JOSHUA 11:16 - Navajo Bible

¹⁶ Áko Jáshowa éí kéyah t'áá át'éé nít'éé' yisná; dah daask'idgóó áádóó kéyah shádi'áahjigo t'áá át'é áádóó kéyah Góshen hoolyéhígíí t'áá át'é áádóó Áraba dzígaigóó áádóó Ízrel dine'é bikéyah dah daask'idgóó índa dadzígaigóó

JOSHUA 11:16 ပူးပေါင်းရင်းမြစ်များ

PSALMS 105:44

Ał'ąą dine'é bikéyah haidiní'ą́ áádóó yindaashnishii hwíí' daazlį́į́'.

PSALMS 78:55

Yilą́ąjį' ał'ąą dine'é hainiiskaad, éí bikéyah daahóó' dooleeł biniyé hataizo áádóó dabiníbaal naaznilígóó Ízrel ał'ąą ádóone'é dabighango áyiilaa.

EZEKIEL 17:23

bits'áoz'a' índa bineest'ą' dahodooleełgo gad baa dzólníinii dooleełígíí biniyé Ízrel dine'é bidził wót'ááh yí'áhígíí bighą́ą'gi k'idideeshłééł; éí gad biyaagóó tsídii t'áá ałtso ał'ąą ádaat'éii ła' kéédahat'į́į doo; bits'áoz'a' bee chaha'ohígíí ákǫ́ǫ́ kéédahat'į́į doo.

EZEKIEL 36:8

Shidine'é k'adę́ę nákahígíí bąą, nihí Ízrel bidził danohłíinii, nihits'áoz'a' dahodooleełgo shidine'é Ízrel bá nihineest'ą' dahodooleeł.

DEUTERONOMY 1:7

k'ad dah doohnéehgo Ámor dine'é bikéyah deílk'idgóó áádóó k'ídahoneezláagi kéédahat'ínígíí bitahgóó, dadzígaigóó áádóó dah daask'idgóó áádóó dahoníts'aa'góó áádóó shádi'áahjigo áádóó tónteel bibąąhgóó Kéínan dine'é bikéyahjigo áádóó Lébanan kéyahgi dził daní'áágóó índa ayóó át'é Yufréítiiz wolyéego tooh nílínígíí bich'į'go dadohnééh.

JOSHUA 10:40

Ákohgo Jáshowa éí kéyah t'áá át'éé nít'éé'; dah daask'idígóó áádóó shádi'ááhjí kéyahígíí áádóó dadzígaigóó áádóó dziłtsį́į́góó índa aláahgo bindanit'a'í t'áá ałtso bik'eh dazdeesdlį́į́'; t'ááłá'í nidi t'áadoo ła' áádadzisįįd da; dahináanii nidi ts'ídá t'áá át'é ałtso ádadzisdįįd. Ízrel dine'é biBóhólníihii Diyin God ádííniidii bik'eh dahojííł'įįd.

JOSHUA 10:41

Áko Kéídesh-barníya kin haal'áádóó Géíza kin haal'áajį' Jáshowa hadine'é bił ak'eh dazdeesdlį́į́', índa Góshen kéyahgóó t'áá át'é; t'áá Gíbiyan kin haal'áajį' nidi t'áá át'é ak'eh dazdeesdlį́į́'.

JOSHUA 11:15

Bóhólníihii éí Mózes há naal'a'í nilį́įgo bich'į' bee hadzoodzí'ígi át'éego Mózes ałdó' t'áá ákót'éego Jáshowa yich'į' yee haadzíí', áko Jáshowa éí t'áá ákódzaa; Bóhólníihii éí Mózes yich'į' yee haadzíi'ii bik'ehgo Jáshowa í'jiilaaígíí ałtso ła' dajiilaa.

JOSHUA 11:2

áádóó aláahgo naat'áanii danilíinii náhookǫsjígo dziłgo nahaz'ánígóó kéédahat'ínígíí áádóó Kíniirath kin haal'áádóó shádi'ááhjígo Áraba dzígaigóó kéédahat'ínígíí áádóó yíldzisgóó kéédahat'ínígíí índa e'e'aahjígo dah yisk'id bighą́ą'di Dóor kin haal'áagi kéédahat'ínígíí ałdó' bich'į' i'dziis'a',

JOSHUA 11:21

Áádóó ákwii hoolzhish yę́ędą́ą́' Jáshowa éí Éínak dine'é íísdįįd; dziłgo nahaz'ánígi kéédahat'íinii, Hííbran kin haal'áagi áádóó Dííber kin haal'áagi áádóó Éínab kin haal'áagi índa Júdah dine'é bikéyah dziłgo nahaz'ánígi t'áá át'é áádóó Ízrel dine'é bikéyah dziłgo nahaz'ánígi t'áá át'é kéédahojit'íinii t'áá ałtso hakin hadaas'áii t'áá bił Jáshowa áhásdįįd.

JOSHUA 12:8

Díí dziłgo nahaz'ánígíí, dayíldzisígíí, dadzígaígíí, tó hadaazlínígíí, dahonoojíhígíí índa shádi'áahjigo nahós'a'ígíí éí Het dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é bikédaayah nít'éé'.

JOSHUA 9:1

Áko aláahgo naat'áanii danilíinii t'áá ałtso Jórdan tooh biláahdi dah daask'idgóó áádóó deíldzisgóó índa Dził Lébanan bich'į'go ayóó át'é tónteel siyínígíí bibąąhgóó kéédahat'íinii éí Het dine'é, Ámor dine'é, Kéínan dine'é, Píírez dine'é, Háíva dine'é índa Jííbas dine'é díí yaa dahodiizts'ą́ą'go