi'ááhjí kéyahígíí áádóó dadzígaigóó áádóó dziłtsį́į́góó índa aláahgo bindanit'a'í t'áá ałtso bik'eh dazdeesdlį́į́'; t'ááłá'í nidi t'áadoo ła' áádadzisįįd da; dahináanii nidi ts'ídá t'áá át'é ałtso ádadzisdįįd. Ízrel dine'é biBóhólníihii Diyin God ádííniidii bik'eh dahojííł'įįd.

JOSHUA 10:6

Áko Gíbiyan dine'é éí Gílgaldi dah deínééhgóó Jáshowa bich'į' ada'dziis'a'go ádabijiní, Ninaal'a'í niidlį́įgo ádandii'ní t'áadoo na'áhodílziidí; ts'ídá tsį́įłgo nihaa nohkáahgo yisdádanihohnííł. Nihíká oohjeeh, háálá Ámor dine'é aláahgo binanit'a'í danilíinii t'áá ałtso dziłgo nahaz'ánígóó kéédahat'į́įgo áłah daazlį́į'go nihik'iijeeh.

JOSHUA 11:16

Áko Jáshowa éí kéyah t'áá át'éé nít'éé' yisná; dah daask'idgóó áádóó kéyah shádi'áahjigo t'áá át'é áádóó kéyah Góshen hoolyéhígíí t'áá át'é áádóó Áraba dzígaigóó áádóó Ízrel dine'é bikéyah dah daask'idgóó índa dadzígaigóó

JOSHUA 11:21

Áádóó ákwii hoolzhish yę́ędą́ą́' Jáshowa éí Éínak dine'é íísdįįd; dziłgo nahaz'ánígi kéédahat'íinii, Hííbran kin haal'áagi áádóó Dííber kin haal'áagi áádóó Éínab kin haal'áagi índa Júdah dine'é bikéyah dziłgo nahaz'ánígi t'áá át'é áádóó Ízrel dine'é bikéyah dziłgo nahaz'ánígi t'áá át'é kéédahojit'íinii t'áá ałtso hakin hadaas'áii t'áá bił Jáshowa áhásdįįd.

JOSHUA 12:23

Dóor agháhóó'áadi kin haal'áhígóó kéédahat'íinii aláahgo binanit'a'í t'ááłá'í, Gílgal dine'é aláahgo binanit'a'í t'ááłá'í,

JOSHUA 12:3

áádóó ha'a'aahjigo Áraba dzígaidóó be'ek'id Kíniirathjį' áádóó Beth-jéshimath kin shijaa' bich'ijígo Áraba dzígaigi be'ek'idíjį', t'áá éí Tónteel Dók'ǫ́ǫzhii hoolyéejį' índa shádi'áahjigo Dził Pízgah bitsį́įjį' yee bóhólnííh nít'éé',

JOSHUA 13:27

áádóó yíldzisgóó Beth-éíram kin shijaa'ígíí, Beth-nímrah kin haal'áii, Sákath kin shijaa'ígíí áádóó Zéífan kéyahígíí áádóó Héshban kin haal'áii aláahgo binanit'a'í Sáíhan wolyéii bee bóhólnííh nít'éé' yę́ę łahjį' yidziihígíí, éí Jórdan tooh bee hoodzooígíí, Kíniireth tó siyíníjį' nihoodzo áádóó ha'a'aahjigo t'áá át'é baa hodeet'ą́.

JOSHUA 17:11

Áádóó Ísakar dine'é bikéyah bikáá' índa Ásher dine'é bikéyah bikáá' ałdó' Manáseh dine'é bikin ła' hadaas'á; éí Beth-shíyan kin haal'áii áádóó bikin dah naazhjaa'ígíí, Íbliyam kin haal'áii áádóó bikin dah naazhjaa'ígíí, Dóor kin haal'áii ákwii kéédahat'íinii áádóó bikin dah naazhjaa'ígíí, Éndor kin haal'áii ákwii kéédahat'íinii áádóó bikin dah naazhjaa'ígíí, Téíyanak kin haal'áii ákwii kéédahat'íinii áádóó bikin dah naazhjaa'ígíí índa Megído kin haal'áii ákwii kéédahat'íinii áádóó bikin dah naazhjaa'ígíí t'áá daabił; éí táa'go kéyahígíí bikáá' ákóhoot'é.

JUDGES 1:27

Manáseh dine'é ałdó' díí kin hadaas'áágóó índa binaagóó kin dah naazhjaa'ígi kéédahat'ínígíí t'áadoo ch'ídahizneeskaad da; éí kódahoolyéego kin hadaas'á: Beth-shíyan, Téíyanak, Dóor, Íbliyam índa Megído dahoolyé, nidi Kéínan dine'é éí t'áá ákǫ́ǫ́ kéédahat'į́.