JOSHUA 11:12 - Navajo Bible

¹² Áádóó aláahgo naat'áanii danilíinii bikin hadaas'áii t'áá ałtso índa aláahgo binanit'a'í danilíinii t'áá ałtso dadzisnáago éí Jáshowa hadine'é bił diltłish bee nidadzistseedgo ts'ídá ałtso ádadzisdįįd; Mózes éí Bóhólníihii binaal'a'í nilį́įgo hach'į' yee haadzíi'ii bik'eh hojííł'įįd.

JOSHUA 11:12 ပူးပေါင်းရင်းမြစ်များ

DEUTERONOMY 7:2

Bóhólníihii nihiDiyin God nihinááł nihílák'ee dahodiiz'ą́ągo bik'ijį' nidaahbaah doo, áádóó ałtso ádadoołdįįł; doo bił ahadadi'dooht'áał da, doo nidi baa a'ááh dadínóosįįł da.

DEUTERONOMY 9:3

Éí bąą díí jį́ díí bik'ida'doohtįįh: Bóhólníihii nihiDiyin God kǫ' ó'oołdįįłígi át'éego nihilą́ąjį' ha'naa nihodooleełgo áhodoołdįįł. Nihidáahjį' yi'iiłníihgo ch'ídahidínóołkał, áádóó t'áadoo hodina'í ałtso ádadoołdįįł; jó, Bóhólníihii ákónihidííniid.

JOSHUA 10:20

Ákódaadzaago Jáshowa áádóó Ízrel dine'é éí bida'ana'í ałtso nideistseedgo ayóó át'éego nayídeisdįįdgo t'áá ch'éékaígíí t'éí kin hadaas'áii ditą́ągo binaa ahééda'astł'iní góne' yah aheezhjéé'.

JOSHUA 10:28

Áko éí bijį́ Jáshowa éí Makíídah kin haal'áii dadzisná áádóó diltłish bee ałtso nidadzistseed; aláahgo binanit'a'í t'áá bił ádadzisdįįd, áko diné t'áá át'é ałtso nidadzistseedgo t'ááłá'í nidi t'áadoo ła' áádadzisįįd da; t'áá Jériko kin haal'áádóó aláahgo naat'áanii ádajiilaa yę́ęgi át'éego Makíídah kin haal'áádóó aláahgo naat'áanii ałdó' ákódajiilaa.

JOSHUA 10:30

áádóó Bóhólníihii éí Líbna dine'é áádóó aláahgo binanit'a'í Ízrel dine'é yílák'eidíí'ą́ągo atídayiilaa áádóó diltłish yee nideistseed, áko diné t'áá át'é ałtso nideistseedgo t'ááłá'í nidi t'áadoo ła' áádeisįįd da; t'áá Jériko kin haal'áádóó aláahgo naat'áanii ádayiilaa yę́ęgi át'éego díí aláahgo naat'áanii ałdó' ákódayiilaa.

JOSHUA 10:32

áádóó Bóhólníihii éí Léíkish dine'é danilíinii Ízrel dine'é yílák'eidíí'ą́ áádóó naaki jį́ aleeh góne' éí deisnáago diltłish yee nideistseed, áko diné t'áá át'é ałtso nideistseed; Líbna kin haal'áadi ádaadzaaígi ánáádaadzaa.

JOSHUA 10:35

áko éí bijį́į́dą́ą́' dadzisnáago diltłish bee nidadzistseed, áko éí bijį́į́dą́ą́' diné t'áá át'é ts'ídá ałtso ádadzisdįįd; Léíkish kin haal'áagi ádadziidzaaígi ánáádajíít'įįd.

JOSHUA 10:37

áádóó éí dadzisnáago aláahgo binanit'a'í áádóó bikin hadaas'áii índa ákwii diné t'áá ałtso diltłish bee nidadzistseed; t'ááłá'í nidi t'áadoo ła' áádadzisįįd da; Églan kin haal'áii ts'ídá ałtso ádadzisdįįdígi át'éego diné t'áá át'é ałtso ádadzisdįįd.

JOSHUA 11:13

Nidi dah daask'idgóó kin hadaas'áii éí Ízrel dine'é t'áadoo adeideesk'ą́ą' da; t'áá hazhó'ó Héízor kin haal'áii t'éiyá éí Jáshowa iidííłk'ą́ą́'.

JOSHUA 11:15

Bóhólníihii éí Mózes há naal'a'í nilį́įgo bich'į' bee hadzoodzí'ígi át'éego Mózes ałdó' t'áá ákót'éego Jáshowa yich'į' yee haadzíí', áko Jáshowa éí t'áá ákódzaa; Bóhólníihii éí Mózes yich'į' yee haadzíi'ii bik'ehgo Jáshowa í'jiilaaígíí ałtso ła' dajiilaa.

JOSHUA 13:6

Dził Lébanan si'ánídóó kéyah aghá dahaz'áágóó kéédahat'íinii t'áá ałtso Mísrefath-méíyim kin shijaa'jį' éí t'áá át'é Sáídan dine'é t'ah daadziih. Ízrel dine'é danilíinii bilą́ąjį' éí t'áá ałtso ch'ídínéeshkał, ákondi Ízrel dine'é éí kéyah bíí' dadooleeł biniyé nich'į' bee haasdzí'ígi át'éego bá ałts'ádadíízo.

JOSHUA 21:44

Áádóó Bóhólníihii éí Ízrel dine'é hanaagóó t'áá át'é hodéesyéelgo áyiilaa; éí dahazhé'é yę́ę yich'į' yee ádee hadoodzíi'ii t'áá át'é bik'ehgo áyiilaa; éí hwe'ana'í t'áá ałtso bitahdóó doo ła' hak'eh dódle' át'ée da, háálá Bóhólníihii éí hwe'ana'í t'áá ałtso hálák'eidíí'ą́.

JOSHUA 8:31

Mózes éí Bóhólníihii yá naal'a'í nilíinii Ízrel dine'é yich'į' yee haadzíí' yę́ęgi át'éego í'jiilaa; t'áá Mózes bibee haz'áanii biyi' naaltsoos bik'e'ashchínígi át'éego tsé hadaałt'éii diné doo ła' béésh yee néidííłne'ii bee bikáá' náá'iiniihí ájiilaago bikáa'gi didlidgo náádahaniihii éí Bóhólníihii bich'į' náádajiiłniih nít'éé', índa hózhǫ́ǫ́jí nááhániihii ałdó' náádadziisnii'.

JOSHUA 8:8

Áko kót'ée doo: kin haal'áhígíí dasoołnáago biih dahodidoohnił; Bóhólníihii nihich'į' yee haadzíi'ii bik'ehgo ída'doohłííł. Jó, ákót'éego nihich'į' bee haasdzíi' ni'.

JOSHUA 9:24

Nít'éé' Jáshowa áńdeidoo'niid, Ninaal'a'í daniidlíinii t'áá aaníígóó nihił dahóone'; Bóhólníihii niDiyin God nilíinii binaal'a'í Mózes éí kéyah t'áá át'é nihaididoo'áałgo éí kéyahgi kéédahat'íinii t'áá ałtso t'áá nihilą́ąjį' íidoołdįįłgo yich'į' yee haadzíí'. Éí bąą ádanihidoołdįįłgi bik'ee t'áá íiyisí nihił daayée'go nihiniinaa ákódeiit'įįd.